ស្របពេលជាមួយគ្នានេះដែរ ក៏មានទស្សនិកជនអ្នកគាំទ្រ និងអ្នកនិយមតាមដានរឿងរ៉ាវតារាក្នុងស្រុកបាននាំគ្នានិយាយថា ម៉ានីកា ចាប់តាំងពីមានឈ្មោះបោះ សំឡេងល្បី និងទាញបានប្រជាប្រិយភាពបន្តិចមកនោះ ឃើញថានាងហាក់ឡើងយីអ៊ុនខ្ពស់ និងមានសាច់ឈាមស្រស់ថ្លា រីកមុខមាត់ជាងមុន។ ម្យ៉ាងទៀត អ្វីដែលធ្វើឱ្យមហាជនចាប់អារម្មណ៍ខ្លាំងជាងនេះទៅទៀតនោះ គឺ នីកា ហាក់ឡើងទម្ងន់បែកសាច់ឈាមស្រស់ស្អាតជាងពេលមុនៗ។
អ្នកខ្លះបាននិយាយថា ដើមហេតុដែលនាំឲ្យកញ្ញា ម៉ានីកា ធាត់ឡើងគីឡូជាងមុនដូចនេះដោយសារតែតារាស្រីសាច់.ស រូបនេះសប្បាយចិត្តពីភាពជោគជ័យក្នុងអាជីពសិល្បៈ។ មិនត្រឹមតែប៉ុណ្ណោះ ក៏ឭថា នាងក៏សប្បាយចិត្តផងនៅពេលដែលមានប្រុសស្នេហ៍ស្រលាញ់ ថែមទាំងបុរសម្នាក់ នោះពូកែយកចិត្តតម្រូវតាមការចង់បានរបស់នាងមិនឲ្យមានការឃ្នើសចិត្ត។
ប្រភពបានបន្តថា កញ្ញា ម៉ានីកា មួយរយៈចុងក្រោយនេះ នាងហាក់មានរូបរាងធាត់ បែកសាច់ បែកឈាម ស្រស់ថ្លាជាងមុន ដែលធ្វើឱ្យរង្វង់មុខរបស់នាងឡើងពេញមូលក្រឡង់ ជាមួយនឹងសាច់ស្បែក.ស ខ្ចី ម៉ដ្ឋរលោង គួរឱ្យគ្រឺតក្នាញ់ និងជាទីពេញចិត្តរបស់ក្រុមកន្លង់អ្នកសម្បូរទ្រព្យស្តុក។
មានមតិខ្លះបានលើកឡើងថា ម៉ានីកា ឡើងទម្ងន់ពិតមែន តែនាងនៅតែមានរូបសម្រស់ស្រស់ស្អាតដដែល។ ស្របពេលដំណឹងស្នេហ៍ឆ្លងទ្វីបរបស់តារាស្រីរូបនេះក៏កំពុងតែលេចពន្លឺផងដែរនោះ។
យ៉ាងណាក្ដី ការបែកសាច់ឈាម និងឡើងទម្ងន់របស់តារាចម្រៀងស្រី កញ្ញា ម៉ានីកា នាពេលនេះត្រូវបានគេចាត់ទុកថា មកពីកញ្ញា នីកា សប្បាយចិត្ត ទាំងលើអាជីពសិល្បៈ និងរឿងរ៉ាវជីវិតស្នេហាឯកជនខាងក្រៅ ដែលរហូតមកដល់ពេលបច្ចុប្បន្ននៅតែមានការសង្ស័យពីសម្ពន្ធភាពស្នេហាលាក់កំបាំងរវាងនាង និងបុរសម្នាក់រស់នៅប្រទេសសិង្ហបុរី។
នៅព្រឹកថ្ងៃទី២៧ ខែកក្កដា ឆ្នាំ២០១៥នេះ កម្ពុជាថ្មីមិនទាន់អាចទាក់ទងដើម្បីសុំ ការបកស្រាយបន្ថែមពីកញ្ញា ម៉ានីកា បាននៅឡើយទេជុំវិញរឿងនេះ៕
ម៉ានីកា ផ្ទុះដំណឹងស្នេហាប្រុសសិង្ហបុរី
0 Comments