ភ្នំពេញ ៖ ការកែច្នៃសម្រស់ពីធម្មជាតិវាបានក្លាយទៅជាទម្លាប់ និងជាទីពេញនិយមសម្រាប់មនុស្សសម័យបច្ចេកវិទ្យាទំនើប ជាពិសេសតារាសិល្បៈតែម្តង ហើយកន្លងមកក៏ធ្លាប់មានអ្នកខ្លះរងគ្រោះដោយសារតែការកែសម្ផស្ស នៃរាងកាយនោះដែរ។ ជាក់ស្តែងដូចជាតារាចម្រៀងកញ្ញាសុគន្ធ នីសាត្រូវបានប្រភពដែលស្និទ្ធនឹងនាងទម្លាយថា ពេលនេះនាងកំពុងតែមានបញ្ហាចង្កាដែលធ្លាប់បានធ្វើការវះកាត់កាលពីប៉ុន្មានឆ្នាំមុន។
ប្រភពដដែលបន្តថា ចង្ការបស់ សុគន្ធ នីសា បានឡើងក្រហមខុសពីធម្មតាដែលជាសញ្ញាប្រាប់ថាកំពុងធ្វើទុក្ខ ហើយប្រសិនបើនាងមិនប្រញាប់ជួបវេជ្ជបណ្ឌិត ដែលមានជំនាញច្បាស់លាស់ទេអាចធ្វើឲ្យនាងឈឺកាន់តែខ្លាំងជាក់ជាមិនខាន។ គេនិយាយទៀតថា សុគន្ធ នីសាបានកែច្នៃចង្កាពីធម្មជាតិរបស់នាងដោយការចាក់ថ្នាំ ដើម្បីឲ្យទម្រង់ចង្កាមានរាងជាអក្សរV អស់រយៈពេលប្រហែល៣ឆ្នាំមកហើយ ហើយមិនថាតែសុគន្ធ នីសានោះទេ ដែលមានបញ្ហាបែបនេះ ពោលគ្រប់អ្នកដែលបានកែច្នៃចង្កាឬក៏ច្រមុះគឺសុទ្ធតែប្រតិកម្មដូច្នេះដោយគេចមិនផុត។
តារាចម្រៀងប្រចាំផលិតកម្មថោន កញ្ញាសុគន្ធ នីសាបាននិយាយប្រាប់«កម្ពុជាថ្មី»ថា ចង្ការបស់នាងបានកែច្នៃដោយការចាក់ថ្នាំអស់រយៈពេលប៉ុន្មានឆ្នាំមកហើយ ហើយរូបនាងពិតជាមានបញ្ហាកើតឡើងត្រង់ផ្នែកចង្កាមែន គឺឡើងកន្ទួលក្រហមប្រហែលជាប្រតិកម្មចំណីក៏មិនដឹង ក៏ប៉ុន្តែមិនដល់ថ្នាក់ធ្ងន់ធ្ងរទៅប្រកបកិច្ចការអ្វីឬច្រៀងមិនកើតនោះឡើយ។
សុគន្ធ នីសាបញ្ជាក់ថា «នាងក៏បានត្រៀមខ្លួនទៅជួបអ្នកជំនាញផ្នែកខាងសម្ផស្ស ដើម្បីពិនិត្យនិងព្យាបាលឡើងវិញផងដែរ បើទោះបីជាធ្ងន់ឬស្រាលកមិនត្រូវប្រហែសនោះដែរ»៕
សុគន្ធ នីសា មានបញ្ហាចង្កា ដែលធ្លាប់កែច្នៃ កាលពីប៉ុន្មានឆ្នាំមុន
0 Comments