ភ្នំពេញ ៖ តារាសម្ដែងសិចស៊ីនាង ឆយី កាលពីថ្មីៗនេះ បានធ្វើការវះកាត់សម្រាលបានកូននៅមន្ទីរពេទ្យកាល់ម៉ែត ក្នុងក្រុងភ្នំពេញ។
កាលនោះគេពុំបានដឹងទេថា តើការវះកាត់សម្រាលបានកូនពេលនោះ នាងទទួលបានកូនស្រី ឬប្រុស និងមានមុខមាត់គួរឲ្យស្រលាញ់យ៉ាងណាទេ ទើបតែមុននេះបន្តិច គេប្រះឃើញនៅលើបណ្ដាញសង្គមហ្វេសប៊ុករបស់តារាសម្ដែងមានកូនអត់ទាន់បង្ហាញមុខប្តីនាង ឆយី មានបង្ហោះរូបថតកូនស្រីជាច្រើនសន្លឹកជាសាធារណៈ។
ជាមួយគ្នានឹងការបង្ហោះរូបកូនស្រីនេះដែរ អ្នកនាង ឆយី ក៏បានសរសេរសារបង្ហាញពីអារម្មណ៍ដែលខ្លួនកំពុងតែបំពេញតួនាទីធ្វើជាម្ដាយល្អថា Good morning my little angle ..គេងស្រួលណាស់កូន…ម្ចាស់ចិត្តmummy ……ឡាញ់កូនណាស់ណា…..។
តារាសម្ដែងលេចធ្លោតាមរយៈការបង្អួតបង្ហាញរូបសម្រស់សិចស៊ីអ្នកនាង ឆយី ពពោះកូនស្រីបានរយៈពេល៧ខែតែប៉ុណ្ណោះ ក៏បានសម្រេចបង្កើតកូនតាមវិធីសាស្ត្រនៃការវះកាត់មុនពេលកំណត់ ដែលការវះកាត់នោះ គឺទទួលបានជោគជ័យ និងអាចឆ្លងផុតឧបសគ្គទាំងម្តាយ និងកូន។ប៉ុន្តែយ៉ាងណាក៏ដោយ រហូតមកទល់ពេលនេះ នាងនៅតែបន្តលាក់បាំងមិនបញ្ចេញអត្តសញ្ញាណឪពុករបស់កូននាងនៅឡើយទេ។
កម្ពុជាថ្មី នៅព្រឹកថ្ងៃទី២៨ ខែកក្កដា ឆ្នាំ២០១៥នេះ ព្យាយាមភ្ជាប់ទំនាក់ទំនងទៅកាន់អ្នកនាង ឆយី ដើម្បីសួរនាំពីរឿងនេះដែរ តែមិនអាចទំនាក់ទំនងបានទេ ដោយលេខទូរស័ព្ទរបស់នាងធ្លាប់ប្រើពីមុនឆ្លើយថាគ្មានប្រើប្រាស់នៅក្នុងប្រព័ន្ធ។
គួរបញ្ជាក់ថា ចាប់តាំងពីធ្លាយដំណឹងនៃការមានកូនរបស់តារាសម្ដែងនាង ឆយី នោះមកបានក្លាយជាទីចាប់អារម្មណ៍របស់មហាជនអ្នកគាំទ្រ ក៏ដូចជាបណ្ដាញផ្សព្វផ្សាយនានា ព្រោះកន្លងមកពុំធ្លាប់មាននរណាម្នាក់បានដឹងទេថា តារាស្រីរូបនេះធ្លាប់មានទំនាក់ទំនងស្នេហាស៊ីជម្រៅ ឬរៀបចំពិធីអាពាហ៍ពិពាហ៍ដោយបើកចំហជាមួយបុរសណាម្នាក់ជាផ្លូវការឲ្យពិតប្រាកដនោះឡើយ ប៉ុន្តែនៅសុខៗនាងបែរជាមានកូនយ៉ាងដូច្នេះ៕
ឆយី នៅតែបន្តលាក់បាំងមុខប្ដី
0 Comments