អ្នកស្រី សួង ធី បាននិយាយថា ក្រោយពេលរត់ច្បាប់ និងឯកសារអស់រយៈពេលជាច្រើនខែមក គឺទើបតែពេលនេះ គាត់ទទួលបានសិទ្ធិក្នុងការបើកផលិតកម្មដែលបានដាក់ឈ្មោះថា«ភី សុគន្ធីភាពយន្ត» ហើយគាត់ក៏បានចំណាយប្រាក់ដ៏ច្រើនសន្ធឹកសន្ធាប់ដើម្បីទិញសម្ភារៈ និងឧបករណ៍ថតកុនទំនើបៗផងដែរ។ អ្នកស្រីបញ្ជាក់ថា មិនត្រឹមតែប៉ុណ្ណោះ ផលិតកម្មរបស់គាត់ក៏មានអ្នកនិពន្ធ អ្នកដឹកនាំរឿងព្រមទាំងអ្នកដែលមានជំនាញខាងផ្នែកភាពយន្តដើម្បីសហការគ្នាផងដែរ។
ថៅកែវង់ល្ខោនបាសាក់នៅភូមិក្រាំងស្លែងរូបនេះបញ្ជាក់ទៀតថា អ្វីដែលធ្វើឲ្យរូបគាត់សម្រេចចិត្តបោះទុនបើកផលិតកម្មផ្ទាល់ខ្លួននេះក៏ដោយសារតែគាត់សម្លឹងឃើញថា ទីផ្សារភាពយន្តនៅប្រទេសយើងកំពុងតែមានសន្ទុះ ជាពិសេសដើម្បីជួយលើកស្ទួយវិស័យភាពយន្តរបស់ខ្មែរផងដែរ។
អ្នកស្រី សួង ធី បញ្ជាក់បន្ថែមថា ពេលនេះផលិតកម្មរបស់គាត់បាននិងកំពុងតែបើកកាមេរ៉ាដំណើរការថតរឿងដំបូងដែលមានចំណងជើងថា «បេះដូងកូពី»និពន្ធដឹកនាំរឿងដោយអ្នកស្រី ប៉ុល ពិសី ព្រមទាំងមានតួសំដែងប្រុស/ស្រីល្បីៗជាច្រើនរូបចូលរួមសំដែង ហើយសង្ឃឹមថាវណ្ណកម្មដំបូងរបស់ផលិតកម្ម«ភី សុគន្ធី»នឹងទទួលបាននូវការគាំទ្រជាក់ជាមិនខាន៕
អ្នកស្រី សួង ធី បោះទុនបើកផលិតកម្មថតខ្សែភាពយន្ត
0 Comments