នៅដើមឆ្នាំ២០១៤ លោក ទុំ សារុត ហៅនាយឃ្លោក ត្រូវបានព្រះមហាក្សត្រព្រះបាទបរមនាថ នរោត្តមសីហមុនី ត្រាស់បង្គាប់តែងតាំងជាឯកឧត្ដម ដែលបច្ចុប្បន្នជាទីប្រឹក្សាអគ្គលេខាធិការដ្ឋានព្រឹទ្ធសភា មានឋានៈស្មើអនុរដ្ឋលេខាធិការ។ ដោយសារតែកន្លងមក អតីតតារាកំប្លែងមិនសូវសំបូរសក់ នាយឃ្លោក បានជួយការងារមនុស្សធម៌សង្គមយ៉ាងសស្រាក់សស្រាំនោះ លោកក៏ត្រូវទទួលបាននូវងារបន្ថែមមួយទៀតគឺ«ឧកញ៉ា»។
ជំនួបតាមប្រព័ន្ធទូរស័ព្ទប្រហែល៥នាទី នាយឃ្លោកបាននិយាយប្រាប់«កម្ពុជាថ្មី»ថា ការសម្រេចចិត្តឃ្លាតឆ្ងាយពីអាជីពជាតារាកំប្លែងដែលលោកស្រឡាញ់ចូលចិត្តតាំងពីតូចមកនេះដោយសារតែលោកជាប់ដៃរកស៊ីមុខជំនួញជួញដូរជាច្រើន ក៏ដូចជាមានភារកិច្ចបំពេញតួនាទីការងាររដ្ឋផង ដូច្នេះហើយ ទើបគ្មានពេលគ្រប់គ្រាន់សម្រាប់សិល្បៈដើម្បីបម្រើអារម្មណ៍ទស្សនិកជន។ អតីតអ្នកបញ្ចូលសំឡេងកុននាយឃ្លោកបន្ថែមថា «បើទោះបីជាគាត់មានឋានៈជាឧកញ៉ា ឬអ្វីក៏ដោយ ក៏គាត់នៅតែមានការនឹករលឹកមិត្តភ័ក្ដិរួមអាជីពដដែល ហើយប្រសិនបើមានឱកាស គាត់នឹងបន្តជួយដល់អ្នកសិល្បករ-ការិនីចាស់ៗយើងផងដែរ»៕
តារាកំប្លែងនាយឃ្លោក មានងារជាឧកញ៉ា
0 Comments