នៅឯ Washington County អត្រានៃការឆ្លងជំងឺថ្លើម C នេះ កាលពីឆ្នាំទៅមិញ ស្ថិតក្នុងកម្រិតដ៏ខ្ពស់បំផុត គឺលើសដល់ទៅ៣ដង បើគិតពីចំនួនមធ្យមនៅទូទាំងប្រទេស។ បញ្ហាដែលតាមការយល់ឃើញពីក្រុមមន្ដ្រីសុខាភិបាលនោះ ក៏ព្រោះតែការប្រើប្រាស់ការចាក់ម្ជុលដោយប្រើថ្នាំញៀនហេរ៉ូអ៊ីន ព្រមទាំងសារធាតុញៀនដទៃទៀត រួមជាមួយនឹងការប្រើប្រាស់ម្ជុលចាក់ថ្នាំជារួម។
នៅ Maine កំពុងតែស្ថិតនៅក្រោមការចម្លងរាលដាលដ៏អាក្រក់បំផុតនៃការឆ្លងជំងឺថ្លើម Hepatitis C នោះ ផ្ដើមតាំងពីជំងឺបានចាប់ផ្ដើមកើតមាននៅក្នុងទសវត្សរ៍ឆ្នាំ១៩៩០។ នៅ Washington County អត្រាមានដល់ទៅ៦ករណី ក្នុងចំណោមមនុស្ស១០០,០០០នាក់ ហើយបើគិតទូទាំងប្រទេសគឺមាន០.៧ភាគ១០០,០០០។
ប៉ុន្ដែបញ្ហានេះ វាមិនមែនកំហិតនៅឯតំបន់ Maine ប៉ុណ្ណោះទេ គឺមានលើសពីទីនោះទៅទៀត នោះក៏ដោយសារតែការប្រើប្រាស់សារធាតុញៀនប្រភេទហេរ៉ូអ៊ីននោះតែម្ដង។
ករណីដែលកើតមានដូចគ្នា គឺនៅ Springfield រដ្ឋ Missouri នៅ Madison County ក្នុងរដ្ឋ Indiana ដោយមានករណីឆ្លងថ្មីដល់ទៅ៧០ករណីនៅឆ្នាំ២០១៣ រហូតដល់១៣០ករណីនៅឆ្នាំ២០១៤ រួមជាមួយនឹងការចម្លងហ៊ីវ-អេដស៍ផងដែរ ដោយសារអ្នកប្រើប្រាស់ថ្នាំញៀនចាក់ដោយម្ជុល។
នៅរដ្ឋ Massachusetts ករណីកើតជំងឺថ្លើម C មាន១០ករណី នៅឆ្នាំ២០០៩ បានកើនឡើងដល់១៧៤ករណីនៅឆ្នាំ២០១៣។
នៅក្រុង Appalachia រដ្ឋ Kentucky អត្រានៃអ្នកកើតជំងឺថ្លើម C មានដល់៥.១ករណីក្នុងរៀងរាល់ពលរដ្ឋ១០០,០០០នាក់ គឺលើសពីអត្រាទូទាំងប្រទេសដល់ទៅ៧ដង នេះបើយោងតាមទិន្នន័យនៃមជ្ឈមណ្ឌលបង្ការ និងគ្រប់គ្រងជំងឺឆ្លង Center for Disease Control and Prevention។
មនុស្សដល់ទៅជាង១៩,០០០នាក់បានស្លាប់ ដោយសារជំងឺថ្លើម C នៅឆ្នាំ២០១៣ ហើយកើនឡើងពី១៦,២៣៥នាក់ នៅឆ្នាំ២០០៩ ដោយយោងទៅតាមរបាយការណ៍របស់មជ្ឈមណ្ឌលខាងលើ៕
AP
ជំងឺថ្លើមHepatitis កើនឡើងឆ្លងពីម្នាក់ទៅម្នាក់ ដោយសារការចាក់ម្ជុលគ្រឿងញៀនហេរ៉ូអ៊ីន
0 Comments