កញ្ញា Jessica តារាចំរៀងស្រីកូរ៉េដ៏ស្រស់ស្អាតមួយរូបដែលជាអតីតសមាជិកក្រុម Girl Generation របស់ផលិតកម្ម SM Town ដែលទទួលបានការគាំទ្រយ៉ាងច្រើនសន្ធឹកសន្ធាប់ បានចាកចេញជាផ្លូវការពីផលិតកម្មហើយ។
តាមប្រភពពីប្រទេសកូរ៉េបានឱ្យដឹងថា ក្រោយពីផលិតកម្ម SM Town បានប្រកាសថាកញ្ញា Jessica ចាកចេញជាផ្លូវការកាលពីម្សិលមិញមក កញ្ញា Jessica ក៏បានថ្លែងប្រាប់អ្នកសារព័តមាននិងអ្នកគាំទ្ររបស់នាងថា៖ នាងនឹងថែរក្សាអនុស្សាវរីយ៍ប៉ុនា្មនឆ្នាំដែលនាងបានឈរជើងនៅផលិតកម្ម SM Town ហើយនាងក៏សង្ឃឹមថា ក្រុមហ៊ុននឹងរីកចំរើនជាលំដាប់ផងដែរ។
មិនត្រឹមតែប៉ុណ្ណោះនាងបាននិយាយទៀតថា នាងពិតជាអគុណខ្លាំងណាស់ដល់មនុស្សជាច្រើនដែលបានគាំទ្រនាង។ បីទោះជាកញ្ញា Jessica បានចាកចេញក៏ពិតមែន ប៉ុន្តែកញ្ញានឹងខំប្រឹងអស់ពីកំលាំងកាយចិត្តចាប់ផ្តើមសារជាថ្មី មិនឱ្យអ្នកគាំទ្ររបស់នាងអស់សង្ឃឹមនោះឡើយ៕
Jessica ចាកចេញពីផលិតកម្ម SM Town តែនៅថែរក្សាអនុស្សាវរីយ៍
0 Comments