រតនគិរី ៖ មន្ត្រីប៉ូលិសប៉ុស្តិ៍សេដាម្នាក់បានបាញ់សម្លាប់ខ្លួនឯងដោយសារខឹងប្រពន្ធស្ដីបន្ទោសរឿងផឹកស្រាស្រវឹងធ្លាក់ភ្នែករាល់ថ្ងៃ ដោយមិនសូវចេះរកស៊ីជួយប្រពន្ធផងនោះ មានឈ្មោះ ធឿន រត្ននី អាយុ៣៦ឆ្នាំ និងមានប្រពន្ធឈ្មោះ សាំង រ៉ាវ៉េន អាយុ២២ឆ្នាំ មានកូនស្រី អាយុ២ឆ្នាំម្នាក់ក្នុងបន្ទុក បានធ្វើឃាតខ្លួនឯងនិងកាំភ្លើងអាកាស្វាយបត់ ដោយបាញ់មួយគ្រាប់ត្រូវចំសៀតផ្កា ហេតុការណ៍នេះកើតឡើងកាលពីវេលាម៉ោង៨យប់ ថ្ងៃទី១២ ខែកុម្ភៈ ឆ្នាំ២០១៥ ក្នុងលំនៅដ្ឋានជនរងគ្រោះ ស្ថិតក្នុងភូមិថ្មីឃុំសេដា ស្រុកលំផាត់ ខេត្តរតនគិរី។
មន្ត្រីនគរបាលស្រុកលំផាត់ប្រាប់ឲ្យដឹងថា នៅថ្ងៃកើតហេតុលើមន្ត្រីប៉ុស្តិ៍រូបនោះបានធ្វើអត្តឃាតខ្លួនឯងនេះបានផឹកស្រាតាំងពីព្រឹក ហើយក៏មានទំនាស់ពាក្យសម្ដីឈ្លោះប្រកែកជាប្រពន្ធគាត់ ប៉ុន្តែមិនដឹងថារឿងអ្វីនោះទេ បានជាមន្ត្រីប៉ូលិសរូបនេះលើកាំភ្លើងអាកាស្វាយបត់បាញ់ប្រហារសម្លាប់ខ្លួនឯងបែបនេះ។
មន្ត្រីនគរបាលខាងលើប្រាប់បន្តទៀតថា មន្ត្រីប៉ូលិសប៉ុស្តិ៍ដែលបាញ់សម្លាប់ខ្លួនឯងនេះពុំមានបញ្ហាអ្វីក្នុងអង្គភាពរបស់ខ្លួនទេ។ បន្ទាប់ពីសមត្ថកិច្ចជំនាញធ្វើកោសល្យវិច័យសពរួចរាល់ប្រគល់ឲ្យក្រុមគ្រួសារ និងសាច់ញាតិធ្វើបុណ្យតាមប្រពៃណី ហើយប្រជាពលរដ្ឋដែលឈររោមមើលសពប៉ូលិសនោះលាន់មាត់ថា គ្រាន់តែប្រពន្ធស្តីឲ្យបន្តិចបន្តួចថ្លើមធំណាស់ហ៊ានបាញ់ខ្លួនឯងស្លាប់តែម្តងគ្មានអាណិតប្រពន្ធកូននោះទេ៕
តាជួង
0 Comments