Ad Code

ឈាម​ស្រែក​ស្បែក​ហៅ ឃាតក​ដែល​សម្លាប់​សង្សារ​ជា​នារី​បម្រើ​ខារ៉ាអូខេ​នៅ​ស្រុក​ស្រីស្នំ ត្រូវ​បាន​អ​.​ហ ឃាត់ខ្លួន



សៀមរាប ​៖​ កម្លាំង​អាវុធហត្ថ​ខេត្តសៀមរាប​សហការ​​ ជាមួយ​កម្លាំង​អាវុធហត្ថ​រាជធានី​ភ្នំពេញ ​និង​កម្លាំង​អាវុធហត្ថ​លើ​ផ្ទៃ​ប្រទេស បាន​ធ្វើ​ការ​ស្រាវជ្រាវ​រហូត​ឈាន​ដល់​ការ​ឃាត់​ខ្លួន​ជន​ដៃដល់​ម្នាក់​បម្រើការ​នៅ​កង​វិស្វកម្ម​លេខ​១៧៨ ដែល​សម្លាប់​សង្សារ​របស់​ខ្លួន​ ជា​នារី​បម្រើ​ការងារ ខារ៉ាអូខេ។

ហេតុការណ៍​ឃាត់​ខ្លួន​នេះ​ធ្វើឡើង​នៅ​វេលា​ម៉ោង​៦​និង​១០​នាទី​ ថ្ងៃទី​២៩ ខែ​ឧសភា ឆ្នាំ​២០១៨​នៅ​ចំណុច ក្រុមហ៊ុន ស្រ៊ុន​មុំ ភូមិ​បឹង​ឈូក សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ។

លោក​វរសេនីយ៍ត្រី អ៊ុយ ច​យ នាយការិយាល័យ​ព្រហ្មទណ្ឌ​នៃ​កងរាជអាវុធហត្ថ​ខេត្តសៀមរាប បាន​ឲ្យ​ដឹង នៅ​រសៀល​ថ្ងៃទី​២៩​នេះ​ថា កម្លាំង​កងរាជអាវុធហត្ថ​ខេត្តសៀមរាប ដឹកនាំ​ដោយ​លោក វរសេនីយ៍ឯក​ស្រី យូ​រ៉ា មេបញ្ជាការ​រង ទទួល​ការងារ​យុត្តិធម៌ សហការ​​ ជាមួយ​កម្លាំង​កងរាជអាវុធហត្ថ លើ​ផ្ទៃ​ប្រទេស កម្លាំង​កងរាជអាវុធហត្ថ​រាជធានី​ភ្នំពេញ និង​កម្លាំង​កងរាជអាវុធហត្ថ​ខណ្ឌ​ច្បារអំពៅ បាន​ចុះ​អនុវត្ត​ដីកា​បញ្ជា​ឲ្យ​ចូលខ្លួន លេខ​១៦៩/២០១៨ ចុះ​ថ្ងៃទី ២១ ខែ ឧសភា ឆ្នាំ​២០១៨ ចេញ​ដោយ​លោក កើត វណ្ណា​រ៉េត ព្រះរាជអាជ្ញា​អម​សាលាដំបូង​ខេត្តសៀមរាប និង ដោយមាន​ការ សម្របសម្រួល​ដោយ លោក កើត វណ្ណា​រ៉េត ព្រះរាជអាជ្ញា​អម​សាលាដំបូង​ខេត្តសៀមរាប កម្លាំង​ជំនាញ​បាន​ឃាត់ខ្លួន​ជន​សង្ស័យ ឈ្មោះ ម៉ៅ សុខ​ថៃ ភេទ​ប្រុស អាយុ​២៦​ឆ្នាំ មុខរបរ បើករថយន្ត​កង​វិស្វកម្ម​លេខ​១៧៨ ជាតិខ្មែរ ទីកន្លែង​កំណើត​នៅ ឃុំ​បន្ទាយដែក ស្រុក​កៀនស្វាយ ខេត្តកណ្តាល ទីលំនៅ​បច្ចុប្បន្ន ឃុំ​បន្ទាយដែក ស្រុក​កៀនស្វាយ ខេត្តកណ្តាល នៅ​ចំណុច ក្រុមហ៊ុន ស្រ៊ុន​មុំ ភូមិ​បឹង​ឈូក សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ ពាក់ព័ន្ធ​ករណី​ឃាតកម្ម។

សូម​រម្លឹក​ថា ​នៅ​វេលា​ម៉ោង​៦​និង​១០​នាទី ថ្ងៃទី​១៤​ ខែ​ឧសភា ​ឆ្នាំ​២០១៨ នៅ​ចំណុច​និយាម​ការ (៤៧. ៨៣៥-៣៨. ៩៥០) ខាងត្បូង​ជាប់ជើង​(​ភ្នំ​ស្រីស្នំ​) ចម្ងាយ​៥០០​ម៉ែត្រ ស្ថិតនៅ​ខាងកើត ភូមិ​ដំណាក់​ដំរី ឃុំ​ស្លែង​ស្ពាន ស្រុក​ស្រីស្នំ​ខេត្តសៀមរាប មាន​ករណី​ឃាតកម្ម បង្ក​ឡើយ​ដោយ​ជនសង្ស័យ​ឈ្មោះ ម៉ៅ​. សុ​ថៃ ភេទ​ប្រុស ទីលំនៅ​បច្ចុប្បន្ន ពុំ​ស្គាល់​ភូមិ​/​ឃុំ ស្រុក​កៀនស្វាយ ខេត្ត​កណ្ដាល មុខរបរ បើកបរ​រថយន្ត​កង​វិស្វកម្ម ក្រសួងការពារជាតិ​ដឹក​ដី នៅ​ការដ្ឋាន​ធ្វើ​ផ្លូវ​ឃុំ​ត្រាំសសរ ស្រុក​ស្រីស្នំ ខេត្តសៀមរាប (​រត់​គេចខ្លួន​) លេខ​ទូរស័ព្ទ​ជន​សង្ស័យ​០៩៧៩៤២៨៣៥០ បាន​ធ្វើ​សកម្មភាព​រឹត​ក ជនរងគ្រោះ (​ត្រូវជា​សង្សារ​) ឈ្មោះ ស៊ុន ស្រី​នាង ភេទ​ស្រី អាយុ​២៦​ឆ្នាំ ទីកន្លែង​កំណើត ភូមិ​មណ្ឌល​៣ សង្កាត់​ស្លក្រាម ស្រុក​សៀមរាប ខេត្តសៀមរាប ទីលំនៅ​បច្ចុប្បន្ន​រស់នៅ ភូមិ​ជ្រោយ​នាង​ងួន ឃុំ​ជ្រោយ​នាង​ងួន ស្រុក​ស្រីស្នំ ខេត្តសៀមរាប មុខរបរ នារី​បម្រើការ​ខារ៉ាអូខេ យីហោ (​កំសាន្ត​រីករាយ​) បណ្តាល​ឲ្យ​ស្លាប់ ហើយ​ជនសង្ស័យ​បាន​យក​សព​ទៅ​ចោល​នៅ​ចំណុច​ខាងលើ។ ជនសង្ស័យ​ត្រូវបាន​កម្លាំង​ជំនាញ​នាំខ្លួន​មក​តុលាការ​ខេត្តសៀមរាប​ដើម្បី​ចាត់ការ​តាមផ្លូវ​ច្បាប់៕



Source: Kampuchea Thmey Daily

Post a Comment

0 Comments

Close Menu