Ad Code

កម្លាំង​នគរបាល​ជំនាញ​សហការ​បង្ក្រាប​ និង​ឃាត់​ខ្លួន​មុខ​សញ្ញា​គ្រឿងញៀន ​​៤ ​នាក់



កំពង់ស្ពឺ​ ​៖​ កាលពី​ថ្ងៃ​ចន្ទ​ ១៤​កើត ខែជេស្ឋ ឆ្នាំច សំរឹទ្ធិស័ក ព​.​ស ២៥៦២ ត្រូវ​នឹង​ថ្ងៃទី​២៨ ខែឧសភា ឆ្នាំ២០១៨ នគរបាល​ជំនាញ​ស្រុក​សំរោង​ទង ដឹកនាំ​ដោយ​លោក​វរសេនីយ៍ឯក ឃុ​ត សុផល អធិការស្រុក បាន​ធ្វើការ​បង្ក្រាប​ករណី​ជួញដូរ​គ្រឿងញៀន​ចំនួន ២ ​ករណី​ផ្សេងគ្នា​ និងឃាត់ខ្លួន​ជនសង្ស័យបាន ​៤ ​នាក់​។

​ការបង្ក្រាប​ករណី​ជួញដូរ​គ្រឿងញៀន​នេះ គឺ​នៅ​ភូមិ​ក្រាំង​ស្នួល ឃុំ​ព្នាយ និង ភូមិ​អង្គ​តា​ឡឹ​ក ឃុំ​សំបូរ ស្រុក​សំរោង​ទង ឈានទៅ​ឃាត់​មនុស្ស​ចំនួន ៤ នាក់ ដកហូតសារធាតុ​ញៀន ១០ កញ្ចប់ (ធំ ១កញ្ចប់ មធ្យម ១​កញ្ចប់ និង​តូច ៨​កញ្ចប់) ជញ្ជីង​ថ្លឹង​គ្រឿងញៀន, ទូរស័ព្ទដៃ ២​គ្រឿង, ម៉ូតូ ០១​គ្រឿង​ និង​សម្ភារៈ​មួយចំនួនទៀត​។

​លោក​វរសេនីយ៍ឯក ឃុ​ត សុផល អធិការនគរបាល​ស្រុក​សំរោង​ទង ប្រាប់​ឲ្យ​ដឹងថា ជនសង្ស័យ​ទី​១-ឈ្មោះ ម៉ក់ សៀវ​ប៉ែ ភេទប្រុស អាយុ១៦​ឆ្នាំ រស់នៅភូមិ​ត្រពាំង​លាន ឃុំ​ចំបក់ ស្រុក​បាទី ខេត្តតាកែវ មក​ស្នាក់​នៅផ្ទះ​របស់​ឈ្មោះ ប៊​ន ជា នៅ​ភូមិ​ក្រាំង​ស្នួល ឃុំ​ព្នាយ ស្រុក​សំរោង​ទង ខេត្តកំពង់ស្ពឺ ដកហូត​គ្រឿងញៀន​ចំនួន ៥ កញ្ចប់​តូច, ទូរស័ព្ទដៃ ១ គ្រឿង​។ ទី​២-​ឈ្មោះ​ លៀង ឡូញ ហៅ​ឆ្លូញ ភេទប្រុស អាយុ៣៣​ឆ្នាំ​ រស់នៅ​ភូមិ​ឈូក​សោម ឃុំ​ភ្នំ​តូច ស្រុក​ឧដុង្គ ខេត្តកំពង់ស្ពឺ។ ទី​៣-​ឈ្មោះ ហេង សុវណ្ណ​រិ​ទ្ធ ហៅ ក្លិ​ច ភេទប្រុស អាយុ៣៤​ឆ្នាំ​ ភូមិ​អង្គ​តា​ឡឹ​ក ឃុំ​សំបូរ ស្រុក​សំរោង​ទង​។ ទី​៤ ឈ្មោះ ​សុខ ឆៃ ភេទប្រុស អាយុ៤១​ឆ្នាំ ភូមិ​អង្គ​តា​ឡឹ​ក ឃុំ​សំបូរ ស្រុក​សំរោង​ទង ជា​ម្ចាស់ផ្ទះ ដកហូត​គ្រឿងញៀន​ជាក់ស្ដែងចំនួន ៥​ កញ្ចប់ (ធំ ១កញ្ចប់, មធ្យម ១កញ្ចប់,តូច ៣កញ្ចប់) ជញ្ជីង​ថ្លឹងគ្រឿងញៀន១, ទូរស័ព្ទដៃ ១ គ្រឿង និង​សម្ភារៈមួយចំនួនទៀត​។​

បច្ចុប្បន្ន​ករណី​ខាងលើ ជំនាញកសាង​សំណុំរឿងចាត់ការ​តាម​នីតិ​វិធី​៕

Source: Kampuchea Thmey Daily

Post a Comment

0 Comments

Close Menu