Ad Code

ធន មករា ជា​ជើងឯក ​TV5 Boxing Knock Out Series​ ទម្ងន់​ ៥៧ ​គីឡូក្រាម​



​អ្នក​ប្រដាល់ ​ធន មករា សមាគម​កីឡាប្រដាល់​ក្រសួងការពារជាតិ បាន​ក្លាយជា​ម្ចាស់​ជើងឯកពានរង្វាន់​ TV5 Knock Out Series by K.Cement ទម្ងន់ ​៥៧​ គីឡូក្រាម ក្រោយពី​គេ​បានយកឈ្នះ ​លន បញ្ញា អ្នក​ប្រដាល់​ក្លិប​ម​ហិ​ទ្ធ​រិ​ទ្ធ​តា​ដំបង​ដែក ដោយ​ពិន្ទុ ក្នុង​ការប្រកួត​ផ្ដាច់ព្រ័ត្រនៅលើ​សង្វៀន TV5 ព្រែកកំពឹស កាលពី​យប់​ថ្ងៃទី២៦ ឧសភា ២០១៨។​ក្នុង​ការប្រកួត​ផ្ដាច់ព្រ័ត្រដែល​ប្រកួត​តែ​បី​ទឹក​នោះ ធន មករា ឈ្នះ លន បញ្ញា ដោយ​ពិន្ទុ។​ ធន មករា ឆ្លងកាត់​ការប្រកួត​ជម្រុះ ​៥​ ដំណាក់កាល​កន្លងមក គេ​វាយ​ឈ្នះ​ទាំង​ ៥​ ប្រកួត​។ ​លើក​ទី​១ គេ​ឈ្នះ លាភ សំណាង អ្នក​ប្រដាល់​ក្លិប​កងពលតូច​លេខ​៧០ ដោយ​ពិន្ទុ, លើក​ទី​២ ឈ្នះ ​លិញ ភារ​ម្យ ក្លិបភារ​ម្យ​គុន​ខ្មែរ ដោយ​ពិន្ទុ​ដែរ​, លើក​ទី​៣ ឈ្នះ ម៉ន រដ្ឋា ក្លិប​ការិយាល័យ​ទី​៥ កងទ័ពជើងគោក ក្នុងទឹក​ទី​២ លើក​ទី​៤ ដែលជា​ការប្រកួត​ពាក់​កណ្តាល​ផ្តាច់ព្រ័ត្រ​នោះ ធន មករា បានឈ្នះ​ យុគ យក្ស​ផ្លែ ក្លិប​បូរី​រាជសីហ៍​មាន​រិ​ទ្ធ ដោយ​ពិន្ទុ និងមកដល់​វគ្គ​ផ្ដាច់ព្រ័ត្រ​នេះ គេ​បានឈ្នះ​ លន បញ្ញា ក្លិប​ម​ហិ​ទ្ធ​រិ​ទ្ធ​តា​ដំបង​ដែក ដោយ​ពិន្ទុ​ទៀត។​ជាមួយនឹង​ទទួលបាន​តំណែង​ជើងឯក​នេះ អ្នក​ប្រដាល់ ​ធន មករា នៅបាន​ទទួល​ប្រាក់រង្វាន់​ចំនួន ៤.០០០​ ដុល្លារ​អាមេរិក​ទៀត​។ ឯ លន បញ្ញា ដែល​បាន​ចំណាត់ថ្នាក់​លេខ​២​នោះ ទទួលបាន​ពានមួយនិង​ប្រាក់រង្វាន់ ​២.០០០ ​ដុល្លារ ហើយ​ចំណាត់​លេខ៣ ដែល​បាន​ទៅលើ ​យុគ យក្ស​ផ្លែ អ្នកប្រដាល់​ក្លិប​បូរី​រាជសីហ៍​មាន​រិ​ទ្ធ ដែល​បាន​ប្រកួត​ឈ្នះ ​សង គង់ អ្នក​ប្រដាល់​ក្លិប​អេ​ភូ​ថង​កីឡាដោយ​ពិន្ទុ​នោះ ទទួលបាន​ពាន​មួយ​ និង​ប្រាក់រង្វាន់ ​៧៥០​ ដុល្លារ ហើយ​លេខ​៤ ជា​របស់​ សង គង់ នោះទទួលបាន​ពាន​មួយ​និង​ប្រាក់រង្វាន់ ​៥០០ ​ដុល្លារ។គួរបញ្ជាក់​អោយដឹងថា ព្រឹត្តិការណ៍​ប្រកួត​ប្រដាល់​ដណ្តើម​ជើងឯក​ពានរង្វាន់​ TV5 Knock Out Series by K.Cement ទម្ងន់​ ៥៧ ​គីឡូក្រាម​នេះ មាន​អ្នក​ប្រដាល់​ចំនួន ​៣២​ រូប​ចូលរួម ដោយ​ឆ្លងកាត់ការប្រកួត​ជម្រុះ​រហូតដល់ ​៣ ​ដំណាក់កាល ទើបបាន​ចូលដល់​វគ្គ​ពាក់កណ្តាល​ផ្ដាច់ព្រ័ត្រ និង​ផ្ដាច់ព្រ័ត្រ។ ការប្រកួត​បានចាប់ផ្តើម​ឡើង​នៅ​ថ្ងៃទី​២០​ មករា ​២០១៨ ហើយ​បានបញ្ចប់​នៅ​ថ្ងៃទី២៦ ​ឧសភា ២០១៨​ នេះ។

​ដោយឡែក ការប្រកួត​លក្ខ​ណៈអន្តរជាតិ​វិញ សេក គឹម​រួន អ្នក​ប្រដាល់​ក្លិប​អង្គរ​មានជ័យខេត្តសៀមរាប បាន​វាយ​ចាញ់​អ្នក​ប្រដាល់​ថៃ Bic Thip ក្នុង​ទឹក​ទី​៥ មុន​បញ្ចប់​ការប្រកួត​៥ ទឹក​ទៅហើយនោះ៕​

Source: Kampuchea Thmey Daily

Post a Comment

0 Comments

Close Menu