វ៉ាន់ នីឡា ថតរូបបញ្ចេញសាច់ខ្ចីមួយទំហឹងលើឆ្នេរខ្សាច់

ភ្នំពេញ ៖ តារាចម្រៀងស្រីរាងមាន់ចែរបស់ផលិតកម្មហង្សមាសដែលកន្លងមកធ្លាប់រងនូវរឿងអាស្រូវដ៏គួរឲ្យអាម៉ាស់ ក្រោយពេលអតីតគូស្នេហ៍ទម្លាយរូបភាពអាក្រាតកាយជាសាធារណៈនៅលើបណ្ដាញសង្គមហ្វេសប៊ុកកញ្ញា វ៉ាន់ នីឡា ថ្វីត្បិតតែករណីបណ្ដឹងនៅមិនទាន់រកឃើញពន្លឺយុត្តិធម៌ផង ថ្មីៗនេះស្រាប់តែតារាស្រីរូបនេះ បានសម្ញែងរូបភាពនៃដំណើរកម្សាន្តលើផ្ទៃឆ្នេរភ្ជាប់ជាមួយរូបភាពសិចស៊ីមើលឃើញស្ទើរកក់ឈាម។

រូបថតសិចស៊ីក្នុងឈុតសម្លៀកបំពាកប៊ីគីនីចាយរាងលើឆ្នេរខ្សាច់និងផ្ទៃទឹកសមុទ្រដ៏ស្រស់ខៀវស្រងាត់លើទឹកដីប្រទេសថៃរបស់តារាស្រីកញ្ញា វ៉ាន់ នីឡា ដែលកំពុងត្រូវបានទម្លាយចែកចាយនៅលើបណ្តាញសង្គមអ៊ីនស្ត្រាក្រាមបច្ចុប្បន្ន បានក្លាយជារឿងចាប់អារម្មណ៍ថ្មីមួយទៀតសម្រាប់មហាជន។ មិនតែប៉ុណ្ណោះ ក៏មានការលើកឡើងថា វ៉ាន់ នីឡា ធ្វើនេះហាក់មានចេតនាចង់សម្លាប់ចិត្តបុរសៗឲ្យលង់ស្នេហ៍ដក់ចិត្តមិនរួចលើរូបសម្រស់ដ៏ស្រស់ស្រឡូនរបស់នាងហើយ។

បើតាមការសង្កេតឃើញតាមរយៈរូបភាព២ឬ៣សន្លឹកដែលត្រូវបានសាមីខ្លួនកញ្ញា វ៉ាន់ នីឡា បង្ហោះជាសាធារណៈនៅលើបណ្តាញសង្គមកាលពីថ្មីៗនោះ គឺនាងស្លៀកពាក់បែបនារីអឺរ៉ុបស្ថិតក្នុងឈុតប៊ីគីនីបញ្ចេញសាច់គល់ភ្លៅស្រឡូនជាទីគយគន់របស់ទស្សនិកជន ពិសេសគឺបុរសៗកំហូចតែម្តង។រូបភាពសិចស៊ីរបស់កញ្ញា វ៉ាន់ នីឡា ភ្លាមៗនេះក៏ទទួលបានការគាំទ្រនិងលើកសរសើរពីសំណាក់ទស្សនិកជនជាច្រើនផងដែរ។

ជាការពិតតារាចម្រៀងស្រីកញ្ញា វ៉ាន់ នីឡាបើគិតរហូតមកទល់ពេលនេះបណ្តឹងលើអតីតគូស្នេហ៍របស់នាងគឺមានរយៈពេល១ឆ្នាំមកហើយ។ ប៉ុន្តែសម្រាប់ភាពយុត្តិធម៌នៅមិនទាន់មាននៅឡើយទេ ខណៈកន្លងមកនាងនិងលោក សុខ ជំនោ ដែលជាបងប្រុសបង្កើតតែងចេញមុខទទូចស្នើសុំការអន្តរាគមន៍ចំពោះរឿងនេះពីប្រព័ន្ធច្បាប់៕