បើក​ពិ​ព័រ​ណ៍​ពាណិជ្ជកម្ម​និង​លក់​ផលិតផល​មកពី​៥​ខេត្ត​ ភាគខាងត្បូង​ប្រទេស​ថៃ​

ភ្នំពេញ ៖ ការិយាល័យ​ពាណិជ្ជកម្ម​ខេត្ត​តាម​ជាយដែន​ភាគខាងត្បូង ​នៃ​ប្រទេស​ថៃ រួមមាន​ខេត្ត​ស៊ង់​ខ្លា យ៉ា​ឡា ប៉ាត់​តានី ណា​រ៉ា​ធិ​វ៉ាត និង​ខេត្ត​សា​ទូ​ន បានរៀបចំ​កម្មវិធី​តាំងពិព័រណ៍​ពាណិជ្ជកម្ម​និង​លក់​ផ​លិត​ផល​ថៃ​របស់​ខេត្ត​ទាំង​៥ ដែល​កម្មវិធី​នេះ​ត្រូវ​បាន​ប្រសិទ្ធិ​នាម​ថា “SOUTHERN THAILAND BEST PRODUCT @ Phnom Penh”​មាន​រយៈ​៤​ថ្ងៃ​ចាប់ពី​ថ្ងៃទី២៧-៣០ ខែកញ្ញា ឆ្នាំ២០១៨ នៅ​មជ្ឈមណ្ឌល​សន្និបាត និង​ពិ​ព័រ​ណ៍​កោះ​ពេជ្រ នៃ​ព្រះរាជាណាចក្រ​កម្ពុជា​។

នៅក្នុង​កម្មវិធី​នេះ​ មានការ​តាំងពិព័រណ៍​ពាណិជ្ជកម្ម​និង​លក់​ផ​លិត​ផល​ដោយ​ផលិតករ​ជាង ៥០ ស្តង់ ដោយមាន​លក់​ផលិតផល​ក្នុង​តម្លៃ​ពិសេស មានដូចជា សម្លៀកបំពាក់ គ្រឿងអលង្ការ ផលិតផល​ចំណីអាហារ និង​ផលិតផល​សិប្បកម្ម​មាន​ដូច​ជា ស្បែកជើង​សាញ​ននោង​ដើម្បី​សុខភាព ខ្នើយ​ដើម​កៅស៊ូ សាប៊ូ​សំបក​មង្ឃុត និង​គ្រឿងអលង្ការ​ដែល​ផលិត​ចេញពី​ស្រការ​ត្រី​ជាដើម​។



លើស​ពី​នេះ​ជា​រៀងរាល់ថ្ងៃ​និង​មាន​កម្មវិធី​ផ្ដល់​ភាពសប្បាយ​រីករាយ​ជូន​ដល់​បងប្អូន​ប្រិយមិត្ត​ដែល​មក​ចូលរួម​ផងដែរ ដូច​ជា​ការ​ផ្សងសំណាង ចែក​រង្វាន់​ផ្សេងៗ រួម​ជាមួយនឹង​ការសម្ដែង​សិល្បៈ​វប្បធម៌​ថៃ​ភាគខាងត្បូង​ដែល​ល្អមើល​ប្លែក​ភ្នែក​ផងដែរ។

ក្នុង​កម្មវិធី “SOUTHERN THAILAND BEST PRODUCT @ Phnom Penh” នេះ ក្រៅពី​នាំ​យក​ផលិតផល​គុណភាព​ឈានមុខ​ពី ៥ ខេត្ត​ភាគខាងត្បូង​នៃ​ប្រទេស​ថៃ​រួមមាន ខេត្ត​ស៊ង់​ខ្លា យ៉ា​ឡា ប៉ាត់​តានី ណា​រ៉ា​ធិ​វ៉ាត និង​ខេត្ត​សា​ទូ​ន ដែល​បង្កើន​ជម្រើស​នៃ​ផលិតផល​ជូន​បងប្អូន​ក៏ដូចជា​ភ្ញៀវទេសចរ​ហើយ​នោះ កម្មវិធី​នេះ​ធ្វើឡើង​ក្នុង​គោលដៅ​ពង្រឹង​មិត្តភាព​នៃ​ភាពជា​ដៃគូ​ជំនួញ​ក្នុង​រាជធានី​ភ្នំពេញ​ជាមួយ​ផលិតករ​នៃ​៥ ខេត្ត​ភាគខាងត្បូង​នៃ​ប្រទេស​ថៃ​ផងដែរ​៕

Source: Kampuchea Thmey Daily