ជនសង្ស័យ​២​នាក់​ ត្រូវ​ប៉ូលិស​ចាប់​បន្ទាប់ពី​ឆក់​ទូរ​សព្ទ័​រត់​មិន​រួច

ភ្នំពេញ​ ៖​ ជនសង្ស័យ​២​នាក់​ ត្រូវ​បាន​សមត្ថកិច្ច​ដេញ​ប្រផាប់​ប្រ​ភីង​ជាមួយ​ជនរងគ្រោះ​ចាប់បាន​ភ្លាមៗ​បន្ទាប់ពី​ពួកគេ​ធ្វើ​សកម្មភាព​ឆក់​ទូរស័ព្ទ​ម៉ាក​អាយ​ហ្វូ​ន​ស៊ី​ច​ផ្លឹ​ស​ពី​ជនរងគ្រោះ​បានសម្រេច​។

ករណី​ភ្ញាក់ផ្អើល​បាន​កើតឡើង​កាលពី​វេលា​ម៉ោង​៧​និង​៣០​នាទី​យប់​នៅ​ចំណុច​ផ្លូវ​១៨០០​ក្រុមទី​៤​ភូមិ​ទួល​ពពែ​សង្កាត់​ទួល​សង្កែ​ទី​២​ខណ្ឌឫស្សី​កែវ​។

​សមត្ថកិច្ច​ឲ្យ​ដឹង​ថា ​នៅវេលា​ម៉ោង​៧​និង​៣០​នាទី​ថ្ងៃទី​២៧​ខែកញ្ញា​ឆ្នាំ​២០១៨​នៅ​ចំណុច​ផ្លូវ​1800​ក្រុមទី៤ ភូមិ​ទួល​ពពែ​ សង្កាត់​ទួល​សង្កែ​ទី​2​ មាន​ជនសង្ស័យ​២នាក់​បាន​ជិះ​ម៉ូតូ​C125​ធ្វើ​សកម្មភាព​ឆក់​ទូ​រស័ព្ទ​បន្ទាប់មក​ជនរងគ្រោះ​បាន​ស្រែក​ឲ្យ​ជួយ​ក៏បាន​ជួប​និង​កំលាំង​ល្បាត​ខណ្ឌ​+​ប៉ុស្តិ៍​ដែល​កំពុង​ធ្វើការ​ល្បាត​លើផ្លូវ​បាន​ជួយ​អន្តរាគមន៍​ឈានទៅ​ឃាត់​ជនសង្ស័យ​បាន​២នាក់​នៅ​ចំនុច​ក្រោយ​គ្រាស​សាំង​តូ​តា​ល់​ផ្លូវ​៥៩៨​ក្រុម​ទី​២​ ភូមិ​ទួលគោក​ សង្កាត់​ទួល​សង្កែ​ទី​១ ​ខណ្ឌ​ឫស្សីកែវ។



ជនសង្ស័យ​ទី​១ឈ្មោះ​ហ៊ីម សុះ​ ភេទ​ប្រុស ​អាយុ​២៤​ឆ្នាំ ​ស្នាក់នៅ​ភូមិ​ចំការ​ឱ​ឡឹ​ក​ សង្កាត់កាកាប ​ខណ្ឌ​ពោ​ធិ៍​សែន​ជ័យ ​មុខរបរ​គ្មាន​(​គ្មាន​សារធាតុ​ញៀន​)។

ជនសង្ស័យ​ទី២​ឈ្មោះ​ចាន់ រក្សា​ហៅ​អា​ម៉ាប់​ ភេទ​ប្រុស​ អាយុ​៣៣​ឆ្នាំ ​មុខរបរ​គ្មាន​ស្នាក់​នៅផ្ទះ​លេខ​៨៧​ ផ្លូវ​លេខ​៥​ ភូមិ​ស្ពាន​ខ្ពស់​ សង្កាត់​គីឡូម៉ែត្រ​លេខ​៦ (​គ្មាន​សារធាតុ​ញៀន​)​។

ជនរងគ្រោះ​ឈ្មោះ​ឡូញ មធូ​រ៉ា ភេទ​ប្រុស ​អាយុ​១៨​ឆ្នាំ ​មុខរបរ​បុគ្គលិក​ហាង​សាំង​តេ​លា​ស្នាក់​នៅផ្ទះ​គ្មាន​លេខ​ផ្លូវលំ​ភូមិខ​១​ សង្កាត់​ច្រាំង​ចំរេះ​ទី២(​ដួល​រង​របួស​ជើង​ស្តាំ​សំរាក​នៅ​ពេទ្យ​ពន្លឺ​រស្មី​)​។

​សម្ភា​រៈ​ដកហូត​រួមមាន​ម៉ូតូ C125 ​ពណ៌​ខ្មៅ​ ពាក់​ស្លាក​លេខ​ភព 1GC-6091​លេខ​ម៉ាស៊ីន​C125ME 9863490 ជា​របស់​ជនសង្ស័យ​ទូ​រស័ព្ទ​របស់​ជនសង្ស័យ​១​ម៉ាក​Nix ពណ៌​មាស​លេខ​0969971958​ទូរស័ព្ទ​របស់​ជនរងគ្រោះ​១គ្រឿង​ម៉ាក​អាយ​ហ្វូ​ន​ភ្លើ​ស ព​ណ៌​ទឹកប្រាក់ បាន​ត្រូវ​ប្រគល់ជូន​រងគ្រោះ​វិញ។

ក្រោយ​ឃាត់ខ្លួន​ជនសង្ស័យ​ទាំង​២​នាក់​ខាងលើ​ ត្រូវ​បាន​បញ្ជូន​ទៅ​អធិការដ្ឋាន​បាន​កសាង​សំណុំរឿង​បញ្ជូន​តាម​នីតិ​វិធី​៕

Source: Kampuchea Thmey Daily