ភ្នំពេញ ៖ នគរបាលព្រហ្មទណ្ឌខណ្ឌមានជ័យ នៅព្រឹកថ្ងៃទី២៦ ខែវិច្ឆិកា ឆ្នាំ២០១៨នេះ បានបញ្ជូនខ្លួនជនសង្ស័យម្នាក់ មកសាលាដំបូងរាជធានីភ្នំពេញពាក់ព័ន្ធបទល្មើស ល្បួងសង្សារអាយុ១៥ឆ្នាំទៅរួមភេទបានសម្រេច តែត្រូវម្ដាយខាងស្រីមកទាន់ ចាប់ប្រគល់ឲ្យប៉ូលិស ដើម្បីចាត់ការបន្តតាមនីតិវិធីច្បាប់។
តាមរបាយការណ៍របស់សមត្ថកិច្ចបានឲ្យដឹងថា ជនសង្ស័យខាងលើមានឈ្មោះ វង្ស សំណាង ភេទប្រុស អាយុ១៥ឆ្នាំ មុខរបរ កម្មករលាងរថយន្ត ស្នាក់នៅចំណុចកើតហេតុខាងលើ។ ចំណែកក្មេងស្រីរងគ្រោះមានឈ្មោះ ឌ.ស.ន.ត អាយុ១៥ឆ្នាំ មុខរបរ លក់ដូរ ស្នាក់នៅភូមិទួលរកា១ សង្កាត់ចាក់អង្រែក្រោម ខណ្ឌមានជ័យ។
ព្រះរាជអាជ្ញាអមសាលាដំបូងកំពុងសាកសួរជនសង្ស័យនៅឡើយ ដោយមិនទាន់សម្រេចបែបណាទេ រហូតមកដល់រសៀលថ្ងៃទី២៧វិច្ឆិកានេះ។
ជនសង្ស័យ វង្ស សំណាង ត្រូវម្ដាយក្មេងស្រីរងគ្រោះចាប់ប្រគល់ឲ្យសមត្ថកិច្ចភ្លាមៗ ក្រោយពីល្បួងសង្សារទៅរួមភេទ(កូនស្រីរបស់គាត់) កាលពីវេលាម៉ោង១៩និង០០នាទី ថ្ងៃទី២៤ ខែវិច្ឆិកា ឆ្នាំ២០១៨ នៅចំណុចក្នុងបន្ទប់ទឹកការ៉ាស់សាំងតេលា ផ្លូវ៣០ម៉ែត្រ ភូមិទួលរកា១ សង្កាត់ចាក់អង្រែក្រោម ខណ្ឌមានជ័យ។
តាមដំណើររឿងមុនពេលកើតហេតុ ក្មេងស្រីរងគ្រោះបានដើរម្នាក់ឯងចូលក្នុងបន្ទប់ទឹក ក្នុងការ៉ាស់សាំងតេឡា កើតហេតុខាងលើ ស្រាប់តែជនសង្ស័យបានដើរទៅតាមក្រោយ រួចបានបិទទ្វារដាក់គន្លឹះ ហើយក៏បានធ្វើសកម្មភាពចាប់រំលោភក្មេងស្រីរងគ្រោះបានសម្រេច រួចក៏ក្មេងស្រីរងគ្រោះដើរចេញមកវិញ ស្រាប់តែម្ដាយក្មេងស្រីរងគ្រោះមកទាន់ ក៏ចាប់ខ្លួនជនសង្ស័យប្រគល់ឲ្យសមត្ថកិច្ចភ្លាមៗតែម្ដង៕
Source: Kampuchea Thmey Daily
0 Comments