ភ្នំពេញ ៖ មានអំពើហិង្សាបំផ្លិចបំផ្លាញទ្រព្យសម្បត្តិក្នុងគ្រួសារមួយ បានកើតឡើង រវាងប្តីជាជនជាតិចិនប្រពន្ធខ្មែរ។
ហេតុការណ៍នេះ បានកើតឡើងកាលពីវេលាម៉ោង១១យប់ ថ្ងៃទី៧មករា ស្ថិតនៅភូមិភ្នំដំរី ឃុំដំណាក់កន្ទួតខាងជើង ស្រុកកំពង់ត្រាច ខេត្តកំពត បង្កដោយឈ្មោះ ចង់ យ៉ុងហ៊ុយ អាយុ៤៥ឆ្នាំ ជាប្តី ជនជាតិចិន។
ចំណែកស្ត្រីជាប្រពន្ធបានរៀបរាប់ប្រាប់សមត្ថកិច្ចថា នៅវេលាម៉ោងខាងលើ ប្តីអ្នកស្រីបានវិលមកពីខេត្តព្រះសីហនុ ហើយបានគោះទ្វារផ្ទះ ហៅអ្នកស្រីឲ្យបើក ខណៈពេលនោះ អ្នកស្រីក៏កំពុងដេកលង់លក់ដែរ ទើបមានការយឺតយ៉ាវទៅបើកទ្វារឲ្យលោកប្តីបន្តិច ស្រាប់តែត្រូវប្តីខឹងស្ទុះវាយអ្នកស្រីជាប្រពន្ធ មិនតែប៉ុណ្ណោះប្តីចិននោះ បានវាយបំផ្លិចបំផ្លាញទ្រព្យសម្បត្តិក្នុងផ្ទះ ខ្ទេចខ្ទីអស់មួយចំនួនទៀត។ នៅពេលកើតហេតុ សមត្ថកិច្ចមូលដ្ឋានបានទៅដល់ និងបានឃាត់ខ្លួនប្តីចិននាំទៅធ្វើការសាកសួរនៅប៉ុស្តិ៍ប៉ូលិស៕
Source: Kampuchea Thmey Daily
0 Comments