ជនសង្ស័យចំនួន២៨នាក់នឹងត្រូវកាត់ទោសនៅថ្ងៃអង្គារជុំវិញការធ្វើឃាតឯកអគ្គរដ្ឋទូតរុស្ស៊ីកាលពី២ឆ្នាំមុនដោយក្នុងនោះរួមមានទាំងអ្នកទេសនាមូស្លីមម្នាក់មានមូលដ្ឋាននៅអាមេរិកផងដែរដែលទីក្រុងអង់ការ៉ាស្តីបន្ទោសសម្រាប់រដ្ឋប្រហារបរាជ័យក្នុងឆ្នាំនោះ។
លោក Andrei Karlovអាយុ៦២ឆ្នាំត្រូវបានបាញ់សម្លាប់ដោយប៉ូលិសក្រៅកាតព្វកិច្ចទួរគីនៅខាងក្រៅពិព័រណ៍រូបថតមួយក្នុងទីក្រុងអង់ការ៉ានៅថ្ងៃទី១៩ ខែធ្នូ ឆ្នាំ២០១៦នៅក្នុងការវាយប្រហារដ៏គួរឲ្យរន្ធត់មួយដែលត្រូវបានថតជាប់ក្នុងកាមេរ៉ាដោយអ្នកថតរូបចូលរួមព្រឹត្តិការណ៍នោះ។
ខ្មាន់កាំភ្លើងឈ្មោះ MevlutMertAltintasអាយុ២២ឆ្នាំបានស្រែកថា “ព្រះជាម្ចាស់ដ៏អស្ចារ្យ”និង “កុំភ្លេចអាឡេប៉ូ” ដោយសន្យាថា អ្នកដែលពាក់ព័ន្ធលើព្រឹត្តិការណ៍នៅក្នុងប្រទេសស៊ីរីនឹងត្រូវទទួលខុសត្រូវ។
លោក Altintasត្រូវបានសម្លាប់ភ្លាមៗដោយសមាជិកនៃកងកម្លាំងពិសេសទួរគី។
បើយោងតាមការចោទប្រកាន់បានបង្ហាញថា រដ្ឋអាជ្ញាក្រុងអង់ការ៉ាបានចោទប្រកាន់ជនសង្ស័យចំនួន១៦នាក់ពីបទឃាតកម្មគិតទុកជាមុនជាមួយចេតនាបង្កឲ្យមានអំពើភេរវកម្ម។ មនុស្ស១២នាក់ផ្សេងទៀតត្រូវបានចោទប្រកាន់ពីបទ “ធ្វើជាសមាជិកនៃអង្គការភេរវកម្មមួយ”។
បច្ចុប្បន្នមនុស្សចំនួន១៣នាក់កំពុងស្ថិតនៅក្នុងការឃុំខ្លួនមុនការកាត់ទោសខណៈដែលរដ្ឋអាជ្ញាកំពុងកាត់ទោសអ្នកដទៃទៀតដោយកំបាំងមុខ។
អ្នកដែលមិនស្ថិតនៅក្នុងប្រទេសទួរគីគឺរួមមានលោកFethullahGulenដែលជាអ្នកទេសនាឥស្លាមមានមូលដ្ឋាននៅសហរដ្ឋអាមេរិកដែលត្រូវបានគេមើលឃើញថាជាសត្រូវរបស់លោកប្រធានាធិបតីRecepTayyipErdoganនិងជាអ្នកដែលត្រូវបានទីក្រុងអង់ការ៉ាស្តីបន្ទោសចំពោះការប៉ុនប៉ងធ្វើរដ្ឋប្រហារខែកក្កដាឆ្នាំ២០១៦។
ទោះបីជាយ៉ាងណាក៏ដោយ លោក Gulenបានបដិសេធទាំងការធ្វើរដ្ឋប្រហារនិងការធ្វើឃាត។
ក្រុមមន្ត្រីទួរគីបានចោទប្រកាន់ថា ចលនារបស់លោកGulenបានរៀបចំការធ្វើឃាតលើលោកKarlovដើម្បីបង្កឲ្យមានភាពវឹកវរ។
ទួរគីបានសំដៅលើអង្គការនេះថាជាអង្គការភេរវកម្មFetullah Terrorist Organisation(FETO) ប៉ុន្តែក្រុមអ្នកគាំទ្ររបស់ខ្លួននិយាយថា នេះជាក្រុមសន្តិភាពនិងលើកកម្ពស់ការអប់រំខាងសាសនា៕AFP
Source: Kampuchea Thmey Daily
0 Comments