ភ្នំពេញ ៖ លោក គង់ គាំ និង លោក គង់ បូរ៉ា អតីតតំណាងរាស្ត្ររបស់អតីតគណបក្សសង្គ្រោះជាតិ ដែលត្រូវតុលាការកំពូលហាមឃាត់សិទ្ធិធ្វើនយោបាយរយៈពេល៥ឆ្នាំ កាលពីថ្ងៃទី១៦ ខែវិច្ឆិកា ឆ្នាំ២០១៧ ជាមួយអតីតថ្នាក់ដឹកនាំ CNRP ចំនួន១១៦ នាក់ផ្សេងទៀតនោះ ត្រូវបាន ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យត្រាស់បង្គាប់ផ្តល់នីតិសម្បទា ដើម្បីបន្តសកម្មភាពនយោបាយឡើងវិញ។
នេះបើតាមព្រះរាជក្រឹត្យ ដែលបណ្តាញព័ត៌មាន ទើបទទួលបាននៅព្រឹកថ្ងៃទី១៦ ខែមករា ឆ្នាំ២០១៩ ហើយការផ្តល់សិទ្ធិធ្វើនយោបាយឡើងវិញរបស់អ្នកនយោបាយទាំង២រូបនេះ ធ្វើឡើងបន្ទាប់ពួកគាត់បានដាក់ពាក្យស្នើទៅកាន់ក្រសួងមហាផ្ទៃ ដើម្បីស្នើសុំសិទ្ធិធ្វើនយោបាយកាលពីថ្មីៗនេះ និងបន្ទាប់ពីវិសោធនកម្មច្បាប់ស្តីពីគណបក្សនយោបាយ មាត្រា៤៥ថ្មី (ស្ទួន) ចូលជាធរមាន៕
Source: Kampuchea Thmey Daily
0 Comments