ភ្នំពេញ ៖ រថភ្លើងស៊េរីទំនើប និងមានល្បឿនលឿនចំនួន៣គ្រឿង របស់ក្រុមហ៊ុន រ៉ូយ៉ាល់ រេលវេ (Royal Railways) ដែលបញ្ជាទិញពីប្រទេសម៉ិកស៊ិក បានដឹកជញ្ជូនមកដល់កំពង់ផែស្វយ័តក្រុងព្រះសីហនុ នៃព្រះរាជាណាចក្រកម្ពុជា ហើយ។
រថភ្លើងនេះ នឹងប្រើប្រាស់សម្រាប់ដឹកអ្នកដំណើរពីស្ថានីយរថភ្លើងរាជធានីភ្នំពេញ ឆ្ពោះទៅកាន់អាកាសយានដ្ឋានអន្តរជាតិភ្នំពេញ ឬអាចប្រើប្រាស់ការដឹកជញ្ជូនពីភ្នំពេញ ទៅប៉ោយប៉ែត ឬ ទៅខេត្តព្រះសីហនុ ព្រោះថា រថភ្លើងទាំង៣គ្រឿងនេះ មានភាពទំនើបជាងរថភ្លើង ដែលកំពុងប្រើប្រាស់នាពេលបច្ចុប្បន្ន ដោយរត់បានល្បឿនលឿន។
រថភ្លើងទំនើបនេះមានក្បាលម៉ាស៊ីនចំនួនពីរ គឺផ្នែកខាងមុខមួយ និងផ្នែកខាងក្រោយមួយ ហើយមានបច្ចេកវិទ្យាចុងក្រោយបំផុត ប្រកបដោយសុវត្ថិភាពខ្ពស់ និងទំនើបទាំងទ្វារស្វ័យប្រវត្តិ ជណ្ដើរ កៅអី ម៉ាស៊ីនត្រជាក់ បន្ទប់ទឹក កន្លែងដាក់អីវ៉ាន់ ប្រព័ន្ធអ៊ីនធឺណិត Wifi ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ៕
Source: Kampuchea Thmey Daily
0 Comments