កំពង់ឆ្នាំង ៖ សមត្ថកិច្ចឃាត់ខ្លួនជនសង្ស័យ០៥នាក់ ពីបទចរាចរអាវុធសម្រាប់ប្រហារ (យកកាំបិតបុ័ងតោ) ដែលករណីនេះ បានកើតឡើង កាលពីយប់ថ្ងៃទី១២ ខែមីនា ឆ្នាំ២០១៩ វេលាម៉ោង២២និង៣០នាទី ក្នុងពេលកម្លាំងនគរបាលក្រុងកំពង់ឆ្នាំង ល្បាតពេលយប់ជាមួយកម្លាំងកងអន្តរាគមន៍នៅតាមភូមិសាស្ត្រ ក្នុងក្រុងកំពង់ឆ្នាំង នៅចំណុចសួន(ឆ្នាំង),ដំរីស ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង។
សមត្ថកិច្ចបានឲ្យដឹងថា ជនសង្ស័យទាំង៥នាក់នេះ ១-ឈ្មោះ ធន រ៉ូ ភេទប្រុស អាយុ១៩ឆ្នាំ, ២/ ណាត់ បាក់ ភេទប្រុស អាយុ១៩ឆ្នាំ , ៣/ឈ្មោះ ណាំ ឡុញ ភេទប្រុស អាយុ២០ឆ្នាំ ,៤/ ឈ្មោះ ចេវ សុគា ភេទប្រុស អាយុ១៩ឆ្នាំ , ៥/ ឈ្មោះ ប៉ាក់ យ៉ាង ភេទប្រុស អាយុ២០ឆ្នាំ ដោយពួកគេទាំង០៥នាក់នេះ មានទីលំនៅភូមិសូភី ឃុំជើងគ្រាវ ស្រុករលាប្អៀរ។ ដោយនៅក្នុងពេលឃាត់ខ្លួន សមត្ថកិច្ចដកហូតវត្ថុតាងបាន ម៉ូតូ០២គ្រឿង,ដាវ០២ដើម, ដែកកង្វាវ០១,ខ្សែក្រវាត់កែច្នៃ(ក្បាលដែក)០១។
ជនសង្ស័យទាំង០៥នាក់ និងវត្ថុតាង រួមទាំងជនសង្ស័យ ត្រូវបានមន្ត្រីនគរបាលជំនាញ នៃអធិការដ្ឋាននគរបាលក្រុងកំពង់ឆ្នាំង កសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តកំពង់ឆ្នាំង ចាត់ការបន្តតាមនីតិវិធី៕
Source: Kampuchea Thmey Daily
0 Comments