ភ្នំពេញ ៖ ក្រុមហ៊ុន ឌីប៊ី សេនឃើ បានប្រារព្ធពិធីបើកសម្ពោធការិយាល័យថ្មី ដែលជាសាជីវកម្មថ្មីនៅក្នុងទីក្រុងភ្នំពេញកាលពីព្រឹកនៅថ្ងៃទី ២៣ ខែមេសា ឆ្នាំ២០១៩ ដើម្បីផ្តល់សេវាកម្មលើផ្នែកសេវាកម្មដឹកជញ្ជូនតាមផ្លូវ អាកាស ផ្លូវទឹក និងផ្លូវគោកដ៏គួរអោយទុកចិត្ត និងមានកេរ្តិ៍ឈ្មោះល្បីល្បាញ។
ការិយាល័យឌីប៊ីសេនឃើរនេះមានទីតាំងនៅផ្ទះលេខ ៧៨ ជាន់ទី៧ (អាគារ ទីថៃហេងឡុង) ផ្លូវម៉ៅសេទុង សង្កាត់បឹងត្របែក ខណ្ឌ ចំការមន រាជធានី ភ្នំពេញ ព្រះរាជាណាចក្រកម្ពុជា។
លោក Robert Reiter នាយកប្រធាននៃតំបន់អាស៊ីអាគ្នេយ៍របស់ក្រុមហ៊ុន ឌីប៊ី សេនឃើរ បានថ្លែងថា “ការបើសម្ពោធការិយាល័យថ្មី គឺជាការបង្ហាញការប្តេជ្ញាចិត្តនៃក្រុមហ៊ុន ឌីប៊ី សេនឃើរ អាស៊ីប៉ាស៊ីហ្វិក ដើម្បីធ្វើការវិនិយោគនៅលើទីផ្សារនៃប្រទេសកម្ពុជា។ លើសពីនេះទៅទៀត ការិយាល័យថ្មីមួយនេះ នឹងជាឧបករណ៍ក្នុងការបង្កើនអាជីវកម្ម និង សម្រាប់ការបើកឱកាសក្នុងការសម្រួលការដឹកជញ្ជូនតាមផ្លូវ អាកាស ផ្លូវទឹក និងផ្លូវគោកផងដែរ ។”
លើសពីនេះទៅទៀត លោក Andy Lim នាយកប្រត្តិបត្តិប្រចាំប្រទេសវៀតណាម និង កម្ពុជា បានបញ្ជាក់បន្ថែមពីអត្ថប្រយោជន៍នៃឧស្សាហកម្មដឹកជញ្ជូន។ គាត់បាននិយាយថា “ទន្ទឹមនឹងការវិវត្តទៅកាន់ភាពឌីជីថលនិងស្វ័យប្រវត្តិកម្មរបស់អាជីវកម្មជាច្រើននៅលើពិភពលោក ក្រុមហ៊ុន ឌីប៊ី សេនឃើរ ក៏កំពុងផ្លាស់ប្តូរពីការផ្តល់ និង ដឹកជញ្ជូនទំនិញតាមបែបបុរាណរបស់ខ្លួន។ ខ្ញុំមានមោទនភាពក្នុងការប្រកាសថា វត្តមានរបស់ ឌីប៊ី សេនឃើរនឹងដើរតួរនាទីក្នុងការដឹកនាំសេវាកម្មដឹកជញ្ជូនទៅអនាគតទូទាំងប្រទេស ។”
ការសម្ពោធការិយាល័យថ្មីនៃ ឌីប៊ី សេនឃើរបានប្រារព្ធពិធីស្វាគមន៍ភ្ញៀវកិត្តិយស និង ដៃគូសហការនៅសណ្ឋាគារ Marriott Courtyard ភ្នំពេញ ។
គួរបញ្ជាក់ថា ឌីម៊ីសេនឃើរ បានបង្កើតដំបូងនៅកម្ពុជាក្នុងឆ្នាំ 2007 តាមរយៈភាពជាដៃគូជាមួយភ្នាក់ងារក្នុងស្រុកមួយ។ ដើម្បីបង្កើនក្រុមហ៊ុននិងដើម្បីបំពេញនូវតម្រូវការនៃសេដ្ឋកិច្ចដែលកំពុងរីកចម្រើននេះ។ ឌីប៊ី សេនឃើរ ខេមបូឌា លីមីតធីត ត្រូវបានចុះបញ្ជីជាផ្លូវការនៅថ្ងៃទី 14 ខែសីហាឆ្នាំ 2014។ ការបង្កើត ឌីប៊ី សេនឃើរ ខេមបូឌា លីមីតធីតគឺជាការពង្រឹងបណ្តាញសកលលោក ហើយនិង បន្ថែមទៅលើការប្តេជ្ញាចិត្តរបស់ ឌីប៊ី សេនឃើរ ក្នុងការអភិវឌ្ឍដឹកប្រព័ន្ធដឹកជញ្ជូននៅកម្ពុជា៕
Source: Kampuchea Thmey Daily
0 Comments