ភ្នំពេញ ៖ នារីម្នាក់ ត្រូវបានគេប្រទះឃើញចង.ក សម្លាប់ខ្លួន ក្នុងបន្ទប់ជួលជាន់ទី៦ ស្ថិតនៅតាមបណ្ដោយផ្លូវ៤៨៨ សង្កាត់ផ្សារដើមថ្កូវ ខណ្ឌចំការមន កាលពីវេលាម៉ោង៧យប់ថ្ងៃទី២២ ខែមេសា ឆ្នាំ២០១៩ សង្ស័យមានវិបត្តិ ដោះស្រាយមិនចេញ ទើបសម្រេចបញ្ចប់ ត្រឹមហ្នឹង។
នារីរងគ្រោះ ឈ្មោះ ខន ស្រីលិន អាយុ២៣ឆ្នាំ មុខរបរជានិស្សិតពេទ្យ និងជាអ្នកគិតលុយ ហាងភីហ្សា (Pizza) មួយកន្លែង ស្នាក់នៅបន្ទប់ផ្ទះជួលកើតហេតុខាងលើ មានស្រុកកំណើត នៅស្រុកត្រាំកក់ ខេត្តតាកែវ។
ប្រភពព័ត៌មានបានឲ្យដឹងថា មុនពេលកើតហេតុ ម្តាយនារីរងគ្រោះបានទូរស័ព្ទទៅ តែទូរស័ព្ទមិនចូល បន្ទាប់មកក៏ឲ្យប្អូនប្រុសទៅមើលកន្លែងធ្វើការ តែមិនឃើញ ទើបទៅរកមើលនៅបន្ទប់ជួល តែជាប់សោខាងក្រៅ។ ក្រោយមកក៏ហៅម្ចាស់ផ្ទះឲ្យយកកូនសោមកចាក់មើល ទើបប្រទះឃើញនារីរងគ្រោះចង.ក សម្លាប់ខ្លួនជាប់នឹងចម្រឹងបង្អួចបាត់ទៅហើយ។ ក្រោយមក សមត្ថកិច្ចមូលដ្ឋាន បានទាក់ទងសមត្ថកិច្ចជំនាញ នៃស្នងការដ្ឋាននគរបាលរាជធានីភ្នំពេញ ចុះមកពិនិត្យកោសល្យវិច័យជាក់ស្តែង តែមិនមានការបញ្ជាក់ថា សពស្លាប់ដោយចង.ក ពិតមែន ឬមិនមែននោះទេ។
ករណីស្លាប់របស់នារីខាងលើ សមត្ថកិច្ចនៅមិនទាន់បញ្ជាក់ថា ស្លាប់ដោយមូលហេតុអីឲ្យពិតប្រាកដនៅឡើយទេ សង្ស័យអាចមានវិបត្តិអីធ្ងន់ធ្ងរ ដោះស្រាយមិនចេញ។ ករណីនេះដែរ ប្រជាពលរដ្ឋមានការងឿងឆ្ងល់ថា គ្រាន់តែសពមនុស្សចង.ក សោះ ហេតុអ្វីបានជាកម្លាំងសមត្ថកិច្ចព្យាយាមលាក់បាំងមិនឲ្យសារព័ត៌មានថតយករូបភាព ឬក៏ជាករណីអ្វីផ្សេង ខណៈដែលនៅលើសពមានទាំងឈាមថែមទៀតផង សូម្បីតែសពក៏នាំគ្នាសែងចុះមកប្រញាប់ប្រញាល់ រត់ចូលរថយន្តដឹកសព រួចបើករត់ទៅបាត់ស្រមោលតែម្ដង៕
Source: Kampuchea Thmey Daily
0 Comments