ស្វាយរៀង ៖ ផ្ទះរបស់ពលរដ្ឋចំនួន៤៩ខ្នង ស្មើ៥ភូមិ នៅក្នុងឃុំជ្រៃធំ ស្រុករមាសហែក ខេត្តស្វាយរៀង ត្រូវបានខ្យល់កន្ត្រាក់ បោកបក់ និងប៉ើងដំបូលលោតចេញពីជើងតម្កល់ និងខូចខាតទាំងស្រុងមានចំនួន៥ខ្នងផ្ទះផងដែរ។
ហេតុការណ៍ដ៏អាក្រក់នេះ បានកើតឡើងកាលពីវេលាម៉ោង១៦និង៤៥នាទីល្ងាច នៅថ្ងៃទី៥ ខែឧសភា ឆ្នាំ២០១៩ នៅឃុំជ្រៃធំ ស្រុករមាសហែក ខេត្តស្វាយរៀង។
បើយោងតាមសមត្ថកិច្ចបានឲ្យដឹងថា នៅល្ងាចថ្ងៃកើតហេតុខាងលើ មានភ្លៀងលាយឡំនឹងខ្យល់កន្ត្រាក់ បោកបក់យ៉ាងខ្លាំង ធ្វើឲ្យរលំផ្ទះ និងរបើកដំបូលអស់ចំនួន៤៩ខ្នងផ្ទះ។
ប្រភពបានបន្តទៀតថា ភូមិដែលរងគ្រោះក្នុងបាតុភូតគ្រោះធម្មជាតិនោះរួមមាន ៖ ភូមិថ្មី៣២ខ្នងផ្ទះភូមិត្រពាំងស្មាច់១១ខ្នងផ្ទះ ភូមិសណ្តោរ៣ខ្នងផ្ទះ ភូមិដក់ពរ២ខ្នងផ្ទះ ភូមិព្រៃរំដែង១ខ្នង ផ្ទះដួលស្លាកគណបក្ស និងស្លាកទូរស័ព្ទទាន់ហេតុការណ៍នៅកែងភូមិថ្មី។ លោតចេញពីជើងតម្កល់ និងខូចខាតទាំងស្រុងមានចំនួន៥ខ្នងផ្ទះ ១/ផ្ទះ អាំ សឿន ភេទប្រុស អាយុ៦៣ឆ្នាំ នៅភូមិថ្មីទំហំ៦ម×៥ម សង់ពីឈើជញ្ជាំងស័ង្កសីប្រក់ស័ង្កសីលោតចុះចេញពីជើងតម្កល់។ ២/ផ្ទះ សៅ វ៉ាន់ ភេទប្រុស អាយុ
៥១ឆ្នាំ នៅភូមិថ្មីទំហំ៤×៦ម សង់ពីឈើជញ្ជាំងស័ង្កសី ប្រក់ស័ង្កសីលោតចុះចេញពីជើងតម្កល់។ ៣/ផ្ទះ កុយ កាយ ភេទប្រុស អាយុ៤៩ឆ្នាំ នៅភូមិត្រពាំងស្មាច់ ទំហំ៥×៦ម សង់ពីឈើ ជញ្ជាំងស្លឹកដំបូលប្រក់ស័ង្កសី ដួលខូចខាតទាំងស្រុង។ ៤/ផ្ទះ ពោជ តូ ភេទស្រី អាយុ៣០ឆ្នាំ នៅភូមិត្រពាំងស្មាច់ ទំហំ៤×៦ម សង់ពីឈើជញ្ជាំងស័ង្កសី ដំបូលប្រក់ស័ង្កសីដួលខូចខាតទាំងស្រុង។ ៥/ផ្ទះ សៅ តឿន ភេទប្រុស អាយុ២៥ឆ្នាំ នៅភូមិដក់ពរទំហំ៤×៥ម សង់ពីឈើជញ្ជាំងស័ង្កសី ដំបូងប្រក់ស័ង្កសីលោតចុះចេញពីរជើងតម្កល់។ប៉ុន្តែករណីនេះ មិនបណ្តាលឲ្យគ្រោះថ្នាក់ដល់មនុស្សនោះទេ៕
Source: Kampuchea Thmey Daily
0 Comments