ស្វាយរៀង ៖ លោកជំទាវកិត្តិសង្គហបណ្ឌិតម៉ែន សំអន បានថ្លែងបញ្ជាក់ប្រកបដោយអត្ថន័យដ៏ជ្រាលជ្រៅថា ការប្រារព្ធកម្មវិធីមនុស្សធម៌នេះ ឡើងពិតជាមានសារៈសំខាន់សម្រាប់សាខាកាកបាទក្រហមកម្ពុជាខេត្ត ស្វាយរៀង ក៏ដូចជាសម្រាប់អាជ្ញាធរខេត្ត និង ប្រជាជន ទូទាំងខេត្ត ដើម្បីបុព្វហេតុមនុស្សធម៌ សំដៅជួយ ដល់ជនរងគ្រោះនិងជនងាយរងគ្រោះ តាមរយៈការជួយសម្រាលជនរងគ្រោះដោយគ្រោះមហន្តរាយនានានិងការថែទាំសុខភាព តាមសហគមន៍ និងសកម្មភាពមនុស្សធម៌ផ្សេងទៀត។
លោកជំទាវកិត្តិសង្គហបណ្ឌិតបានថ្លែងបែបនេះក្នុងពិធីអបអរសាទរខួបទី ១៥៦ ទិវាពិភពលោក កាកបាទក្រហមអឌ្ឍចន្ទក្រហម ៨ ឧសភា ២០១៩ ក្រោមប្រធានបទ“ខ្ញុំស្រឡាញ់កាកបាទក្រហមកម្ពុជា ឬខ្ញុំ © កាកបាទក្រហមកម្ពុជា”នៅសាលប្រជុំធំសាលាខេត្តស្វាយរៀងថ្ងៃទី ៦ ខែ ឧសភា ឆ្នាំ ២០១៩ដោយទទួលបានថវិកាមនុស្សធម៌ពីសប្បុរសជនជាង៦០ម៉ឺនដុល្លារអាមេរិកដែលជាតួលេខបឋមប៉ុណ្ណោះ។
ក្នុងនាមលោកជំទាវកិត្តិសង្គហបណ្ឌិតផ្ទាល់មានសេចក្តីសោមនស្សរីករាយ ដោយបានចូលរួមក្នុង មិទ្ទីញ រំឭកខួបទី១៥៦ ទិវាពិភពលោក កាកបាទក្រហម អឌ្ឍចន្ទក្រហម ក្រោម ប្រធានបទ “ ខ្ញុំស្រឡាញ់កាកបាទក្រហមកម្ពុជា” ដែល បានរៀប ចំ ឡើង ដោយ សាខា កាក បាទ ក្រហម កម្ពុជា ខេត្តស្វាយរៀងនាថ្ងៃនេះ។ ពិធីនេះធ្វើ មុនមិទ្ទិញធំ ដែលនឹង ធ្វើនៅថ្ងៃទី៨ ខែឧសភា នៅទីស្នាក់ការកណ្តាល កាក បាទ ក្រហមកម្ពុជា នៅរាជធានីភ្នំពេញ ក្រោម អធិបតីភាព ដ៏ខ្ពង់ខ្ពស់ របស់ សម្តេច អគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃ ព្រះរាជាណាចក្រ កម្ពុ ជា។
អង្គមិទ្ទីញនាពេលនេះ ពិតជាមានសារៈសំខាន់សម្រាប់សាខាកាកបាទក្រហមកម្ពុជាខេត្ត ស្វាយរៀង ក៏ដូចជាសម្រាប់អាជ្ញាធរខេត្ត និង ប្រជាជន ទូទាំងខេត្ត ដើម្បីបុព្វហេតុមនុស្សធម៌ សំដៅជួយ ដល់ជនរង គ្រោះ និង ជនងាយរងគ្រោះ តាមរយៈការជួយសម្រាលជនរងគ្រោះដោយគ្រោះមហន្តរាយនានានិងការថែទាំសុខភាព តាមសហគមន៍ និងសកម្មភាពមនុស្សធម៌ផ្សេងទៀត។
តាមរយៈរបាយការណ៍សង្ខេបស្តីពីសមិទ្ធផល និងវឌ្ឍនភាពរបស់សាខា ក្នុងការផ្តល់សេវាកម្ម មនុស្សធម៌ឆ្នាំ២០១៨ និងត្រីមាសទី១ ឆ្នាំ២០១៩ យើងបានយល់ច្បាស់ថា សាខាកាកបាតក្រហមខេត្ត បានទទួលការចូលរួមគាំទ្រកាន់តែច្រើន ពីមួយឆ្នាំទៅមួយឆ្នាំពីសប្បុរសជនគ្រប់មជ្ឈដ្ឋាន។
យើងទាំងអស់គ្នាពិតជារីករាយ រំភើបចិត្ត និងកោតសរសើរយ៉ាងខ្លាំង ចំពោះសេចក្តីថ្លែងការណ៍ប្រកបដោយអត្ថន័យយ៉ាងជ្រាលជ្រៅ របស់ សម្តេច កិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលអានដោយឯកឧ ត្តម ប្រធាន គណៈកម្មាធិការ សាខា កាកបាទក្រហមកម្ពុជា ខេត្តស្វាយរៀង សម្រាប់អង្គមិទ្ទីញយើងថ្ងៃនេះ។
ក្នុងនាមរាជរដ្ឋាភិបាល និងក្នុងនាម លោកជំទាវកិត្តិសង្គហបណ្ឌិតផ្ទាល់បានគោរព ថ្លែងអំណរគុណដល់សម្តេចកិត្តិព្រឹទ្ធបណ្ឌិត ប៊ុន រ៉ា នី ហ៊ុនសែន ប្រធានកាកបាទ ក្រហមកម្ពុជា ថ្នាក់ដឹកនាំគ្រប់លំដាប់ថ្នាក់ បុគ្គលិក បណ្តាញ អ្នកស្ម័គ្រ ចិត្ត និង យុវជន ស្ម័គ្រចិត្ត នៃកាកបាទក្រហម កម្ពុជា ព្រមទាំងសប្បុរសជនជាតិ អន្តរជាតិទាំងអស់ ដែល បាន ផ្តល់ការគាំទ្រដ៏មុតមាំ និង សហការគ្នាយ៉ាងជិតស្និទ្ធ ដើម្បី ចូលរួមចំណែក អនុវត្ត សកម្មភាព មនុស្សធម៌ ក្នុងផែនការ យុទ្ធសាស្ត្ររយៈពេលវែង ២០១១-២០២០ របស់ កាក បាទក្រហម កម្ពុ ជា ដោ យ សម្រេចបាននូវ សមិទ្ធផល ជាច្រើន ក្នុង បេសកកម្ម ជាប្រវត្តិសាស្ត្ររបស់ខ្លួនជូនប្រជាជននៅគ្រប់ទីកន្លែង ដូចពាក្យស្លោក “ទីណាមានការលំបាក ទីនោះមានកាកបាទក្រហមកម្ពុជា”។ ប្រការ ទាំ ង នេះ បាន គូសបញ្ជាក់យ៉ាងច្បាស់ថា កាកបាទក្រហម កម្ពុជា គ្រប់លំដាប់ថ្នាក់ បានចូលរួម ចំណែក ដល់ ការ អភិវឌ្ឍសង្គមជាតិ ការកាត់បន្ថយភាពក្រីក្ររបស់ ប្រជាជន និងកា រ ការពារគុណ តម្លៃ មនុស្សធម៌ចំពោះមនុស្សជាតិទាំងមូល។ ដោយសារវីរភាព ដ៏ ខ្ពង់ខ្ពស់នេះហើយ បានជា សម្តេច កិត្តិព្រឹទ្ធ បណ្ឌិត បានទទួល គោរម ងារជា សម្តេចកិត្តិព្រឹទ្ធបណ្ឌិត ជាឥស្សរជនឆ្នើម ថ្នាក់ជាតិ នៃវេទិកាភាព ជា អ្នកដឹកនាំ តំបន់ អាស៊ីប៉ាស៊ីហ្វិក ឆ្លើយតបទៅនឹងអ្នករងគ្រោះដោយ សារមេ រោគអេដស៍ ជំងឺអេដស៍ នៅកម្ពុជា និងជាឥស្សរ ជន ឆ្នើមថ្នាក់ជាតិ នៃផែនការសកម្ម ភាពរួម របស់ អ គ្គ លេខាធិការ អង្គការ សហប្រជាជាតិ ដើម្បីសុខភាពស្ត្រី និងកុមារ។
ទន្ទឹមនឹងនេះ លោកជំទាវកិត្តិសង្គហបណ្ឌិតបានយកឱកាសនេះ ដើម្បីសម្តែងការកោតសរសើរ និងវាយតម្លៃខ្ពស់ រាល់កា រខិតខំប្រឹងប្រែង កន្លងមករបស់ឯកឧត្តម លោកជំទាវ លោក លោកស្រី ជាអាជ្ញាធរ ខេត្ត ថ្នាក់ដឹកនាំបណ្តាមន្ទីរ អង្គភាពពាក់ព័ន្ធ ក្នុងខេត្ត ក្រុមហ៊ុនវិស័យឯកជន អាជីវករ និងប្រជាពលរដ្ឋ ដែលបានចូលរួមចំណែក ចង្អុលទិស ស្វែងរកការគាំទ្រ ទាំងស្មារតី សម្ភារ ធនធាន ថវិកា និងបានចូលរួមចំណែកឧបត្ថម្ភ គាំទ្រក្នុងសកម្មភាពសាខាកាកបា ទក្រហមខេត្តកាន់តែផុសផុល និងមានការកើនឡើងជាលំដាប់។ ការកើនឡើងនេះ ដោយសារមានជំនឿទុកចិត្ត ចំពោះសាខាកាកបាទក្រហមក្នុងការប្រើប្រាស់ថវិកា មា នតម្លាភាព ប្រសិ ទ្ធ ភាព និង ចំគោលដៅ។ ប៉ុន្តែចំពោះសាខាកាកបាទក្រហមខេត្តស្វាយរៀងវិញ យើងបានខិតខំ និងជួយដោះស្រាយជូនដល់ ក្រុមគ្រួសារដែលជួបគ្រោះមហន្តរាយ ដូចជា អគ្គីភ័យ ខ្យល់កន្ត្រាក់ រន្ទះបាញ់ លង់ទឹក ចាស់ជរា ជនពិការ កុមារកំព្រា និងអ្នករស់នៅជាមួយមេរោគអេដស៍ រួមជាមួយ គ្រោះថ្នាក់ ដោយឧប្បទ្ទវហេតុ ផ្សេងៗទៀត ដូចដែលបានលើកឡើងក្នុងរបាយការណ៍របស់ លោកម៉ែន វិបុល នៅមុននេះបន្តិច។
លោកជំទាវកិត្តិសង្គហបណ្ឌិតសូមផ្ដាំផ្ញើដល់បងប្អូនយើងទាំងអស់គ្នាមេត្តាយកចិត្តទុកដាក់ បន្ថែមទៀតនៅលើការបម្រែបម្រួលអាកាសធាតុ ដែលបានចេញផ្សាយដោយ ក្រសួងធនធានទឹក និងឧតុនិយម កាលពីថ្ងៃទី ១២ ខែមីនា ឆ្នាំ២០១៩ ស្តីអំពី បាតុភូត EL NINO (អ៊ែល នីណូ) ដែលនៅបន្តមានឥទ្ធិពលគ្របដណ្តប់លើ ផ្នែកជាច្រើនលើពិភពលោក និងតំបន់ ដែលធ្វើឲ្យឡើងកម្តៅកើនឡើងបន្ថែមទៀត ៤អង្សាសេ ។ ដោយឡែកកម្ពុជា នៅក្នុងរដូវប្រាំង និង ដើមរដូវវស្សានេះ នឹងបន្តទទួលឥទ្ធិពលនេះក្នុងកម្រិត ៦០% និង ៤០% ទៀត និងទទួលរងឥទ្ធិពលពីបាតុភូតអន្តកាល ដែលតម្រូវឲ្យបងប្អូនទាំងអស់គ្នាចូលរួមថែរក្សាទឹកទុកសម្រាប់ប្រើប្រាស់ក្នុងជីវភាពប្រចាំថ្ងៃ និងសូមអំពាវនាវដល់ បងប្អូនទាំងអស់គ្នាត្រូវប្រុងប្រយ័ត្នខ្ពស់ចំពោះបាតុភូតរន្ទះបាញ់ និងខ្យល់កន្ត្រាក់។
ស្របទៅតាមបរិបទអន្តរជាតិ សម្រាប់ឆ្នាំ២០១៩នេះ កាកបាទក្រហមកម្ពុជាបានកំណត់ប្រធានបទ “ខ្ញុំស្រឡាញ់កាកបាទក្រហមកម្ពុជា” ដែលជាគោល ដៅរបស់ចលនាអន្តរជាតិក្នុងការ ខិតខំព្យាយាមជួយសម្រាលទុក្ខលំបាក ឲ្យបានទៅដល់សហគមន៍ដាច់ស្រយាល ដោយមិនទុកនរណាម្នាក់ចោល។
ការបរិច្ចាគនូវធនធានផ្ទាល់ខ្លួន ជួយគ្នាក្នុងគ្រាលំបាក និងការអាណិតអាសូរ គឺជាមរតកដែល ធ្លាប់បានអនុវត្ត អស់រយៈពេលជា ច្រើន សតវត្សរ៍មកហើយ ដោយ ប្រជាពលរដ្ឋ យើងកាលពីអតីតកាល ហើយស្មារតី នេះបានរក្សា និងរីកដុះដាល នៅក្នុង ចិត្ត គំនិត របស់ប្រជាជន យើង មកដល់បច្ចុប្បន្ន។ ដូច្នេះកាកបាទក្រហម ពិតជាមានសារៈសំខាន់ខ្លាំងណាស់ ក្នុងការលើកកម្ពស់ និងពង្រឹង វប្បធម៌ចែករំលែក ពង្រឹងក្នុងការជួយឧបត្ថម្ភគាំទ្រដល់ផ្គត់ផ្គង់ផ្នែកធន ធាន ហិរញ្ញវត្ថុ ដែលជាកត្តាចាំបាច់មិនអាចខ្វះបាន ក្នុងការផ្តល់សេវាកម្មមនុស្សធម៌ ស្របតាមប្រធានបទ “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា មិនទុកនណារម្នាក់ចោល”។
លោកជំទាវកិត្តិសង្គហបណ្ឌិតបានបន្ថែមថា ដោយហេតុនេះហើយបានជា កាកបាទក្រហមកម្ពុជា ដែល មា ន តួនាទីបម្រើ ដល់វិស័យមនុស្សធម៌ នាំមុខ គេ ក្នុ ង ព្រះរាជាណាច្រកកម្ពុជា បានចាប់បដិសន្ធិឡើង នៅថ្ងៃទី ១៨ ខែ កុម្ភៈ ឆ្នាំ១៩៥៥ ដែលគិតមកដល់ពេលនេះ មាន រយៈពេល ៦៤ ឆ្នាំ ហើយ។
ទស្សនៈវិស័យ បេសកកម្ម ទិសដៅយុទ្ធសាស្ត្រ និងវិស័យស្នូលទាំង៤ របស់ កាកបាទក្រហមកម្ពុជា បច្ចុប្បន្នបានរួមចំណែកយ៉ាងធំធេងក្នុងការជួយសម្រាល ការលំបាករបស់រាជរដ្ឋាភិបាល និយាយដោយឡែក សាខា កាកបាទ ក្រហម ខេត្តស្វាយរៀង បានបំពេញ តួនាទីរបស់ខ្លួនប្រកបដោយប្រសិទ្ធភាពក្នុង ការត្រៀម និងការឆ្លើយ តបដល់ជនរងគ្រោះ និងងាយរងគ្រោះមហន្តរាយ ដូចជា ការផ្តល់អំណោយមនុស្សធម៌ និងការលើកកម្ពស់សុខភាពសាធារណៈ តាមរយៈ ការអប់រំផ្សព្វផ្សាយនៅតំបន់ដែលប្រឈមនៅតាមបណ្តាក្រុង/ស្រុក ដោយគោរពតាម តាមគោលការណ៍គ្រឹះទាំង៧ របស់ចលនាគឺ ភាពមនុស្សធម៌ ភាព មិនលំអៀង អព្យាក្រឹតភាព ឯករាជ្យភាព សេវាកម្មស្ម័គ្រចិត្ត ឯកភាព និង សកលភាព។
ក្នុងទស្សនៈនេះ ខ្ញុំសូមគាំទ្រ ទាំងស្រុង ចំពោះ កាកបាទក្រហម កម្ពុជា ដែលបានយកប្រធានបទ“ខ្ញុំស្រឡាញ់កាកបាទក្រហមកម្ពុជា” សម្រាប់ប្រារព្ធខួបទី១៥៦ នៃទិវា ពិភពលោក កាកបាទ ក្រហម អឌ្ឍចន្ទក្រហម ៨ ឧសភា ឆ្នាំនេះ ដែល ស មាគម ជាតិ កាកបាទក្រហមកម្ពុជា កំពុងបន្ត អនុវត្តការត្រៀមបង្ការ និង កា រឆ្លើយតបគ្រោះមហន្តរាយ និងកត្តាភាពក្រីក្រ របស់ ប្រជាពលរដ្ឋ នៅក្នុង សហគមន៍។
មុននឹងបញ្ចប់ ក្នុងនាមរាជរដ្ឋាភិបាល និងក្នុងនាមលោកជំទាវកិត្តិសង្គហបណ្ឌិតផ្ទាល់បានអំពាវនាវ ដល់ សប្បុរសជនទាំងអស់សូមបន្តកិច្ចខិតខំ ចូលរួម ចំណែកជួយ និងសហការ គ្នាឱ្យបាន យ៉ាង សកម្ម និងរស់រវើកឱ្យប្រែក្លាយជាកម្លាំងចលកររបស់កាកបាទក្រហមកម្ពុជា សម្រាប់ដោះស្រាយ រាល់បញ្ហា ប្រឈម ទាំងឡាយ របស់ប្រជាជន ក្នុងអត្ថន័យ បាវចនា សង្គ្រោះ ជីវិត ផ្លាស់ប្តូរផ្នត់ គំនិត (ធ្វើឱ្យ បានកាន់ តែ ច្រើនជាងមុន ធ្វើឲ្យបានកាន់តែល្អជាងមុន ធ្វើឲ្យបានកាន់តែស៊ីជម្រៅ និង ទៅ ឲ្យបាន កាន់តែឆ្ងាយ ជាងមុន) ដោយឈរលើ គោលការណ៍គ្រឹះទាំង៧ របស់ចលនា ក្នុងគ្រប់កាលៈទេសៈ តាមទិសស្លោក “ទីណាមានទុក្ខលំបាក ទីនោះ មាន កាកបាទក្រហមកម្ពុជា” “រួមកម្លាំងគ្នា ដើម្បីមនុស្សធម៌” “វប្បធម៌ ចែករំលែកចាប់ផ្តើមពីខ្ញុំ “រួមគ្នាអនុវត្ត” “ថ្ងៃនេះថ្ងៃស្អែកគ្មានគ្រោះថ្នាក់ចរាចរណ៍ គ្មានគ្រោះ អគ្គីភ័យ” “ការលើកកម្ពស់សុខភាពស្ត្រី ទារក និងកុមារ គឺជាគន្លឹះ ដ៏សំខាន់ ក្នុង ការអភិវឌ្ឍប្រកបដោយចីរភាព”។
លោកជំទាវកិត្តិសង្គហបណ្ឌិតបានផ្តាំផ្ញើដល់អាជ្ញាធរ គ្រប់លំដាប់ថ្នាក់ ពិសេស ថ្នាក់ ដឹ ក នាំ សាខា អនុសាខា ត្រូវយកចិត្តទុកដាក់ជាប្រចាំតាមដានសភាពការណ៍ ដែលបាន កើតឡើង ជាពិសេសករណីគ្រោះមហន្តរាយ និ ងប្រធានស័ក្កផ្សេងៗ ដែលប្រជាពលរដ្ឋ រស់នៅ តាមសហគមន៍មូលដ្ឋានរបស់ខ្លួន ដើម្បីឆ្លើយតប និងដោះស្រាយឱ្យ បាន ទាន់ពេលវេលា ស្របតាមប្រធានបទដែលបានលើកឡើង “កាកបាទក្រហម កម្ពុជា មានគ្រប់ទីកន្លែងសម្រាប់គ្រប់ៗគ្នា មិនទុកនរណាម្នាក់ចោល”៕
Source: Kampuchea Thmey Daily
0 Comments