អ្នកនាំពាក្យរបស់ក្រុមតាលីបង់បានប្រាប់ AFP កាលពីថ្ងៃអាទិត្យថា ការចរចារវាងក្រុមតាលីបង់និងសហរដ្ឋអាមេរិកត្រូវជាប់គាំងលើបញ្ហាសំខាន់មួយទាក់ទងនឹងពេលវេលាដែលកងកម្លាំងបរទេសអាចចាកចេញពីប្រទេសអាហ្វហ្គានីស្ថាន។ ក្រុមតាលីបង់និងបេសកជនសន្តិភាពអាមេរិកលោក Zalmay Khalilzad បានជួបគ្នាម្ដងហើយម្ដងទៀតនៅទីក្រុងដូហារបស់ប្រទេសកាតាក្នុងរយៈពេលប៉ុន្មានខែចុងក្រោយនេះក្នុងគោលបំណងបញ្ចប់សង្គ្រាមដ៏កាចសាហាវរបស់ប្រទេសអាហ្វហ្គានីស្ថាន។
ចំណុចស្នូលនៃការចរចានេះគឺជាបញ្ហាជាមូលដ្ឋានទាក់ទងនឹងកាលវិភាគសម្រាប់កងកម្លាំងអាមេរិកនិងបរទេសអាចចាកចេញពីអាហ្វហ្គានីស្ថានបន្ទាប់ពីជម្លោះរយៈពេលជាង១៧ឆ្នាំ។បន្ទាប់ពីលោក Khalilzad បានបង្ហាញសុទិដ្ឋិនិយមកាលពីខែ កុម្ភៈនោះ កិច្ចព្រមព្រៀងដែលបាន ស្នើឡើងនេះគឺស្ថិតនៅក្នុងការឈានដល់មួយត្រឹមខែ កក្កដាដោយគូស ត្រូវទាំងពីរត្រូវឈាន ដល់ចំណុចសំខាន់មួយ។ មុនពេលសហរដ្ឋអាមេរិកព្រមព្រៀងដកកងទ័ព ខ្លួនទាមទារឲ្យក្រុមតាលីបង់ដាក់ការធានាសន្តិសុខកិច្ច ព្រមព្រៀងចំពោះបទឈប់បាញ់មួយនិងការប្ដេជ្ញាចិត្តដទៃទៀត។ប៉ុន្តែក្រុមបះបោរនេះបានទទូចថា ពួកគេនឹងមិនធ្វើអ្វីមួយឡើយទាល់តែសហរដ្ឋអាមេរិកប្រកាសអំពីកាលវិភាគនៃការដកទ័ព។
នៅក្នុងបទសម្ភាសន៍ជាមួយ AFP លោក Suhail Shaheen អ្នកនាំពាក្យនយោបាយរបស់ក្រុមតាលីបង់ក្នុងទីក្រុងដូហាបាននិយាយថា ភាគីទាំងពីរកំពុងព្យាយាមកាត់បន្ថយភាពខ្វែងគំនិតគ្នានិងមានកិច្ចព្រមព្រៀងមួយលើកាលវិភាគដែលអាចទទួលយកបានពីភាគីទាំងពីរ។ លោក Shaheen បានថ្លែងថា “រហូតមកទល់ពេលនេះ មិនទាន់សម្រេចបានជោគជ័យទេ”។
នៅពេលសួរថាតើនេះមានន័យថាគ្មានអ្វីអាចនឹងបន្តឆ្ពោះទៅមុខបានទេរហូតទាល់តែអាមេរិកប្រកាសពីកាលវិភាគនៃការដកទ័ពមែនឬអត់នោះ, លោក Shaheen បានថ្លែងថា “ជាការពិតណាស់”។ លោកបានបន្ថែមថា បញ្ហានេះប្រហែលជាមិនអាចដោះស្រាយបានទេនៅក្នុងកិច្ចពិភាក្សាជុំនេះ។ ស្របពេលជាមួយគ្នានោះដែរ ស្ថានទូតសហរដ្ឋអាមេរិកនៅទីក្រុងកាប៊ុលមិនបានធ្វើអត្ថាធិប្បាយភ្លាមៗទេប៉ុន្តែលោក Khalilzad បានបញ្ជាក់ម្ដងហើយម្ដងទៀតថា ការដកទ័ពគឺជាបញ្ហាតែមួយគត់នៅក្នុងកិច្ចចរចា៕ AFP
Source: Kampuchea Thmey Daily
0 Comments