ភ្នំពេញ ៖ មានករណីចោរលួចម៉ូតូមួយគ្រឿងបានសម្រេចដោយសុវត្ថិភាព នៅយប់រំលងអធ្រាត្រថ្ងៃទី៦ ខែឧសភា ឆ្នាំ២០១៩នេះ ស្ថិតក្នុងរបងផ្ទះលេខ១២ ផ្លូវ៦៦៨ស្ទួន ភូមិ១៧ សង្កាត់បឹងកក់២ ខណ្ឌទួលគោក រាជធានីភ្នំពេញ។
ជនរងគ្រោះ ឈ្មោះ លី វណ្ណី ភេទប្រុស អាយុ២៤ឆ្នាំ មុខរបរជាអ្នកសារព័ត៌មាននៅអង្គភាពប៉ុស្តិ៍ព័ត៌មាន សន្តិភាពកម្ពុជា (CPC News) បច្ចុប្បន្នរស់នៅផ្ទះជួលគ្មានលេខ ភូមិ៣ សង្កាត់ជ្រោយចង្វារ ខណ្ឌជ្រោយចង្វារ។ ម៉ូតូដែលត្រូវចោរលួចនោះ ម៉ាក Zoomer ពណ៌សលាយក្រហម ស៊េរីឆ្នាំ២០១៨ ពាក់ស្លាកលេខ ត្បូងឃ្មុំ 1F 0906។
ជនរងគ្រោះប្រាប់ឲ្យដឹងថា នៅវេលាម៉ោង១យប់រំលងអធ្រាត្រ ឈានចូលថ្ងៃទី៦ ខែឧសភា ឆ្នាំ២០១៩ រូបគាត់បានជិះម៉ូតូទៅលេងផ្ទះមិត្តភ័ក្ដិនៅផ្ទះលេខ១២ ផ្លូវលេខ៦០៨ ស្ទួន ភូមិ១៧ សង្កាត់បឹងកក់២ ខណ្ឌទួលគោក រាជធានីភ្នំពេញ។
ពេលទៅដល់ រូបគាត់បានឡើងទៅគេងផ្ទះមិត្តភ័ក្ដិនៅជាន់ទី១ លុះព្រឹកឡើងពេលភ្ញាក់ដឹងខ្លួន នៅព្រឹកថ្ងៃទី ៦ ខែឧសភា នៅវេលាម៉ោង៧និង៣០នាទី ក៏ចុះមកមិនឃើញម៉ូតូ រូបគាត់ ក៏បានដាក់ពាក្យបណ្តឹងទៅកាន់ប៉ុស្តិ៍នគរបាលរដ្ឋបាលបឹងកក់២តែម្តង។
បច្ចុប្បន្ន សមត្ថកិច្ច កំពុងតាមស្វែងស្រាវជ្រាវរកមុខសញ្ញាចោរ ដើម្បីផ្ដន្ទាទោសតាមនីតិវិធីច្បាប់៕
Source: Kampuchea Thmey Daily
0 Comments