ក្តីសង្ឃឹមរបស់លោក Diego Maradona ក្នុងការឈ្នះពានរង្វាន់ដំបូងក្នុងនាមជាគ្រូបង្វឹករបស់លោកត្រូវបានបញ្ចប់កាលពីថ្ងៃអាទិត្យខណៈដែលក្រុមរបស់លោក Dorados បានប្រកួតចាញ់ក្រុមលំដាប់ទីពីររបស់ម៉ិកស៊ិកព្រមជាមួយនឹងការស៊ុតបញ្ចូលទីមួយគ្រាប់របស់ពួកគេ។
ក្រុមគូប្រជែង Atletico San Luis បានស៊ុតបាល់បញ្ចូលទីតែមួយគ្រាប់ប៉ុណ្ណោះនៃជើងទី ២ ក្នុងម៉ោងបន្ថែមដើម្បីឈ្នះជើងឯក ហើយជាលើកទី ២ ហើយដែលពួកគេធ្វើឲ្យលោក Maradona មិនមានពានក្នុងដៃនៅវគ្គផ្តាច់ព្រ័ត្រពីរលើកជាប់គ្នា។
លោក Maradona បាននិយាយក្រោយការប្រកួតថា "ខ្ញុំស្ទើរតែស្លាប់ហើយ ប៉ុន្តែវាមិនអីទេ ហើយខ្ញុំពិតជាសោកស្តាយចំពោះកូនក្រុមរបស់ខ្ញុំ"។
គ្រូបង្វឹកសញ្ជាតិអាហ្សង់ទីនដ៏អស្ចារ្យរូបនេះ និងក្រុមរបស់គាត់បានប្រឈមមុខនឹងភារកិច្ចដ៏ស្វិតស្វាញឈានចូលការប្រកួតជើងទីពីរ ខណៈដែលទទួលនូវលទ្ធផល ១-១ នៅក្នុងការប្រកួតជើងទីមួយនៅផ្ទះខ្លួនឯងក្នុងទីក្រុង Culiacan នៅរដ្ឋ Sinaloa ភាគពាយ័ព្យ ស។
ពួកគេបានទប់ទល់ជាមួយក្រុម Atletico រហូតដល់ ៩០ នាទីដោយលេងឥតឈប់ឈរក្នុងពហុកីឡដ្ឋានដែលស្ថិតនៅកណ្តាលទីក្រុង San Luis Potosi ។
ប៉ុន្តែខ្សែការពារសញ្ជាតិអេស្ប៉ាញ Unai Bilbao បានស៊ុតបាល់បញ្ចូលទីនៅក្នុងគ្រាប់បាល់ជ័យជម្នះសម្រាប់ក្រុមម្ចាស់ផ្ទះនៅនាទីទី ១០៣ បន្ទាប់ពីអ្នកចាំទី Gaspar Servio របស់ក្លិប Dorados មិនអាចជួយសង្គ្រោះពីការស៊ុតបាល់មួយជើងបញ្ចូលទីយ៉ាងល្អនោះទេ។
ការបរាជ័យនេះបានបញ្ចប់នូវការប្រកួតមិនស្គាល់ចាញ់ ១៤ លើកសម្រាប់ក្រុម Dorados ក្រោមក្រសែភ្នែករបស់អ្នកទស្សនាជិត ២៥,០០០ នាក់ដែលបានធ្វើឲ្យលោក Maradona ស្រងាកចិត្តយ៉ាងខ្លាំង។
លោក Maradona វ័យ ៥៨ ឆ្នាំបានចូលកាន់ការងារគ្រូបង្វឹកនៅក្លឹបដែលមានមូលដ្ឋាននៅរដ្ឋ Sinaloa នៅខែកញ្ញា ហើយក៏មានការចោទសួរថាហេតុអ្វីបានជាម្ចាស់ជើងឯកបាល់ទាត់ពិភពលោកឆ្នាំ ១៩៨៦ ដែលធ្លាប់ប្រឡូកជាសាធារណៈលើការញៀនថ្នាំផ្សេងៗចូលមកដឹកនាំក្លិបមួយនេះ៕
AFP
Source: Kampuchea Thmey Daily
0 Comments