កីឡាការិនីវាយតេន្នីស Naomi Osaka បានបន្ធូរបន្ថយការព្រួយបារម្ភអំពីទម្រង់លេង និងភាពរឹងមាំរបស់នាងតាមរយៈការប្រកួតជុំទី ១ យ៉ាងស្វិតស្វាញជាមួយកីឡាការិនី Dominika Cibulkova កាលពីថ្ងៃអាទិត្យនៅឯព្រឹត្តិការណ៍ Madrid Open ។
Osaka បានជួបការលំបាកតាំងពីបានបែងបាក់ជាមួយនឹងគ្រូបង្វឹករបស់នាងគឺលោក Sascha Bajin កាលពីខែកុម្ភៈ ខណៈដែលបញ្ហារបួសពោះបានបង្ខំឲ្យនាងដកខ្លួននៅទីក្រុង Stuttgart កាលពី ៨ ថ្ងៃមុនដោយធ្វើឲ្យមានការមន្ទិលចំពោះការប្រកួតរបស់នាងក្នុងព្រឹត្តិការណ៍ French Open នៅចុងខែនេះ ។
ប៉ុន្តែមានសញ្ញាតិចតួចប៉ុណ្ណោះនៃបញ្ហារាងកាយក្នុងអំឡុងពេលនៃជ័យជម្នះ ៦-២ និង ៧-៦ (៨/៦) ទៅលើកីឡាការិនី Cibulkova ហើយក្រោយមកទៀត Osaka បាននិយាយថា "ខ្ញុំមានអារម្មណ៍ល្អ ខ្ញុំមិនមានការឈឺចាប់ច្រើនទេនៅក្នុងរាងកាយអញ្ចឹងនោះជាជាសញ្ញាល្អ" ។
កីឡាការិនីលំដាប់ទី ១ ពិភពលោកជនជាតិជប៉ុនរូបនេះនឹងជួបជាមួយនឹងកីឡាការិនី Sara Sorribes Tormo របស់អេស្ប៉ាញក្នុងជុំទី ២។
កីឡាការិនី Osaka មើលទៅមានភាពងាយស្រួល បន្ទាប់ពីការប្រកួតនៅសិតទីមួយ ប៉ុន្តែនាងត្រូវបានអូសបន្លាយក្នុងការប្រកួតជាមួយកីឡាការិនី Cibulkova នៅសិតទី ២។
Osaka បាននិយាយ បន្ទាប់ពីឈ្នះជុំទីមួយក្នុងព្រឹត្តិការណ៍ Madrid Open ថា "ខ្ញុំក៏គិតផងដែរ មានកន្លែងផ្សេងទៀតដែលខ្ញុំចង់ធ្វើ ហើយខ្ញុំបានហ្វឹកហាត់សម្រាប់ឱកាសទាំងនេះដូច្នេះខ្ញុំត្រូវតែផ្តល់វាឲ្យបាន ១០០ ភាគរយ"៕
AFP
Source: Kampuchea Thmey Daily
0 Comments