តារាចម្រៀង និងគណៈកម្មាធិការក្នុងកម្មវិធីCombodia Idol លោក ព្រាប សុវត្ថ ត្រូវបានគេកត់សម្គាល់ឃើញថា លោកហាក់មានយីអ៊ុនល្អខ្លាំង បន្ទាប់ពីលោកបានធ្វើគណៈកម្មការក្នុងកម្មវិធីCombodia Idol ដែលរៀបចំដោយស្ថានីយទូរទស្សន៍ហង្សមាស។
លោក ព្រាប សុវត្ថ បានអង្គុយលើកៅអីធ្វើជាគណៈកម្មការក្នុងកម្មវិធីCombodia Idol ក្នុងចំណោមតារារួមដំបូលមានដូចជា កញ្ញា ឱក សុគន្ធកញ្ញា, លោក ឆន សុវណ្ណរាជ និងលោក ណុប បញ្ញារិទ្ធ។ គណៈកម្មការរូបនេះមិនខុសពីគណៈកម្មការ៣នាក់ផ្សេងទៀតដែរ គឺមានតួនាទីក្នុងការតាមដានដាក់ពិន្ទុ និងណែនាំដល់បេក្ខជនដើម្បីបានឈានទៅប្រឡងជល់គ្នាចម្រាញ់យកអ្នកខ្លាំងពិតក្នុងចំណោមអ្នកប្រឡងនោះ។
ត្បិតតែយ៉ាងនេះក៏ពិតមែន តែចំពោះលោក ព្រាប សុវត្ថ ថ្មីៗនេះ ត្រូវបានមហាជនអ្នកគាំទ្រជាច្រើនមើលឃើញថា គាត់ជាគណៈកម្មការដែលមានសមត្ថភាពពិតក្នុងការជ្រើសរើសត្រូវជាមួយបេក្ខជនប្រឡងនៅក្នុងកម្មវិធី Combodia Idol។ ខណៈដែលមានអ្នកនិយមលេងហ្វេសប៊ុកមួយចំនួនធំក៏បានយកឃើញដូចគ្នានេះដែរ។
ប្រភពខាងលើបានលើកឡើងប្រហាក់ប្រហែលគ្នាថា សូមសរសើរគណៈកម្មការលោក ព្រាប សុវត្ថ ដោយស្មោះ ចំពោះសមត្ថភាពរបស់គាត់ គឺសមខ្លាំងណាស់ ធ្វើជាគណៈកម្មការក្នុងកម្មវិធី Combodia Idol។ ដោយឡែក បើក្រឡេកទៅមើលអ្នកលេងហ្វេសប៊ុកឯណោះវិញ ក៏បានសរសេរបង្ហោះបញ្ជូនឲ្យគ្នាថា ខ្ញុំសរសើរលោក ព្រាប សុវត្ថ ដោយស្មោះ ដែលបានជ្រើសរើសត្រូវជាមួយបេក្ខជនដែលមានសមត្ថភាពពិតប្រាកដ។
យ៉ាងណាមិញ បើទោះបីជាកម្មវិធី Combodia Idol ជាកម្មវិធីថ្មីទើបតែបង្កើតឡើង និងបាន ចាក់ផ្សាយនៅលើកញ្ចក់ទូរទស្សន៍ហង្សមាស មិនទាន់បានយូរប៉ុន្មានផងក៏ទទួលបានការចាប់អារម្មណ៍ និងមានប្រជាប្រិយភាពខ្លាំងគួរឲ្យកត់សម្គាល់ ព្រមទាំងទទួលបានការគាំទ្រច្រើនពីទស្សនិកជន មិត្តៗយុវវ័យ។ ចំណែកគណៈកម្មការក្នុងកម្មវិធីCombodia Idol ទាំង៤នាក់ឯណោះវិញមានទាំងមតិលើកសរសើរ និងការរិះគន់ព្រមៗគ្នាផងដែរ៕
ព្រាប សុវត្ថ ទស្សនិកជនសរសើរពីសមត្ថភាព
0 Comments