កញ្ញា សោភ័ណ្ឌ លីនដា បច្ចុប្បន្ន ក៏កំពុងទទួលបានការគាំទ្រ និងមានប្រជាប្រិយភាពលេចធ្លោក្នុងសង្វៀនសិល្បៈ ដោយសារតែការហ៊ានបោះទុននូវសម្រស់ ក៏ដូចជាភាពប៉ិនប្រសប់របស់ខ្លួនដើម្បីទាញបានភាពល្បាញល្បីពីចំណែក ទីផ្សារសម្ដែងសិល្បៈ ដើម្បីឆ្ពោះទៅរកភាពជោគជ័យនាថ្ងៃអនាគតខាងមុខ។
អំឡុងនៃការចូលខ្លួនចាប់យក អាជីពជាអ្នកសិល្បៈតារាស្រីវ័យក្មេងកញ្ញា សោភ័ណ្ឌ លីនដា បានបង្ហាញវត្តមានតាមរយៈការសម្ដែងរឿងឈុតកាយវិការ ខារ៉ាអូខេ និងការដើរបង្ហាញម៉ូដនៅតាមបណ្ដាកម្មវិធីតូច-ធំមួយចំនួនរបស់បណ្ដាស្ថានីយប៉ុស្តិ៍ទូរទស្សន៍ផងដែរ។
ជាមួយសន្ទុះនៃការគាំទ្រកំពុងតែ ឈានឡើងទៅមុខនេះដែរ ស្រីស្រស់វ័យក្មេង សោភ័ណ្ឌលីនដា ក៏បានដាក់ក្តីសង្ឃឹមថា អាជីពសិល្បៈរបស់នាងនឹងទទួលបានភាពជោគជ័យកាន់តែខ្លាំងឡើងថែមទៀត នៅថ្ងៃខាងមុខ តាមរយៈការចូលរួមគាំទ្រពីសំណាក់ទស្សនិកជនគ្រប់មជ្ឈដ្ឋាន។ សោ ភ័ណ្ឌ លីនដា គឺជាតារាសម្ដែង និងតារាបង្ហាញម៉ូដ ដែលមានដើមកំណើតចេញមកពីខេត្តព្រៃវែង នាងជាកូនស្រីទី៣ ក្នុងចំណោមបងប្អូនប្រុស–ស្រីចំនួន៤នាក់។
លីនដា ចូលមកដល់ឆ្នាំនេះទើបតែមានអាយុ២១ឆ្នាំប៉ុណ្ណោះ នាងបានបញ្ចប់ការសិក្សាត្រឹមថ្នាក់ទី៩។
ដោយឡែក សម្រាប់ថ្ងៃនេះកម្ពុជាថ្មីសូមបង្ហាញនូវរូបថតក្នុងឈុតសំលៀកបំពាក់ បែបកូនក្រមុំរបស់កញ្ញា សោភ័ណ្ឌ លីនដា មកចែកជូនប្រិយមិត្តទស្សនាទាំងអស់គ្នាមើលថា លីនដា គ្រងឈុតនេះមានសម្រស់ស្រស់ស្អាតយ៉ាងណាដែរ៕
0 Comments