ពេលនោះប្រុសស្នេហ៍តូតាលោកទឹម នីដា បានស្តីបន្ទោសឲ្យតូតាជាខ្លាំងថា ហេតុអ្វីបានជាចង់ល្បីហ៊ានឲ្យគេប៉ះគ្រប់កន្លែង សូម្បីចំណុចសំខាន់ បើអ៊ីចឹងម៉េចមិនចាក់សម្លាប់ខ្លួនលោក ទៅ។ ទាក់ទងរឿងនេះគេឃើញតូតាព្យាយាមលួងលោមពន្យល់ប្រុសស្នេហ៍ពីឈុតឆាក នោះដែរ កុំឲ្យសង្សារប្រច័ណ្ឌខុសទំនង តែលោកនីដា នៅតែគិតថា មិនគួរឲ្យមានឈុតទាំងនោះទេ។ ក្នុងពេលបានជួបជាមួយព័ត៌មាន តារាស្រីរូបនេះ បានប្រកែកក្នុងការបកស្រាយរឿងចំណងស្នេហ៍នេះដោយរត់គេចព្រោះនាងអៀន ក្នុងការបកស្រាយរឿងដែលនាយក្រូចបន្លំកេងចំណេញ។
ពាក់ព័ន្ធរឿងស្នេហាជាមួយប្រុស ក្មេងទឹម នីដា ត្រូវបានបើកចំហដោយសារពួកគេតែងបង្កើតភាពផ្អែមល្ហែមតាមរយៈការសាង អនុស្សាវរីយ៍ជាច្រើនកន្លងមកជាមួយគ្នា ហើយក្រុមគ្រួសារទាំងសងខាងក៏បានដឹងឮរឿងនេះដែរ ថែមទាំងជួយគាំទ្រពេញទំហឹងទៀតផង។ ទោះយ៉ាងណាតូតានៅតែស្ថិតក្នុងខ្សែភ្នែកប្រុសៗសំបូរលុយដុល្លារ ព្រោះកន្លងមកបានលេចឮថា នាងត្រូវ ថៅកែសណ្ឋាគារ ឧកញ៉ាម្នាក់រួមទាំងមន្ត្រីប៉ូលិសជាន់ខ្ពស់ម្នាក់បានតាមស្នេហ៍យ៉ាង ប្រកិតហាក់មិនខ្វល់ខ្វាយឬចាប់អារម្មណ៍ប្រុសក្មេងទឹម នីដា ជាសង្សារតូតាឡើយ។ ក្រុមអ្នកសិល្បៈបានខ្សឹបខ្សៀវថា តូតាមានជម្រើសច្រើនណាស់ ប្រុសៗតាមស្រឡាញ់នាងសុទ្ធតែអ្នកមានទ្រព្យដូច្នេះប្រហែលជាចៀសមិន ផុតទេ ប្រាកដជាប្រឈមនឹងការឈឺចាប់ជាមួយសង្សារក្មេងព្រោះមិនអាចប្រជែង ជាមួយប្រុសៗចំណាស់ៗបាន គ្រាន់តែតូតាសម្តែងជាមួយនាយក្រូចក៏ខឹងដែរ។
គួររំលឹកឡើងវិញថា ក្រោយពីតូតាបង្កើតក្រុមរាំអមអាជីពមកគឺការងារសិល្បៈមានកាន់តែ ច្រើនជាងមុន ពេលនេះធ្វើឲ្យនាងមានការសប្បាយចិត្តណាស់។ តូតាឲ្យដឹងដែរថា ឥឡូវក្រុមរាំ អមបានចេញតាមឆាកតន្ត្រីច្រើនទាំងខេត្ត-ក្រុង តាមការអញ្ជើញរបស់គេ ព្រោះខ្ញុំគិតថា ពេលនេះ នាងខ្ញុំរីកចម្រើនជាងមុន តាំងពីបង្កើតក្រុមរាំមកតែក៏ទាមទារការហាត់រាំជាប្រចាំផងដែរ៕
0 Comments