គេមិនដឹងថា ការផ្អឹបចោលសង្សារដែលជាចាងហ្វាងផលិតកម្ម PR Production នេះមកពីចំណងស្នេហ៍របស់នាងកំពុងជួបវិបត្តិរង្គោះរង្គើ ឬយ៉ាងណានោះទេ ទើបធ្វើឲ្យនាងមិននឹកនា ចូលរោងការដើម្បីជម្រះចោលពាក្យរិះគន់ពីទស្សនិកជន។ ផ្ទុយពីការកើតមានចម្ងល់ស្នេហ៍ផុយស្រួយនេះ ថ្មីៗនេះគេឃើញនាងមានទឹកមុខរីករាយប្រាសចាកពីទុក្ខកង្វល់ ហើយតារាសម្ដែងរូបនេះក៏ទើបនឹងប្តូររថយន្តពីលុចស៊ីស៣០០មកជិះរថយន្តម៉ាក Range Rover ស៊េរី២០០៨ថ្មីសន្លាងមួយគ្រឿងមិនទាន់ទាំងពាក់ស្លាកលេខផង។
ការផលិតខ្សែភាពយន្តរឿងភាគ”វិថីនារី” ឲ្យស្ថានីយទូរទស្សន៍ស៊ីធីអិន ទាំងមិនទាន់ទទួលបានប្រាក់ពីស្ថានីយទូរទស្សន៍នោះផង ទើបធ្វើឲ្យមតិភាគច្រើនយល់ថា រថយន្តម៉ាក Range Rover ដែលនាងជិះបានមួយអាទិត្យជាកាដូលាក់មុខរបស់គូស្នេហ៍នាងជាមិនខាន។
ក្នុងបទសម្ភាសន៍មួយព្រំ រដ្ឋាបាននិយាយថា នាងទើបទិញរថយន្តនោះមែន មានតម្លៃ៨ម៉ឺនដុល្លារ ប៉ុន្តែមិនមែនជាកាដូពីគូស្នេហ៍ទេ ព្រោះជាប្រាក់របស់នាងផ្ទាល់ បូករួមជាមួយប្រាក់រថយន្តចាស់មកបន្ថែមទៀត។
នាងក៏ឲ្យដឹងបន្ថែមពីការទិញរថយន្តថា មូលហេតុដែលនាំឲ្យសម្រេចចិត្តទិញរថយន្តបណ្តាលមកពីរថយន្តមុនចេះតែខូច ពេលខ្លះខូចនៅតាមខេត្ត ពេលនាងទៅថតភាពយន្តទើបនាងសម្រេចចិត្តលក់អាចាស់ចោល។ ពាក់ព័ន្ធ ការងារសិល្បៈនាងបានប្រាប់ឲ្យដឹងទៀតថា ពេលនេះខ្សែភាពយន្តរឿងភាគ”វិថីនារី”បានថតសម្រេចប្រមាណ៦០ភាគរយបញ្ចប់ប្រហែល២ខែទៀត និងត្រូវដាក់បញ្ចាំផងដែរ ពេលបានបញ្ចប់រឿងនេះ ប៉ុន្តែយើងក៏មិនទាន់ដឹងពីកម្រិតជោគជ័យបានប៉ុនណាទេ។
គេដឹងថា ព្រំ រដ្ឋាទោះជារឿងនេះពុំទទួលបានការគាំទ្រឬជោគជ័យប៉ុណ្ណានោះក៏នាងមិនបោះបង់អាជីពនេះដែរ ហើយកំពុងបោះទុនផលិតខ្សែភាពយន្តថ្មីរឿងបុរាណគ្រោងចំណាយដើមទុនច្រើនជាងពីមុន។ ឯរឿងស្នេហាវិញនាងនិយាយចុងក្រោយថា នាងមិនចង់រៀបការពេលនេះទេ ក្រោយពីជំនួញរបស់នាងពុំទាន់បានសម្រេចលទ្ធផលល្អ៕
ព្រំ រដ្ឋា ប្រកែកពីកាដូឡាន Range Rover
0 Comments