ភ្នំពេញ ៖ មិនដែលលេចឮរឿងពៅ លីដា
ខូចចិត្តពីរឿងស្នេហាត្រូវបរាជ័យនោះទេ ក្រៅពីរឿង
អាស្រូវជាមួយបុរសវ័យចំណាស់ដែលនាងធ្លាប់អះអាងថា ត្រូវជាឪពុក។
ពាក់ព័ន្ធរឿងនេះ
មានមតិជាច្រើនបានសន្និដ្ឋានថាអាចជាប្រុសស្នេហ៍លាក់មុខរបស់ពៅ
លីដា ទៅវិញ។ តារាទើបឡើងកូដពៅ លីដា
បានក្លាយជាថៅកែហាងកែសម្ផស្សបានប្រកាសយ៉ាងម៉ឺងម៉ាត់
បដិសេធរាល់សំណើស្នេហ៍ពីបុរសៗដោយខ្លាចប៉ះពាល់ពេលវេលាសិល្បៈខណៈ
នាងមមាញឹកក្នុងការថតភាពយន្តដល់ទៅ៣រឿងក្នុងពេលតែមួយ។
ដោយឡែកទីផ្សារសិល្បៈភាពយន្តរបស់អតីតកញ្ញាឯកប្រ៊ីដស្តុន
រូបនេះត្រូវបានមិត្តភក្តិរួមអាជីពលាន់មាត់ថានាងក្តាប់ការងារ
សម្តែងច្រើនក្រោយពេលសារាយ សក្ខណា ផ្អាកពីសិល្បៈទៅតាមស្វាមី
នៅសហរដ្ឋអាមេរិក។
គួររំលឹកថា
ក្រោយពីការសរសើរនោះក៏មានការឲ្យដឹងថា
ពេលនេះនាងទើបមានឈ្មោះជាថៅកែហាងកែសម្ផស្ស
ហើយមានបុរសៗចោមស្នេហ៍មិនតិចនាក់ទេទាំងនៅក្នុងស្រុកនិងក្រៅ
ស្រុកផងដែរ។
ឆ្លើយតបរឿងនេះពៅ លីដា
បានបដិសេធថានេះជាសម្ដីដែលអ្នកសិល្បៈចេះតែ និយាយចំអន់ទេ។
នាងបន្ថែមទៀតថា
រឿងមានស្នេហាមានគេស្រឡាញ់នាងថាខ្ញុំទទួលស្គាល់មិនអត់ទេ
ប៉ុន្តែសំខាន់លើខ្លួនយើងតែខ្ញុំមិនទាន់ដាក់ចិត្តគិតរឿងបែបនេះ
ទេ។ ទោះយ៉ាងណា គ្មាននរណាម្នាក់គេចផុតទេ
ត្រូវតែមានស្នេហានិងគូអនាគតជាច្បាប់ធម្មជាតិតម្រូវឲ្យ។
តារាសម្តែងពៅ លីដា
ដែលមានស្រុកកំណើតនៅខេត្តកំពង់ចាម បានបន្តទៀតថា ពេលនេះ
មិនទាន់ដល់ពេលដែលត្រូវគិតពីរឿងស្នេហាទេ គឺគិតគូរពីរឿងរកលុយសិន
ព្រោះកំពុងមមាញឹករឿងការងារសិល្បៈ
ពេលខ្លះរកពេលមើលហាងស្ទើរមិនបានផង។
ពេលនេះមិនសមត្រូវគិតពីរឿងស្នេហាទេ
បើសិនគិតពីរឿងស្នេហានោះច្បាស់ជាការងារសិល្បៈត្រូវរបូតពីដៃអស់
ជាមិនខាន។
បន្ថែមពីលើការងារសិល្បៈ
និងមុខរបរកែសម្ផស្សដែលមានភ្ញៀវចូលច្រើនកុះករនោះ ពៅ លីដា
បានប្រាប់ថា ពេលនេះមិនទាន់ដល់ពេលហើយក៏មិនចង់គិតពីរឿងស្នេហាដែរ
ណាមួយបើសម្រេចចិត្តទទួលនាំតែអំពល់ក្នុងចិត្ត
ដែលនាំឲ្យប៉ះពាល់ដល់ការងារដែលមានទីផ្សារយ៉ាងសន្ធឹកសន្ធាប់
លុយចូលគ្រប់ទិស៕
0 Comments