រតនគិរី ៖ យុវជនម្នាក់ ត្រូវបាននគរបាលចាប់ខ្លួន ជាប់ចោទពីបទរំលោភសេពសន្ថវៈ បានសម្រេចកាលពីវេលាម៉ោង ៤ ល្ងាចថ្ងៃអាទិត្យ ៨កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៩ ខែសីហា ឆ្នាំ២០១៨ នៅត្រង់ចំណុចផ្ទះជនរងគ្រោះ ស្ថិតនៅភូមិប៉ាដល់ ឃុំសេសាន ស្រុកអូរយ៉ាដាវ។
នគរបាលបានឲ្យដឹងថា ជនរងគ្រោះឈ្មោះ រ.ច.ប អាយុ ១៧ឆ្នាំ ជនជាតិចារាយ មានទីលំនៅបច្ចុប្បន្នភូមិឃុំកើតហេតុខាងលើ។
ចំណែកជនសង្ស័យឈ្មោះ សេវ អា ភេទប្រុស អាយុ ២៧ឆ្នាំ ជនជាតិចារាយ មានស្រុកកំណើតភូមិដាល ឃុំញ៉ាង ស្រុកអណ្តូងមាស មកស្នាក់នៅភូមិប៉ាដល់ឃុំសេសាន ស្រុកអូរយ៉ាដាវ។
នគរបាលបន្តថា មុនពេលកើតហេតុ ខណៈជនសង្ស័យផឹកស្រាស្រវឹងជោកជាំក៏បានឡើងទៅលើផ្ទះជនរងគ្រោះចាប់រំលោភសេពសន្ថវៈតែម្តង។
បច្ចុប្បន្នកម្លាំងជំនាញនិងកម្លាំងប៉ុស្តិ៍រដ្ឋបាលឃុំសេសាន កំពុងធ្វើការសាកសួរបំភ្លឺដើម្បីកសាងសំណុំរឿងបញ្ជូនទៅកាន់សាលាដំបូងខេត្តចាត់ការបន្តតាមនីតិវិធីច្បាប់៕
Source: Kampuchea Thmey Daily
0 Comments