ការប្រកួតជម្រុះដណ្តើមខ្សែក្រវាត់ជើងឯកWurkz ទម្ងន់៦៣,៥០០ គីឡូក្រាម នៅសង្វៀនទូរទស្សន៍SEATV នៅរសៀលថ្ងៃអាទិត្យទី១២ ខែសីហា ឆ្នាំ២០១៨នេះ ជាការប្រកួត ជុំទី៣ រវាងអ្នកប្រដាល់កម្ពុជាឡុង សំណាង ក្លិបសាលវ័ន្តកីឡា និងអ្នកប្រដាល់ថៃPha Yaklek ខណៈដែលអ្នកប្រដាល់កម្ពុជាឌុម កែវដា ក្លិបមកុដរាជសីហ៍ ត្រូវជួបជាមួយAram Boy ដែលមកវាយជំនួសLoom Leng ដែលបានបោះបង់ចោលការប្រកួតជម្រុះនេះ។
សម្រាប់ជំនួបក្នុងជុំទី៣នេះ រវាងឡុង សំណាង និង Pha Yaklek នេះ ពួកគេទាំងពីរនាក់នេះមិនធ្លាប់ជួបគ្នាទេកន្លងមក ។ ឡុង សំណាង និង Pha Yaklek នេះ គេមានសមត្ថភាពប្រហាក់ប្រហែលគ្នាទេ ហើយមាឌ និងកម្ពស់ ក៏ប្រហែលគ្នាដែរ ដោយឡុង សំណាង មានកម្ពស់១,៦៨ម៉ែត្រ ហើយPha Yaklek មានកម្ពស់១,៦៧ម៉ែត្រ ។ប៉ុន្តែប្រវត្តិប្រកួតរបស់ Pek Theing ច្រើនជាងសំណាងប្រមាណ៥លើក ។
Pha Yaklek គេមានកំនត់ត្រាប្រកួតចំនួន៨៣លើក ឈ្នះ៦៩លើក ចាញ់១៤ លើក មិនដែលស្មើ ខណះឡុង សំណាង គេមានកំនត់ត្រាប្រកួត៧៨លើក ឈ្នះ៦៥លើក ចាញ់១០លើក និងស្មើ០៣លើក។
ទោះជាយ៉ាងណាក្តី សម្រាប់ការជួបគ្នានេះ ពុំអាចសន្និដ្ឋានមុនថា អ្នកណាឈ្នះ អ្នកណាចាញ់នោះឡើយ ហើយពីរនាក់នេះ ក៏មិនអាចអ្នកណាមើលស្រាលអ្នកណាបានដែរ ។កាលពីប្រកួតជុំទី២ ឡុង សំណាង ឈ្នះ Pek Theing ក្នុងទឹកទី៤ ដែលសរុបពីរប្រកួតបាន៦ពិន្ទុ ឯ Pha Yaklek គេវាយឈ្នះទេស ជីវ៉ា ដោយពិន្ទុ សរុបពីរប្រកួត បាន៤ពិន្ទុ គឺឈ្នះចាញ់១ប្រកួត ។ចាំមើល ក្នុងជុំទី៣នេះ តើនរណារកបាន៣ពិន្ទុនោះ? ។
ចំពោះ ឌុម កែវដា និង Aram Boy វិញមិនដឹងថានរណារកបាន៣ពិន្ទុនោះទេ ?។កែវ ដា គេធ្លាប់ជួប Aram Boy ម្តងហើយកាលពី២ឆ្នាំមុន ដោយកែវដាឈ្នះដោយពិន្ទុ ។
Aram Boy តាមពិតគេមកប្រកួតជំនួស Loom Leng ដែលបានបោះបង់ចោលការប្រកួតជម្រុះនេះ ។Loom Leng គេប្រកួតបានតែ១ប្រកួតដំបូងប៉ុណ្ណោះ លើកទី២គេក៏បោះបង់ចោលការប្រកួតតែម្តង ដែលធ្វើអោយពីរប្រកួតរបស់Loom Leng ឈ្នះ១ចាញ់១ប្រកួតបាន៣ពិន្ទុ(បោះបង់ការប្រកួតស្មើនឹង០ពិន្ទុ) ។ដូច្នេះ Aram Boyមកជំនួសក៏នៅរក្សាពិន្ទុនេះដដែលដែរ ។សូមបញ្ជាក់ថា Aram Boy ត្រូវបន្តការប្រកួតក្នុងជម្រុះនេះ ចាប់ពីជុំទី៣នេះតទៅ ។
ឌុម កែវដា ក្នុងពីរប្រកួតកន្លងមកបាន៤ពិន្ទុ គឺឈ្នះ១ ចាញ់១ប្រកួត ។សម្រាប់ការជួបAram Boyលើកនេះ ពុំដឹងថាឌុម កែវដា អាយកឈ្នះAram Boyបានដូចមុនទៀតឬអត់នោះទេ ? ។
ឌុម កែវដា មួយរយៈនេះគេហាក់ដូចជាស្រុតចុះបន្តិច ទោះបីរបៀបវាយរបស់គេ នៅតែល្អ និងនៅរហ័សក៏ពិតមែន តែកម្លាំងនិងទឹកចិត្តរបស់គេស្រុតចុះ ។ កែវដា គេមានប្រវត្តិប្រកួតចំនួនចំនួន៩០លើក ឈ្នះ៦៩ លើក ចាញ់១៨លើក និងស្មើ០៣លើក ។
ចំពោះ Aram Boy វិញ ក៏ស្រុតធ្លាក់ជាងមុនដែរ ។ គេមានប្រវត្តិប្រកួតចំនួន៨៥លើក ឈ្នះ៦២លើក ចាញ់២១លើក និងស្មើ០២លើក ។ ចាំមើល ការប្រកួតក្នុងជុំទី៣នេះ រវាងឌុម កែវដា និង Aram Boy តើនរណារកបាន៣ពិន្ទុនោះ ? ។
ចំពោះការការប្រកួតក្រៅពីគូខ្សែក្រវាត់នេះ ជឹម ចិត្រា អ្នកប្រដាល់ក្លិបខ្លារខិនមានរិទ្ធ ត្រូវគេផ្គូអោយជួបប្រកួតជាមួយ ភុន សោភ័ណ្ឌ អ្នកប្រដាល់ក្លិបនាគរាជមានជ័យ ដោយជួបគ្នាក្នុងប្រភេទទម្ងន់៦៥គីឡូក្រាម ។អ្នកប្រដាល់ពីរនាក់នេះ មិនធ្លាប់បានប៉ះគ្នាទេកន្លងមក ។
ភុន សោភ័ណ្ឌ ជាអ្នកប្រដាល់ចាស់វស្សា ។ ថ្វីត្បិតតែគេរាងស្រុតធ្លាក់ក្តី ប៉ុន្តែគេនៅតែអាចបំបាក់គូប្រកួតដែលមើលស្រាលចង់ជួបប្រកួតជាមួយគេនោះ។ ដូច្នេះសម្រាប់ការប្រកួតជាមួយជឹម ចិត្រា លើកនេះ ពុំដឹងថា សោភ័ណ្ឌ អាចយកឈ្នះជឹម ចិត្រា បានឬអត់នោះទេ ? ។
ខាំ ផាន់នី អ្នកប្រដាល់ក្លិបដីឡូតិ៍មានរិទ្ធខេត្តបន្ទាយមានជ័យ នឹងជួបសាកកណ្តាប់ដៃជាមួយវង្ស វិឆ័យ អ្នកប្រដាល់ក្លិបកងពលតូចទ័ពពិសេសឆ័ត្រយោង៩១១ ។ សម្រាប់ការជួបគ្នារវាងអ្នកប្រដាល់ទាំងពីរនាក់នេះ ត្រូវបានគេរំពឹងថា ភុន សោភ័ណ្ឌពុំអាចយកឈ្នះជឹម ចិត្រា បានឡើយ ៕
Source: Kampuchea Thmey Daily
0 Comments