១-ការប្តឹងទាស់
ភាគីដែលទទួលសាលក្រមកំបាំងមុខ ដោយ សារតែការអវត្តមាននៅកាលបរិច្ឆេទ អាច ទាម ទារឲ្យតុលាការនៃបណ្តឹងថ្នាក់ជម្រះ ក្តីដដែលឲ្យធ្វើការវិនិច្ឆ័យសាជាថ្មីដោយ បណ្តឹងទាស់បាន។ ក៏ប៉ុន្តែបណ្តឹងទាស់អាច អនុញ្ញាតឲ្យដាក់បានតែក្នុងករណីដែល ភាគីអវត្តមាន ដោយសារមានហេតុដែលមិន អាចព្យាករណ៍បាន ឬហេតុដែលមិនអាចចៀស វាងបាន។
ក្នុងករណីដែលមានពាក្យប្តឹងទាស់ តុលាការ ត្រូវពិនិត្យនូវចំណុចដែលបានសរសេរក្នុងពាក្យ បណ្តឹងទាស់ ហើយប្រសិនបើមានចំណុចខ្វះ ខាត ត្រូវបង្គាប់ឲ្យភាគីដែលដាក់ពាក្យ បណ្តឹងទាស់នោះ កែតម្រូវ ហើយប្រសិនបើ ភាគីមិនបានកែតម្រូវទេ តុលាការត្រូវលើកបណ្តឹង ទាស់នោះចោល ដោយដីកាសម្រេច។ ប្រសិន បើពាក្យបណ្តឹងទាស់គ្មានចំណុចខ្វះខាតទេ តុលាការត្រូវបញ្ជូនពាក្យបណ្តឹងទាស់នោះទៅភាគីម្ខាងទៀត ហើយកំណត់កាលបរិច្ឆេទដើម្បី វិនិច្ឆ័យបណ្តឹងទាស់នោះ និងកោះហៅគូភាគី។
២-ការវិនិច្ឆ័យបណ្តឹងទាស់ និងនីតិវិធីក្រោយ ពេលនោះ
ចំពោះការប្តឹងទាស់ តុលាការត្រូវធ្វើការស្រាវ ជ្រាវ ដោយឆន្ទានុសិទ្ធរបស់ខ្លួន អំពីភាពត្រឹម ត្រូវនៃបណ្តឹងទាស់ (តើមានការគោរពអំឡុង ពេលដាក់ ឬទេ តើចំណុចដែលសរសេរក្នុង ពាក្យបណ្តឹងទាស់នោះ ស្របតាមការកំណត់ នៃច្បាប់ឬទេ) ព្រមទាំងអំពីបញ្ហាថា តើការដាក់ បណ្តឹងទាស់នោះដោយមូលហេតុត្រឹមត្រូវឬទេ។ ចំពោះបណ្តឹងទាស់ដែលមិនស្របច្បាប់ តុលាការត្រូវលើកចោលដោយដីកាសម្រេច រីឯ ចំពោះបណ្តឹងទាស់ដែលត្រូវបានធ្វើឡើងដោយ មិនផ្អែកលើមូលហេតុមិនត្រឹមត្រូវទេ តុលាការត្រូវច្រានចោលបណ្តឹងទាស់នោះដោយដីកា សម្រេច។
ប្រសិនបើបណ្តឹងទាស់នោះស្របច្បាប់ ព្រម ទាំងមានមូលហេតុត្រឹមត្រូវផង នីតិវិធីនៃបណ្តឹង នោះត្រូវបានត្រឡប់ទៅសភាពដើម មុនការ អវត្តមាននោះវិញ។ ដូច្នេះតុលាការត្រូវចាប់ផ្តើម ឡើងវិញនូវនីតិវិធីដែលបានធ្វើនាពេលអវត្ត មាននោះ(នីតិវិធីត្រៀមសម្រាប់ការទាញ ហេតុ ផល ឬការទាញហេតុផលដោយផ្ទាល់មាត់) ហើយធ្វើការកំណត់នូវកាលបរិច្ឆេទថ្មី ដើម្បីបន្ត ការវិនិច្ឆ័យនោះ។ ក្នុងករណីដែលសាលក្រម ដែលតុលាការនឹងចេញ ដោយផ្អែកលើការវិនិ ច្ឆ័យក្រោយពេលបន្តនីតិវិធីនោះ មានលទ្ធផល ដូចគ្នានឹងសាលក្រមកំបាំងមុខនោះ តុលាការត្រូវ ចេញសាលក្រមចុងក្រោយដែលប្រកាសថា តម្កល់សាលក្រមកំបាំងមុខនោះទុកជាបានការ។ ប្រសិនបើមានលទ្ធផលមិនត្រូវគ្នាទេ តុលាការត្រូវចេញសាលក្រមថ្មី ដែលលុបចោល នូវសាលក្រមកំបាំងមុខ ហើយធ្វើការវិនិច្ឆ័យ ដោយផ្ទាល់ចំពោះការទាមទាររបស់ដើមចោទ នៅក្នុងសាលក្រមថ្មីនោះ។
ក្នុងករណីដែលភាគីដែលបានដាក់ពាក្យ បណ្តឹងទាស់ មិនបង្ហាញខ្លួនម្តងទៀត នៅក្នុង នីតិវិធីដែលត្រូវបានចាប់ផ្តើមម្តងទៀតនោះ ត្រូវ ចាត់ទុកដូចដែលបានពន្យល់ក្នុង ២(១)ដល់ (៣)ខាងលើនេះ ហើតុលាការអាចចេញសាល ក្រមកំបាំងមុខក្រោយលក្ខខ័ណ្ឌដូចគ្នាបាន។ ក៏ប៉ុន្តែចំពោះសាលក្រមកំបាំងមុខដែលបាន ចេញដោយតុលាការ ដោយមានមូលហេតុអវត្ត មាននៅកាលបរិច្ឆេទលើកដំបូងនៃនីតិវិធីដែលត្រូវបានចាប់ផ្តើមឡើងវិញរបស់ភាគីដែល បានដាក់ពាក្យបណ្តឹងទាស់ ភាគីនោះមិនអាច ប្តឹងទាស់បានទៀតទេ។ នេះគឺជាបទដ្ឋានដែល មានគោលបំណងការពារកុំឲ្យមានការ អវត្តមាន ហើយដាក់បណ្តឹងទាស់ជាបន្តបន្ទាប់ ដើម្បីបន្លាយនីតិវិធី៕
ក្រមនីតិវិធី រដ្ឋប្បវេណី
អង្គកុលបុត្រ
និស្សិតសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ច
0 Comments