ក្រុមមានការចាត់តាំង(មាត្រា៧៧ក្រមព្រហ្មទណ្ឌ)
ក្រុមមានការចាត់តាំងគឺជាការប្រមូលផ្តុំដែលបានបង្កើតឡើង ឬជាសន្ទិដ្ឋភាពបានធ្វើឡើង ដើម្បីត្រៀមរៀបចំ ឬប្រព្រឹត្តបទល្មើសមួយឬ ច្រើន។
ការគិតទុកជាមុន (ម ៧៨)
ការគិតទុកជាមុន គឺជាគម្រោងដែលបង្កើត ឡើងមុនសកម្មភាពប្រព្រឹត្តបទល្មើស។
ការកាប់គាស់ទម្លុះទម្លាយ
ការកាប់គាស់ទម្លុះទម្លាយគឺជាអំពើបង្ខំធ្វើ ឲ្យខូចខាត ឬបំផ្លិចបំផ្លាញគ្រឿងបិទទ្វារ ឬរបងទោះបីមានប្រភេទយ៉ាងណាក៏ដោយ។
ត្រូវចាត់ទុកដូចជាការកាប់គាស់ទម្លុះទម្លាយ ៈ
១ -ការប្រើប្រាស់កូនសោក្លែង។
២ ការប្រើប្រាស់កូនសោដែលបានមកដោយ ឧបាយកលទុច្ចរិត។
៣ ការប្រើប្រាស់ឧបករណ៍ដើម្បីធ្វើ ឲ្យគ្រឿងបិទមានដំណើរការដោយគ្មានការបង្ខំ ការខូចខាត ឬការបំផ្លិចបំផ្លាញទេ។
ការផ្លោះរបងចូល
ការផ្លោះរបងចូលគឺជាអំពើចូលទៅក្នុងទី កន្លែងណាមួយដោយឆ្លងរបង ឬដោយចូល តាមទ្វារ ឬបង្អួច ដែលមិនមែនសម្រាប់ធ្វើជា ផ្លូវចូលទេ។
អាវុធ និងវត្ថុដែលត្រូវបានចាត់ទុកដូចអាវុធ
អាវុធគឺជាវត្ថុទាំងអស់ដែលធ្វើឡើងដើម្បី សម្លាប់ ឬធ្វើ ឲ្យមានរបួស។
ត្រូវបានចាត់ទុកដូចជាអាវុធ វត្ថុដទៃទៀត ដែលអាចធ្វើ ឲ្យមានគ្រោះថ្នាក់ដល់មនុស្ស នៅក្នុងករណីដូចតទៅ:
១-វត្ថុត្រូវបានប្រើប្រាស់សម្រាប់សម្លាប់ធ្វើ ឲ្យរបួស ឬគំរាមកំហែង។
២-វត្ថុមានទីដៅសម្រាប់សម្លាប់ ធ្វើ ឲ្យ មានរបួស ឬគំរាមកំហែង។
ការប្រើប្រាស់សត្វដើម្បីសម្លាប់ធ្វើ ឲ្យ របួស ឬគំរាមកំហែងត្រូវចាត់ទុកដូចបានប្រើ ប្រាស់អាវុធដែរ។
ការពួនស្ទាក់
ការពួនស្ទាក់គឺជាអំពើឃ្លាំចាំជនរងគ្រោះ នៅទីកន្លែងណាមួយក្នុងរយៈពេលមួយរយៈ ដើម្បីប្រព្រឹត្តបទល្មើស។
អនុភាពនៃការមិនរាងចាល
ការមិនរាងចាលមានអនុភាពនាំ ឲ្យមាន ការបន្ថែមទំងន់អតិបរមានៃទោសដាក់ពន្ធនា គារចំពោះបទល្មើសឧក្រិដ្ឋ ឬមជ្ឃិមនៅក្នុង លក្ខខណ្ឌដែលមានចែងដោយកថាភាគនេះ.
លក្ខខណ្ឌនៃការមិនរាងចាល
ការមិនរាងចាលត្រូវបានកើតក្នុងករណីណា មួយដូចតទៅ:
១-កាលបើបុគ្គលណាម្នាក់ដែលត្រូវបាន ផ្តន្ទាទោសជាស្ថាពររួចហើយពីបទឧក្រិដ្ឋ បុគ្គល នោះបានប្រព្រឹត្តបទឧក្រិដ្ឋថ្មីទៀតនៅក្នុងរយៈ ពេល១០ឆ្នាំ។
២-កាលបើបុគ្គលណាម្នាក់ដែលត្រូវបាន ផ្តន្ទាទោសជាស្ថាពររួចហើយពីបទឧក្រិដ្ឋបុគ្គល នោះបានប្រព្រឹត្តបទមជ្ឈិមក្នុងរយៈពេល៥ ឆ្នាំ។
៣-កាលបើបុគ្គលណាម្នាក់ដែលត្រូវបាន ផ្តន្ទាទោសជាស្ថាពររួចហើយពីបទមជ្ឈិមដោយ ត្រូវជាប់ពន្ធនាគារស្មើ ឬលើសពី៣ឆ្នាំបុគ្គល នោះបានប្រព្រឹត្តបទឧក្រិដ្ឋក្នុងរយៈពេល៥ឆ្នាំ។
៤-កាលបើបុគ្គលណាម្នាក់ដែលត្រូវបាន ផ្តន្ទាទោសជាស្ថាពររួចហើយពីបទមជ្ឈិមបុគ្គល នោះបានប្រព្រឹត្តបទមជ្ឈិមដែលនៅក្នុងរយៈ ពេល៥ឆ្នាំ។
រយៈពេល១០ឆ្នាំនិង៥ឆ្នាំចាប់ផ្តើមគិតពីថ្ងៃ ដែលសេចក្តីសម្រេចផ្តន្ទាទោសចំពោះបទល្មើស ទី១ចូលជាស្ថាពរ៕
អង្គ កុលបុត្រ
និស្សិតសាកលវិទ្យាល័យភូមិន្ទនីតិសាស្ត្រ និង វិទ្យាសាស្ត្រសេដ្ឋកិច្ច
0 Comments