រដ្ឋមន្ត្រីការបរទេសរុស្ស៊ី លោកសឺហ្កេឡាវរ៉ូវ (Sergei Lavrov) បានចោទប្រកាន់សហរដ្ឋអាមេរិក នៅថ្ងៃច័ន្ទថា កំពុងធ្វើឲ្យមជ្ឈិមបូព៌ាធ្លាក់ចូលទៅក្នុងភាពវឹកវរ និងជំរុញឲ្យមានការកើនឡើងដល់ពួកជ្រុលនិយម ដោយសារតែយុទ្ធនាការរបស់ខ្លួនដើម្បីលប់លើពិភពលោកនោះ។
លោកឡាវរ៉ូបានធ្វើការរិះគន់យ៉ាងខ្លាំក្លាចំពោះនយោបាយរបស់ក្រុងវ៉ាស៊ីងតោន នៅក្នុងការជជែកដេញដោលពិសេសមួយរបស់ក្រុមប្រឹក្សាសន្តិសុខអ.ស.ប ស្តីពីការរក្សាសន្តិសុខ និងសន្តិភាពអន្តរជាតិ។
រដ្ឋមន្រ្តីការបរទេស បានលើកឡើងពីការវាយប្រហារតាមអាកាស ដឹកនាំដោយសហរដ្ឋអាមេរិក នៅក្នុងប្រទេសស៊ីរី ការលុកលុយប្រទេសអ៊ីរ៉ាក់ ឆ្នាំ២០០៣ និងការធ្វើអន្តរាគមន៍យោធា ឆ្នាំ២០១១ នៅក្នុងប្រទេសលីប៊ីថា ជាឧទាហរណ៍នៃការរំលោភលើគោលការណ៍ជាមូលដ្ឋានរបស់អ.ស.ប។
លោកឡាវរ៉ូវបាននិយាយប្រាប់ក្រុមប្រឹក្សា ដែលមានសមាជិក១៥ប្រទេសថា បញ្ហាទាំងអស់នេះគឺបង្ហាញឲ្យឃើញការប៉ុនប៉ង ដើម្បីលប់លើកិច្ចការសាកលគ្រប់គ្រងទាំងអស់ គ្រប់ទីកន្លែង ប្រើកម្លាំងយោធា ដោយឯកតោភាគី ដើម្បីតែផលប្រយោជន៍របស់មនុស្សម្នាក់។
លោកនិយាយថា «បញ្ហាទាំងនេះ បានជំរុញឲ្យមជ្ឈិមបូព៌ា និងអាហ្រ្វិកខាងជើងធ្លាក់ចូលទៅភាពវឹកវរ និងអស្ថិរភាព៕
0 Comments