ភ្នំពេញ ៖ បុរសម្នាក់បានបើករថយន្តថយមិនប្រយ័ត្ន ក៏កិនកូនខ្លួនឯងដែលមានអាយុទើបតែ១ឆ្នាំបណ្ដាលឲ្យស្លាប់ភ្លាមៗយ៉ាងអាណោចអាធ័ម។
ហេតុការណ៍នេះបានកើតឡើងនៅវេលាម៉ោង២០យប់ថ្ងៃទី២៦ ខែកក្កដា ឆ្នាំ២០១៥ នៅចំណុចផ្ទះលេខ៤៤៤ ភូមិតាងួន សង្កាត់កាកាប ខណ្ឌពោធិ៍សែនជ័យ។
ក្មេងរងគ្រោះមានឈ្មោះមៃ ហ័រ ភេទស្រីអាយុ១ឆ្នាំ ហើយឪពុករបស់នាងមានឈ្មោះជាជុំ អាយុ៣៣ឆ្នាំ ម្ដាយឈ្មោះ សួន ម៉ាលីនដា អាយុ៣៥ឆ្នាំមុខរបរលក់ដូរ។ ចំណែករថយន្តពាក់ស្លាកលេខ2L3949PP LUXUS RX300ពណ៌ស្ករ។
យោងតាមរបាយការណ៍របស់សមត្ថកិច្ចបញ្ជាក់ថា មុនពេលកើតហេតុបុរសជាឪពុកបានដឹកកូន២នាក់បំណងចេញទៅក្រៅ ពេលនោះកូនបងឈ្មោះជា សុខហៀង ភេទប្រុស អាយុ៦ឆ្នាំបានបើកទ្វារឡានចុះហើយមិនបានបិទទ្វារវិញបណ្ដាលឲ្យធ្លាក់ក្មេងស្រីរងគ្រោះចូលក្រោមកង់រថយន្ត។ ពេលនោះបុរសជាឪពុកមិនបានចាប់អារម្មណ៍ក៏បានថយឡានបណ្ដាលឲ្យកិនកូនខ្លួនឯងចំក្បាលស្លាប់តែម្ដង៕
ថយរថយន្តមិនប្រយ័ត្នកិនកូនខ្លួនឯងស្លាប់យ៉ាងអាណោចអាធ័ម
0 Comments