ភាគហ៊ុនរបស់ជប៉ុន បានឡើងថ្លៃនៅថ្ងៃព្រហស្បតិ៍ ដែលជំរុញដោយចំណូលខ្លាំងពីក្រុមហ៊ុនទាំងឡាយ ដូចជា Nintendo និង Nissan ជាដើម។ តារាងផ្សារហ៊ុន Nikkei 225 របស់ប្រទេសបានបញ្ចប់នៅចំនួន២០,៥២២.៨៣ចំណុច ឡើង១.១ភាគរយនៅក្នុងថ្ងៃនេះ។
ការវាស់ទិន្នន័យការផលិតឧស្សាហកម្មរបស់ប្រទេសមានចំនួន០.៨ភាគរយ ខ្ពស់ជាង បើប្រៀបធៀបជាមួយនឹងខែមុន។ ភាគហ៊ុននៅ ក្នុងក្រុមហ៊ុនហ្គេម Nintendo បានឡើងចំនួន៨.៣ភាគរយ ចំណែកក្រុមហ៊ុនផលិតរថយន្ដ Nissan បានបិទក្នុងចំនួនឡើង០.៣ភាគរយ បន្ទាប់ពីក្រុមហ៊ុនទាំងពីរនេះបានរាយការណ៍អំពីលទ្ធផលវិជ្ជមាននោះមក។
ប្រាក់ចំណូលរបស់ Mazda មានកម្រិតទាប ប៉ុន្ដែប្រសើរជាងការរំពឹងទុក។ ភាគហ៊ុនរបស់ខ្លួន គឺឡើងជាង៤ភាគរយនៅពេលចប់នៃការជួញដូរ។ ព្រមជាមួយនេះ ក្រុមហ៊ុនអេឡិចត្រូនិកយក្ស Sony បានឃើញប្រាក់ចំណេញសុទ្ធរបស់ខ្លួនកើនឡើង៣ដងនៅក្នុងត្រីមាសពីខែមេសា ដល់ខែមិថុនា ដោយសារការលក់ដ៏ខ្លាំងនូវហ្គេម Play Station 4 និងកាមេរ៉ាតាមដានបម្រែបម្រួលរបស់ខ្លួន។
ភាគហ៊ុនរបស់ចិន ធ្លាក់ទាប បន្ទាប់ពីប្រព័ន្ធផ្សព្វផ្សាយរបស់រដ្ឋបានរាយការណ៍ថា ធនាគារទាំងឡាយពិនិត្យពិច័យការបង្ហាញរបស់ពួកគេចំពោះផ្សារភាគហ៊ុននោះមក។ របាយការណ៍បាននិយាយថា អ្នកផ្ដល់ប្រាក់កម្ចីនេះកំពុងតែពិនិត្យមើលការបង្ហាញរបស់ពួកគេតាមរយៈការគ្រប់គ្រងផលិតផល និងប្រាក់កម្ចីដែលស្របគ្នាជាមួយភាគហ៊ុន។
Shanghai Composite បានបិទក្នុងចំនួនធ្លាក់ចុះ២.២ភាគរយ ទៅដល់៣,៧០៥.៧នោះ បានឡើងទៅដល់ជិតជាង៣ភាគរយខ្ពស់ជាងពីថ្ងៃមុន។ តារាង Hang Seng របស់ហុងកុងបានបញ្ចប់ក្នុងកម្រិតទាប០.៥ភាគរយទៅដល់ចំនួន២៤,៤៩៧.៩៨។ នៅពេញមួយយប់ផ្សារហ៊ុន Federal Reserve របស់អាមេរិក ដែលបានបង្ហាញថា មានភាពវិជ្ជមានថែមទៀតនៅក្នុងសេដ្ឋកិច្ចរបស់អាមេរិកនោះបានអះអាងនូវទស្សនៈថា ទំនងជានឹងបង្កើនអត្រាការប្រាក់នៅឆ្នាំនេះ។ ធនាគារកណ្ដាលរបស់អាេមរិក បាននិយាយថា ខ្លួនបានយល់ព្រមជាឯកច្ឆន្ទដើម្បីរក្សាអត្រាជិតទៅដល់កម្រិតសូន្យនៅខែនេះ ប៉ុន្ដែជឿថា សេដ្ឋកិច្ចស្ថិតនៅលើជំហរកាន់តែខ្លាំង។
នៅអូស្ដ្រាលី ផ្សារហ៊ុន ASX/200 យកគន្លឹះពី Fed និងភាពវិជ្ជមានរបស់ Wall Street។ តារាង Benchmark របស់ប្រទេសបានបញ្ចប់នៅក្នុងថ្ងៃចំនួន០.៨ភាគរយខ្ពស់ជាង គឺក្នុងចំនួន៥,៦៦៩.៥០ ជាមួយក្រុមហ៊ុនរ៉ែ Rio Tinto និង BHP Billiton ទាំងពីរនេះបានបិទក្នុងចំនួនឡើងជាង២ភាគរយ។
នៅទីក្រុងសេអ៊ូល តារាង Kospi បានបិទ ០.៩ភាគរយធ្លាក់ចុះក្នុងចំនួន២,០១៩.០៣ចំណុច។ កូរ៉េខាងត្បូង បានឃើញបច្ចេកវិទ្យា Samsung យក្សរបស់ខ្លួនចេញផ្សាយលទ្ធផលត្រីមាសទី២របស់ខ្លួននៅមុនផ្សារហ៊ុនបើកបន្ដិច។ ប្រាក់ចំណេញសុទ្ធមានចំនួន៨ភាគរយទាបជាង បើប្រៀបធៀបជាមួយរយៈពេលដូចគ្នានេះ នៅក្នុងឆ្នាំមុន។ ភាគហ៊ុនរបស់ Samsung អេឡិចត្រូនិកបានបញ្ចប់ក្នុងកម្រិតធ្លាក់ចុះ៣.៨ភាគរយតាមការផ្សាយព័ត៌មាន៕
BBC News
ភាគហ៊ុនជប៉ុនឡើងថ្លៃ ដោយសារប្រាក់ចំណូលខ្លាំង ពីក្រុមហ៊ុននានា
0 Comments