ទស្សនៈ​ដែល​លើកឡើង​ថា ជំងឺ Alzheimer's អាច​ឆ្លង​បាន​នោះ​កំពុង​តែ​កើន​ឡើង

មនុស្ស​ទាំងឡាយ​ប្រហែល​ជា​អាច​ឆ្លង​ជំងឺ​​ Alzheimer’s ទៅបាន​ អំឡុងពេលនៃ​ប្រតិបត្ដិ​ការ​​វេជ្ជសាស្ដ្រ​​មួយ​ចំនួន​នៅក្នុង​​វិធីដូច​គ្នា​​ដូច​ជា ប្រភេទ​ជំងឺខួរក្បាល CJD អ៊ីចឹងដែរ នេះ​ជា​ការលើកឡើង​ដោយក្រុម​អ្នក​សិក្សាស្រា​វជ្រាវ។

ក្រុម​អ្នកស្រាវជ្រាវ​បាន​ធ្វើ​ការ​ប្រមាណ​មើល​ឃើញ​​យ៉ាង​​នេះ​ដោយចុះ​ផ្សាយ​នៅក្នុង​ព្រឹត្ដិ​បត្រ​ Nature ថា ការឆ្លង​អាច​តាមរយៈ​ឧបករណ៍​​វះកាត់ ឬតាម​រយៈ​ការ​ចាក់ថ្នាំ​ដូចជា ការ​ចាក់​អ័រម៉ូន human growth hormone ដែល​តាម​រយៈ​វិធី​នេះ​ ថ្វីត្បិត​តែ​​វា​កម្រ​កើត​មាន​ ប៉ុន្ដែ​ហានិ​ភ័យ​វិញគឺ​សក្ដានុពល។

ប្រផ្នូល​តាមទ្រឹស្ដី​កើត​មាន​មក​ពី​ដំណាក់​កាល​ក្រោយពេល​​ខួរក្បាល​បានស្លាប់​ (post-mortem brain) ទៅហើយ​ចំពោះ​អ្នកជំងឺ​៨​នាក់។

ក្រុម​អ្នក​ជំនាញ​ឯក​ទេស​ចក្រភពអង់គ្លេស បញ្ជាក់​ដោយសង្កត់ធ្ងន់​ថា ការ​រកឃើញ​​របស់​ពួកគេ​​ គឺមិន​ប្រាកដ​ប្រជា​នោះទេ ហើយក៏​មិន​មែនមានន័យ​ថា Alzheimer’s គឺជា​ប្រភេទ​ជំងឺ​ឆ្លង​នោះដែរ។

ជាការពិតវិញ មនុស្ស​ផង​ទាំង​ឡាយ​មិន​អាច​ឆ្លង​​ Alzheimer’s ពីការ​មានទំនាក់​ទំនង​ប៉ះពាល់​ជា​មួយ​មនុស្ស​ផ្សេងទៀត​ ដែលស្ថិត​នៅ​ក្នុង​អាការៈ​នៃ​ជំងឺ​នេះ​ទេ។

ពេល​ដែលខួរក្បាល​មានកា​រផ្លាស់ប្ដូរ​ប្រែ​ប្រួល

Alzheimer’s គឺជាប្រភេទ​ជំងឺ​បែប​ឆ្កួត​ម្យ៉ាង​​ដែល​កើត​មាន​ជាទូទៅ​ ជាមួយ​ពេល​ដែល​​អាយុ​កាន់តែ​កើន​ឡើង។ មនុស្ស​ផង​ទាំងឡាយ​ដែល​ប្រវត្ដិ​នៃក្រុមគ្រួសារ​ធ្លាប់​កើត​មានជំងឺ​​នេះ គេ​ក៏​​មានការកើន​ឡើង​នៃ​ហានិភ័យ​ក្នុងការ​វិវឌ្ឍ​​ទៅ​រក​​ជំងឺ​បែប​នេះ​ផងដែរ។

ចំពោះ​ជំងឺ Alzheimer’s ដែល​កោសិកា​ខួរ​ក្បាល​ចេះ​តែ​បន្ដងាប់​ទៅ​នោះ វា​នាំ​ឲ្យ​ខួរ​ក្បាល​កាន់តែ​រួញ​តូច ​ដែលនាំ​ឲ្យ​​ប៉ះពាល់​ដល់​មុខ​ងារ​ជាច្រើន​របស់ខួរក្បាល។

ក្រុមអ្នក​វិទ្យាសាស្ដ្រ​អាចមើលឃើញ​ពី​ឥទ្ធិពល​នៃជំងឺ​ Alzheimer’s នោះតាមរយៈ​អតិ​សុខុម​​​ទស្សន៍​ផងដែរ៕

BBC News

ទស្សនៈ​ដែល​លើកឡើង​ថា ជំងឺ Alzheimer's អាច​ឆ្លង​បាន​នោះ​កំពុង​តែ​កើន​ឡើង