ពោធិ៍សាត់ ៖ ស្ត្រីម្នាក់ត្រូវបានរន្ទះបាញ់បណ្ដាលឲ្យស្លាប់កាលពីវេលាម៉ោង១២និង៤៦នាទីរសៀលថ្ងៃទី២២ ខែកញ្ញា ឆ្នាំ២០១៥ ខណៈដើរទៅចម្ការហើយទៅជ្រកក្រោមដើមឈើស្របពេលផ្ទៃមេឃកំពុងធ្លាក់ភ្លៀង។
លោកធៀង ឡេងអធិការដ្ឋាននគរបាលស្រុកវាលវែងបានឲ្យដឹងថា ហេតុការណ៍នេះបានកើតឡើងនៅចំណុចអូរដីខ្មៅ ភូមិចម្ការជ្រៃខាងត្បូង ឃុំអន្លង់រាប ស្រុកវាលវែង ខេត្តពោធិ៍សាត់។
បើតាមការផ្ដល់ព័ត៌មានពីលោកអធិការឲ្យអ្នកឆ្លើយឆ្លងព័ត៌មានកម្ពុជាថ្មីប្រចាំខេត្តពោធិ៍សាត់ថា ស្ត្រីរងគ្រោះមានឈ្មោះឃុន ហៀង ភេទស្រី អាយុ៤៤ឆ្នាំ រស់នៅភូមិឃុំកើតហេតុខាងលើ។ ដោយមុនពេលកើតហេតុនោះគាត់បានទៅចេញពីផ្ទះទៅចម្ការ ក៏ស្របគ្នានោះមានភ្លៀងធ្លាក់ហើយមានផ្គររន្ទះរូបគាត់ក៏ដើរសំដៅ ទៅជ្រកភ្លៀងក្រោមដើមឈើមួយដើមធំ ភ្លាមនោះរន្ទះក៏បាញ់ឆក់យកជីវិតស្ត្រីនោះស្លាប់តែម្ដង៕
រន្ទះបាញ់បានឆក់យកជីវិតស្ត្រីម្នាក់
0 Comments