បន្ទាយមានជ័យ ៖ នៅវេលាម៉ោង៧យប់ថ្ងៃទី២៧ ខែកញ្ញា ឆ្នាំ២០១៥មានភ្លៀងធ្លាក់មួយមេយ៉ាងធំអមទៅដោយខ្យល់កន្ត្រាក់បណ្ដាលឲ្យរបើកស័ង្កសី និងសំយាបផ្ទះប្រជាពលរដ្ឋអស់ចំនួន៦ខ្នងសាលាឃុំ១ខ្នង សាលារៀនតាអុង១ខ្នង រោងម៉ាស៊ីនកិនស្រូវមេឃុំ១ខ្នងក្នុងភូមិជាច្រើន នៅក្នុងឃុំប៉ោយចា ស្រុកភ្នំស្រុក ខេត្តបន្ទាយមានជ័យ។
លោកវរសេនីយ៍ត្រីយ៉ត សុផលអធិការនគរបាលស្រុកភ្នំស្រុកបាននិយាយថា ក្រោយពីមានខ្យល់កន្ត្រាក់បោកបក់មកលើផ្ទះប្រជាពលរដ្ឋនោះមានផ្ទះប្រជាពលរដ្ឋដល់ទៅ៦គ្រួសាររងការខូចខាតអស់ទាំងស្រុង១មានឈ្មោះខ្លូត ឡងឌី ភេទប្រុស អាយុ៣៤ឆ្នាំ រស់នៅក្នុងភូមិត្រពាំងថ្មត្បូងរបើកសំយាបផ្ទះអស់ស័ង្កសី៣០សន្លឹក ២ឈ្មោះឆៅ សំណាង ភេទប្រុស អាយុ៣៥ឆ្នាំរស់នៅក្នុងភូមិត្រពាំងថ្មកណ្ដាលរបើកសំយាបផ្ទះអស់ស័ង្កសី១៥សន្លឹក ៣មានឈ្មោះអ៊ីវ ហឿក ភេទប្រុស អាយុ៤៦ឆ្នាំរស់នៅភូមិត្រពាំងថ្មជើងរបើកស័ង្កសី១០សន្លឹក ៤មានឈ្មោះជុំ ចាន់ ភេទប្រុស អាយុ៤៧ឆ្នាំរស់នៅភូមិត្រពាំងថ្មជើងរបើកអស់ស័ង្កសី១៧សន្លឹក ៥ឈ្មោះធៀម បុផ្ផា ភេទស្រី អាយុ៤៨ឆ្នាំរស់នៅភូមិត្រពាំងថ្មជើងរបើកអស់ស័ង្កសី១០សន្លឹក ៦ឈ្មោះដែង យឹង ភេទប្រុស អាយុ៥៨ឆ្នាំរបើកស័ង្កសីអស់១៧សន្លឹក។ ដោយឡែកឈ្មោះប៉េង ប៊ុនថារ៉ា ភេទប្រុស អាយុ៥៥ភូមិត្រពាំងថ្មត្បូងរោងម៉ាស៊ីនរបើកស័ង្កសីអស់៦០សន្លឹក សាលាឃុំរបើកស័ង្កសីអស់៣៧សន្លឹក និងសាលារៀនបឋសិក្សាតាអុងដើមចាន់រីបាក់សង្កត់ និងរបើកស័ង្កសីអស់៦៥សន្លឹកផងដែរ។
លោកយ៉ត សុផលបាននិយាយបន្តទៀតថា ក្រោយពីកើតហេតុរួចកម្លាំងនគរបាលរបស់លោកមួយក្រុមចុះទៅដល់កន្លែងកើតហេតុ ហើយក៏បានជួយប្រមែប្រមូលផ្ទះ សាលារៀននិងសាលាឃុំដែលត្រូវខ្យល់កន្ត្រាក់វាយរបើកស័ង្កសីឲ្យរបើកខ្នងផ្ទះអស់នោះទុកមួយឡែក ដើម្បីរៀបចំធ្វើសាជាថ្មី។លោកយ៉ត សុផលបាននិយាយបន្តទៀតថា ស្រុកភ្នំស្រុកជាស្រុកមួយរងគ្រោះដោយខ្យល់កន្ត្រាក់ជាញឹកញាប់រយៈពេលកន្លងច្រើនជាងស្រុកផ្សេងៗក្នុងខេត្តបន្ទាយមានជ័យនេះ៕
ផ្ទះប្រជាពលរដ្ឋ៦ខ្នងនិងសម្បត្តិសាធារណមួយចំនួនត្រូវរបើកស័ង្កសីនិងបាក់រលំខ្ទេចដោយសារខ្យល់កន្ត្រាក់
0 Comments