សៀមរាប ៖ ផ្ទះប្រជាពលរដ្ឋ១ខ្នងមាន៥បន្ទប់ធ្វើពីឈើលើថ្មក្រោមទំហំ៨មគុណនឹង២០មត្រូវបានអគ្គីភ័យឆាបឆេះអស់ទ្រព្យសម្បត្តិមួយចំនួន រីឯមូលហេតុនោះគឺបណ្ដាលមកពីទុស្សេខ្សែភ្លើង។
ហេតុការណ៍នេះកើតឡើងនៅវេលាម៉ោង១៩និង៣០នាទីយប់ថ្ងៃទី៣០ ខែវិច្ឆិកា ឆ្នាំ២០១៥ស្ថិតក្នុងភូមិបន្ទាយចាស់ សង្កាត់ស្លក្រាម ក្រុង/សៀមរាប ទល់មុខសណ្ឋាគារ សេរីភាព។
លោក សូរ ប្លាតុង អភិបាលក្រុងសៀមរាបបានឲ្យដឹងថា ម្ចាស់ផ្ទះមានឈ្មោះ ឆៃ សុខប៊ុនធឿន មុខរបរដឹកភ្ញៀវ ស្ថិតនៅភូមិបន្ទាយចាស់ សង្កាត់ស្លក្រាម ក្រុងសៀមរាប សរុបការខូចខាត បន្ទប់ជួល១ទំហំ៣មគុណនឹង៤ និងសម្ភារៈក្នុងបន្ទប់មួយចំនួន។
លោកបន្តថា មូលហេតុដែលបណ្ដាលឲ្យមានការឆាបឆេះនេះគឺបណ្ដាលមកពីទុស្សេខ្សែភ្លើង។ នៅកន្លែងកើតហេតុក៏មានវត្តមាន លោក នូ ផល្លា ប្រធានក្រុមប្រឹក្សាខេត្តលោកអភិបាលខេត្ត និងកងកម្លាំងប្រដាប់អាវុធចុះមកជួយអន្តរាគមន៍ផងដែរ។
លោកបន្ថែមថា នៅក្នុងហេតុការណ៍ពន្លត់អគ្គីភ័យនេះសមត្ថកិច្ច ប្រើប្រាស់រថយន្តពន្លត់ចំនួន២គ្រឿង ទើបអាចជួយពន្លត់បានដោយជោគជ័យ និងមិនមានរាលដាលដល់ផ្ទះជិតខាងនោះទេ៕
អគ្គីភ័យមួយ បានឆាបឆេះផ្ទះ១ខ្នងនៅកណ្ដាលក្រុងសៀមរាប
0 Comments