កណ្តាល ៖ ចោរអស់លក្ខណ៍ស៊យធំម្នាក់ ត្រូវនគរបាលចាប់វាយខ្នោះ ខណៈដែលធ្វើសកម្មភាពលួចម៉ូតូ១គ្រឿងបានសម្រេចហើយ តែ បញ្ឆេះមិនឆេះ។
ហេតុការណ៍នេះអំពើលួចនោះបានកើតឡើងនៅថ្ងៃទី២៩ កក្កដា ឆ្នាំ២០១៨ ម៉ោង០៤និង៥០នាទី នៅចំណុចផ្ទះជួលភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
នគរបាលក្រុងតាខ្មៅបានឲ្យដឹងថា ជនរងគ្រោះឈ្មោះ អីុ លីនណា ភេទស្រី អាយុ២២ឆ្នាំ បច្ចុប្បន្នស្នាក់នៅផ្ទះជួលកើតហេតុខាងលើ។ ទីលំនៅអចិន្ត្រៃយ៍ភូមិក្រាំងឃ្នង ឃុំស្រង់ ស្រុកគងពិសី ខេត្តកំពង់ស្ពឺ មុខរបរបម្រើការងារនៅហាងថោនឈៀវ។
ជនល្មើសឈ្មោះសេន ម៉ាប់ ភេទប្រុស អាយុ២៥ឆ្នាំ ទីលំនៅអចិន្ត្រៃយ៍ភូមិខ្លែងគង់ ឃុំកំពង់រាប ស្រុកព្រៃកប្បាស ខេត្តតាកែវ បច្ចុប្បន្នស្នាក់នៅក្រោមស្ពានភូមិតាខ្មៅ១ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរមិនពិតប្រាកដ។
សាក្សីបានឲ្យដឹងថា កាលពីវេលាកើតហេតុខាងលើ ជនរងគ្រោះបានទុកម៉ូតូនៅផ្លូវដើរជាប់ចំហៀងខាងជើងផ្ទះជួលដោយពុំចាក់សោរកទេព្រោះម៉ូតូខូចប្រហែលកន្លះខែមកហើយ ហើយម្ចាស់បានឡើងទៅសំរាកនៅលើផ្ទះជួលជាន់ទីពីរបាត់ទៅ ស្រាប់តែជនល្មើសបានធ្វើសកម្មភាពលួចអូសចេញ បណ្តើរមកដល់ត្រង់ចំណុចហាងសេះសស្ថិតក្នុងភូមិតាខ្មៅសង្កាត់តាខ្មៅ ក៏ត្រូវកម្លាំងសមត្ថកិច្ចល្បាតឃើញឃាត់ខ្លួនបញ្ជូនមកកាន់អធិការដ្ឋាននគរបាលក្រុងតាខ្មៅដើម្បីចាត់ការតាមនីតិវិធី៕
Source: Kampuchea Thmey Daily
0 Comments