ព្រះសីហនុ ៖ បន្ទាប់ពីជំនន់ទឹកភ្លៀងដែលជនលិចភូមិឋាន ផ្ទះ និងផលដំណាំនិងផ្លូវជាតិលេខ៤ បានស្រកអស់នោះ នៅព្រឹកថ្ងទី២៥ ខែកក្កដា ឆ្នាំ២០១៨ លោក យន្ត មីន អភិបាលខេត្តព្រះសីហនុ ដឹកនាំមន្ត្រីរាជការ និងកងកម្លាំងប្រដាប់អាវុធ ជាច្រើននាក់ ចុះទៅពិនិត្យមើលស្ថានភាពជាក់ស្តែងនៅក្នុងភូមិអូរបាក់រទេះឃុំអូរបាក់រទេះ ស្រុកកំពង់សិលា ព្រមទាំងការងារបង្កបង្កើនផលរបស់បងប្អូនប្រជាពលរដ្ឋនៅតំបន់នោះផងដែរ។
នៅក្នុងឱកាសនោះដែរ លោក យន្ត មីន ក៏បានចូលរួមជួយស្ទូងស្រូវ របស់បងប្អូនប្រជាកសិករ ស្ថិតនៅក្នុងភូមិវាល ភូមិថ្មីនិងភូមិចាំស្រី ឃុំកំពង់សិលា ស្រុកកំពង់សិលា ខេត្តព្រះសីហនុ ព្រមទាំងជួយដោះស្រាយពូជស្រូវស្រាលចំនួន៥តោន ជូនប្រជាពលរដ្ឋនៅក្នុងតំបន់ជំនន់ទឹកភ្លៀង ដែលបណ្តាលឲ្យទទួលរងនូវការខូចខាត សំណាប សន្ទូងចំនួន៥៥ហិកតា នៅក្នុងភូមិចំនួន៣ ភូមិថ្មី ភូមិវាល និងភូមិចាំស្រី ក្នុងស្រុកកំពង់សិលា ដើម្បីឲ្យប្រជាពលរដ្ឋយកទៅសាប ព្រោះ ស្ទូងឲ្យទាន់ដើមរដូវវស្សា។
សូមបញ្ជាក់ផងដែរថា ជំនន់ទឹកភ្លៀងបានជន់លិចផ្លូវជាតិលេខ៤ ចាប់ពីថ្ងៃទី១៧ដល់ថ្ងៃទី២០ ខែកក្កដានៅចំណុចស្ពានស្ទឹងសំរោង ចន្លោះគីឡូម៉ែត្រលេខ១១៥/១១៦ ក្នុងភូមិសាស្ត្រ ឃុំអូរបាក់រទេះ ស្រុកកំពង់សីលា ខេត្តព្រះសីហនុ៕
Source: Kampuchea Thmey Daily
0 Comments