ភ្នំពេញ ៖ នារីវ័យក្មេង ម្នាក់ ត្រូវក្រុមចោរធ្វើសកម្មភាព វាយ ប្លន់យកខ្សែក និងទូរស័ព្ទដៃ កាលពី វេលាម៉ោង ៩ យប់ថ្ងៃទី១៧ ខែតុលា ឆ្នាំ២០១៨ នៅចំណុចអាគារ ទី៥បុរីកីឡា ជាន់ទី២ ស្ថិតនៅក្នុងសង្កាត់វាលវង់ ខណ្ឌ ៧មករា រាជធានីភ្នំពេញ បានសម្រេច ដោយសុវត្ថិភាព។
នារី រងគ្រោះខាងលើ មានអាយុ១៧ឆ្នាំ បានរងរបួសត្រង់ក្បាលនិងមាត់ រួមទាំង បាត់បង់ទ្រព្យសម្បត្តិរួមមាន ខ្សែករមាសមួយខ្សែ លុយមួយចំនួន និងទូរស័ព្ទ iphone មួយគ្រឿង។
សាក្សីបានឲ្យដឹងថា មុនកើតហេតុ គេឃើញនារីរងគ្រោះ បានចុះមកទិញអីញ៉ាំនៅខាងក្រោមនៅចំណុចអាគារ ទី៥បុរីកីឡា ហើយក៏ឡើងទៅវិញ ដើរជិតដល់បន្ទប់ទៅហើយ ក៏ត្រូវបានជនសង្ស័យ២នាក់ ធ្វើសកម្មភាពចាប់ច្របាច់ក បោកក្បាលនឹងជញ្ជាំង ហើយក៏បានធ្វើសកម្មភាព ប្លន់យកទ្រព្យសម្បត្តិរបស់នារីរងគ្រោះ រួចរត់គេចខ្លួនបាត់ស្រមោលតែម្តង ។
ក្រោយកើតហេតុ នារី រងគ្រោះខាងលើក៏បានស្រែកអោយ ប្រជាពលរដ្ឋនៅក្បែរនោះជួយ ភ្លាមនោះទើបឃើញមានសមត្ថកិច្ចមូលដ្ឋាន ចុះមកកន្លែងកើតហេតុ នាំ នារីរងគ្រោះខាងលើទៅប៉ុស្តិ៍ ដើម្បីដាក់ពាក្យបណ្តឹង និងកំណត់មុខសញ្ញា តាមចាប់មកផ្ដន្ទាទោសតាមផ្លូវច្បាប់៕
Source: Kampuchea Thmey Daily
0 Comments