ភ្នំពេញ ៖ សំណុំរឿងបុរសជនជាតិចិន៤នាក់ដឹកនាំបុរស ស្ត្រី ជនជាតិថៃ២៥នាក់ប្រព្រឹត្តអំពើកំហែងយក និងបទឆបោកជនជាតិថៃជាច្រើននាក់នៅលើទឹកដីកម្ពុជា ត្រូវបានបិទបញ្ចប់សវនាការហើយនាថ្ងៃទី១៨ ខែតុលា ឆ្នាំ២០១៨ ប៉ុន្តែប្រធានក្រុមប្រឹក្សាជំនុំជម្រះ បានលើកពេលទៅប្រកាសសាលក្រមនៅថ្ងៃទី២៥ ខែតុលា ឆ្នាំខាងមុខ។
ពួកជនជាប់ចោទទាំង២៩នាក់ ត្រូវបានបញ្ជូនពីមន្ទីរឃុំឃាំងមកកាន់តុលាការដើម្បីបន្តការកាត់ទោស។
កាលពីថ្ងៃទី០៥ ខែតុលា ឆ្នាំ២០១៨ ពួកជនជាប់ទាំង២៩នាក់ ត្រូវបានបញ្ជូនមកកាត់ទោសម្ដងរួចមកហើយ តែតុលាការទើបតែបានសាកសួរជនជាប់ចោទបានមួយចំនួនប៉ុណ្ណោះ ហើយក៏បានពន្យារសវនាការមកថ្ងៃទី ១៨តុលានេះ។
ជនត្រូវចោទទាំង២៩នាក់រួមមានឈ្មោះ ១ chen thungshuo ហៅកូយ ភេទប្រុស ជនជាតិចិនតៃវ៉ាន់ ។
ទី២ឈ្មោះ lai chiensyuan ភេទប្រុស ជនជាតិចិនតៃវ៉ាន់ ។
ទី៣ឈ្មលះ FU chi jic ភេទប្រុស ជនជាតិចិនតៃវ៉ាន់ ។
ទី៤ឈ្មោះ Lin ruining ភេទប្រុស ជនជាតិចិនតៃវ៉ាន់ ។
ទី៥ឈ្មោះ នុន ថារ៉ាត់សេចាវ ភេទប្រុស ជនជាតិថៃ ។
ទី៦ឈ្មោះ សូ រ៉ាសាក់ភេទប្រុស ជនជាតិថៃ ។
ទី៧ឈ្មោះ ប្រ៊ីឆា ខាំផា ភេទប្រុស ជនជាតិថៃ ។
ទី៨ឈ្មោះ ប្រាក់ ផានសៀឌីប ភេទប្រុស ជនជាតិថៃ ។
ទី៩ឈ្មោះ ថេត ឆា ថាវ៉ាត់ភេទប្រុស ជនជាតិថៃ ។
ទី១០ឈ្មោះ សេនចៃ ឈុំអាក់ថៃ ភេទប្រុស ជនជាតិថៃ ។
ទី១១ អាក់ រ៉ុងកន ថ៉ាទីនអ៊ីន ភេទប្រុស ជនជាតិថៃ ។
ទី១២ សូរៈ ឆាតសាក់សូ ភេទប្រុស ជនជាតិថៃ ។
ទី ១៣ ឈ្មោះ សាក់ម៉ាន ផេងធី ភេទប្រុស ជនជាតិថៃ ។
ទី១៤ឈ្មោះ ស៊ូបាក ខានុនម៉ាត ភេទប្រុស ជនជាតថៃ ។
ទី ១៥ ឈ្មោះ ខុមសាក់ វីឆាដេត ភេទប្រុស ជនជាតិថៃ ។
ទី ១៦ ឈ្មោះ សារិន ឡៅយ៉ាង ភេទប្រុស ជនជាតិថៃ ។
ទី ១៧ឈ្មោះ ផូ គីន ភេទប្រុស ជនជាតិថៃ ។
ទី ១៨ឈ្មោះ សូភូត សែងវ៉ាក់ ភេទប្រុស ជនជាតិថៃ ។
ទី ១៩ឈ្មោះ ភីត ធីយ៉ាក់ ភទប្រុស ជនជាតិថៃ ។
ទី ២០ ឈ្មោះ ឆៃយ៉ាត់ ឡោយីប៉ា ភេទប្រុស ជនជាតិថៃ ។
ទី ២១ឈ្មោះ ប្រាក់ សិតលីលី ភេទប្រុស ជនជាតិថៃ ។
ចំណែកស្ត្រីជនជាតិថៃផ្សេងទៀត តុលាការមិនទាន់បង្ហាញអត្តសញ្ញាណនៅឡើយ ។
លោកកោ វណ្ណឌី ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ លោកស្រី ស៊ឺ វណ្ណនី ជាតំណាងអយ្យការបានសម្រេចចោទប្រកាន់ជនជាប់ចោទទាំង២៩នាក់ពីបទកំហែងយក និងបទឆបោកមានស្ថានទម្ងន់ទោស ប្រព្រឹត្តកាលពីអំឡុងខែកុម្ភៈ ឆ្នាំ២០១៨ ក្នុងរាជធានីភ្នំពេញ។
ប្រឈមមុខបទចោទប្រកាន់ខាងលើនេះ នាថ្ងៃសវនាការទី ១ ក្រុមប្រឹក្សាជំនុំជម្រះតុលាការទើបតែបានសាកសួរពួកក្រុមបុរសជនជាតិចិន៤នាក់ដែលជាមេខ្លោង និងក្រុមបុរសជនជាតិថៃចំនួន៤នាក់តែប៉ុណ្ណោះ។ ចំណែកជនជាប់ចោទដទៃៗទៀត តុលាការមិនទាន់បានសាកសួរនៅឡើយ។
ក្នុងសវនាការ ពួកបុរសជនជាតិចិន ដែលជាមេខ្លោងមិនបានសារភាពថា ពួកគេជាអ្នកបញ្ជាអោយមានការគំរាមកំហែង និងឆបោកជនជាតិថៃរាប់សិបនាក់តាមរយៈទូរស័ព្ទនិងប្រព័ន្ធអ៊ីនធើណែតនោះទេ។
ចំណែកពួកបុរសជនជាតិថៃចំនួន៤នាក់បានសារភាពថា ពួកគេបានមកដល់ស្រុកខ្មែរតាមរយៈជនជាតិចិនឈ្មោះអាកួយ ហើយពេលមកដល់ភ្នំពេញអាកួយបានដកយកលិខិតឆ្លងដែនពួកគេទុកហើយចាក់សោផ្ទះមិនអោយចេញទៅណាទេ ហើយត្រូវធ្វើការតាមក្រុមដែលពួកជនជាតិចិនបានរៀបចំអោយ ដោយខ្លះត្រូវដើរតួជាសមត្ថកិច្ចផ្នែកប្រៃសណីយ៍ ហើយខ្លះត្រូវដើរតួជាប៉ូលិសតែម្ដង ហើយខ្លះទៀតជាអ្នកបញ្ចូលទិន្នន័យលេខទូរស័ព្ទជនជាតិថៃរាប់ពាន់លេខ ។
បន្ទាប់មកកិច្ចការពួកគេត្រូវធ្វើគឺទូរស័ព្ទចូលទៅលេខជនរងគ្រោះហើយនិយាយតាមស្គ្រីបថា ឈ្មោះរបស់អ្នកឯកត្រូវបានរកឃើញនៅក្នុងកញ្ចប់បញ្ញើដែលខុសច្បាប់ ដូច្នេះអ្នកឯងត្រូវទាក់ទងមកមន្ត្រីប្រៃសណីយ៍ដើម្បីដោះស្រាយ។
បន្ទាប់មកទៀតពួកគេដែលដើរតួជាមន្ត្រីប៉ូលិសនៅផ្នែកប្រៃសណីបានកំណត់អោយជនរងគ្រោះបង់តម្លៃមួយដើម្បីកុំអោយមានបញ្ហាជាមួយពួកគេ ។
សរុបចម្លើយរបស់ជនជាតិថៃទាំងស្រីទាំងប្រុស២៥នាក់ ពួកគេសុទ្ធតែបញ្ជាក់ថា ពួកគេមកធ្វើការងារជំរិតទារប្រាក់នេះតាមការបង្គាប់បញ្ជារបស់ជនជាតិចិន៤នាក់ជាមេខ្លោងនេះ ហើយបើពួកគេចង់រត់ចេញក៏មិនបានដែរ ព្រោះពួកគេចាក់សោទ្វារមិនអោយចេញទៅណាបាន ហើយថែមទាំងដកយកលិខិតឆ្លងដែនទុកទៀតផង។
ក្រោយបញ្ចប់សវនាការលោកស្រីស៊ឺ វណ្ណនី ជាតំណាងអយ្យការបានសម្រេចរក្សាបទចោទប្រកាន់លើជនជាប់ចោទទាំង២៩នាក់ពីបទកំហែងយក និងបទឆបោកមានស្ថានទម្ងន់ទោស ហើយស្នើអោយចៅក្រមផ្ដន្ទាទោសតាមច្បាប់៕
Source: Kampuchea Thmey Daily
0 Comments