តុលាការកំពូលនៃប្រទេសឥណ្ឌាបានសម្រេចថា ខ្លួនគ្មានអំណាចក្នុងការឃុំខ្លួនបុរសម្នាក់ ក្មេងជាងគេបំផុតដែលបានផ្តន្ទាទោសនៃការរំលោភបូកសម្លាប់ឆ្នាំ២០១២នៅលើឡានក្រុង Delhi បាននោះទេ។ បុរសម្នាក់នេះត្រូវបានដោះលែងពីគុក ខណៈពេលដែលពលរដ្ឋឥណ្ឌាបានចេញមកធ្វើការតវ៉ាតាមដងផ្លូវ។
បុរសរូបនេះគឺមានអាយុត្រឹមតែ១៨ឆ្នាំប៉ុណ្ណោះ នៅពេលនៃការកាត់ទោស។ លោកត្រូវជាប់ទោសបីឆ្នាំហើយ បច្ចុប្បន្នកំពុងត្រូវបានគេផ្តល់កន្លែងឲ្យស្នាក់នៅ។
ប៉ូលិសបានរាយការណ៍ថា លោកជាអ្នកប្រើអំពើហិង្សាឃោរឃៅបំផុតក្នុងចំណោមអ្នកវាយប្រហារដែលបានចាប់រំលោភស្ត្រីម្នាក់ចំនួនពីរដង នៅពេលដែលនាងបានសន្លប់ ហើយបើយោងតាមរបាយការណ៍របស់ប៉ូលិសបានឲ្យដឹងថា គាត់បានហែកពោះវៀនរបស់នាងចេញដោយដៃទទេរបស់គាត់។
ក្រុមបាតុករដែលដឹកនាំដោយឪពុកម្ដាយរបស់ជនរងគ្រោះបានធ្វើការតវ៉ាកាលពីថ្ងៃអាទិត្យក្នុងទីក្រុង Delhi ដោយបង្ហាញពីការខកចិត្តចំពោះការអត់ឱនដល់បទឧក្រិដ្ឋនេះ ដែលបានបង្កឲ្យមានកំហឹងនៅក្នុងប្រទេសឥណ្ឌា និងបានចោទជាបញ្ហានៃការរំលោភសេពសន្ថវៈក្នុងប្រទេសនេះ។
ការវាយប្រហារនេះបានកើតឡើងនៅលើរថយន្តក្រុងមួយគ្រឿង ដែលកំពុងធ្វើដំណើរនៅទីក្រុង Delhi ក្នុងឆ្នាំ ២០១២។ នាង Jyoti Singh ជានិស្សិតម្នាក់អាយុ២៣ឆ្នាំត្រូវបានរំលោភដោយហិង្សាពីសំណាក់ក្រុមបុរសចំនួនប្រាំមួយនាក់។
ពីរសប្ដាហ៍ក្រោយមកនាង Singh បានស្លាប់នៅក្នុងមន្ទីរពេទ្យមួយដោយរបួសខាងក្នុង។
អំពើហិង្សានៃការវាយប្រហារនេះបានទាញយកការយកចិត្តទុកដាក់ពីសំណាក់ពិភពលោក ។
ប្រទេសឥណ្ឌាបានណែនាំច្បាប់រំលោភសេពសន្ថវៈតឹងរ៉ឹងជាងមុន ដើម្បីជាការឆ្លើយតបចំពោះការរិះគន់ និងបានអំពាវនាវឲ្យមានការកាត់ទោសប្រហារជីវិត។
ការជាប់ទោសជាអតិបរមាសម្រាប់ការចាប់រំលោភនៅប្រទេសឥណ្ឌាកាលពីលើកមុនគឺមានរយៈពេល១០ឆ្នាំ ប៉ុន្តែត្រូវបានបង្កើនដល់២០ឆ្នាំ។ ការលួចមើលគេរួមរក្ស ការឈ្លបចាប់ និងការជួញដូរស្ត្រីគឺត្រូវជាប់បទល្មើស។
បុរសចំនួនបួននាក់ក្នុងចំណោមនោះត្រូវបានកាត់ទោសប្រហារជីវិត ខណៈដែលបុរសទីប្រាំបានស្លាប់នៅក្នុងគុក។ វាត្រូវបានគេសង្ស័យថា តើវាជាករណីអត្តឃាត ឬឃាតកម្ម។
គួរបញ្ជាក់ថា និស្សិតប្រមាណជា២០០០០នាក់នៅទីក្រុង Bangalore បានចូលរួមនៅក្នុងយុទ្ធនាការចុះហត្ថលេខាមួយកាលពីព្រឹកថ្ងៃចន្ទ ដើម្បីតវ៉ាប្រឆាំងនឹងការដោះលែងអ្នករំលោភក្មេងស្រីនេះ។
សហភាពនិស្សិតជាតិនៃប្រទេសឥណ្ឌាសង្ឃឹមថា នឹងរៀបចំឲ្យមានការតវ៉ាកាន់តែច្រើននៅជុំវិញប្រទេសឥណ្ឌា៕
RT
ផ្ទុះកំហឹងក្នុងទីក្រុង New Delhi នៅពេលដែលតុលាការកំពូលសម្រេចមិនបន្តកាត់ទោសអ្នករំលោភក្មេងស្រី
0 Comments