ព្រះសីហនុ ៖ សិស្សសាលាស្រី២នាក់ ជិះម៉ូតូឌុបគ្នា ត្រូវរថយន្តបើកបុកចំពីមុខក្នុងទិសដៅបញ្ច្រាសគ្នា បណ្ដាលឲ្យប៉ើងផ្លោងធ្លាក់ចូលប្រឡាយស្លាប់ម្នាក់នៅកន្លែងកើតហេតុ និងម្នាក់ទៀតរងរបួសធ្ងន់។
ក្នុងករណីគ្រោះថ្នាក់ចរាចរណ៍នេះបានកើតឡើងនៅម៉ោងជិត១០ព្រឹក ថ្ងៃទី២២ ខែធ្នូ នៅលើផ្លូវជាតិលេខ៤ ចន្លោះគីឡូ២១២-២១៣ ស្ថិតក្នុងភូមិពូធឿង ឃុំបិត្រាំងស្រុកព្រៃនប់ ខេត្តព្រះសីហនុ។
រថយន្តបង្កម៉ាកអេស្កាលេត ពណ៌ខ្មៅ ពាក់ស្លាកលេខភ្នំពេញ ២U៦៩៦៩ ទិសដៅពីភ្នំពេញមកក្រុងព្រះសីហនុ អ្នកបើកបរបានរត់គេចខ្លួនបាត់។ ចំណែកម៉ូតូជនរងគ្រោះម៉ាកស្កូពី ពណ៌.ស គ្មានស្លាកលេខ បើកបរដោយឈ្មោះ កុយ អេងលី ភេទស្រី អាយុ១៧ឆ្នាំ ស្លាប់នៅកន្លែងកើតហេតុនិងមានទីលំនៅក្រុង-ខេត្តព្រះសីហនុ និងអ្នករួមដំណើរពីក្រោយម្នាក់ទៀតមិនទាន់ស្គាល់ឈ្មោះ មុខរបរ សិស្សរងរបួសធ្ងន់បញ្ជូនមកព្យាបាលនៅមន្ទីរពេទ្យខេត្ត។ វត្ថុតាង ត្រូវបាននគរបាលធ្វើការវាស់វែងហើយអូសយកទៅរក្សាការិយាល័យនគរបាលចរាចរណ៍ផ្លូវគោកខេត្ត ដើម្បីដោះស្រាយតាមផ្លូវច្បាប់៕
សិស្សសាលាជិះម៉ូតូឌុបគ្នា២នាក់ ត្រូវរថយន្តបុកស្លាប់ម្នាក់យ៉ាងអាណោចអាធ័ម
0 Comments